Jeremiah 38:4 - De Beebaa Dabu

⁴ Gai denga dagi ne hai ange gi de hodooligi, “Taane nei e daa donu gi magau. Ia e hai ma e llodo baageaa denga daane hebagi e doe i lo te aduhale ma dangada alodahi i ana muna e tala ange gi gilaadeu. Taane nei e dee ssala de mee e danuaa ange gi de huaadangada, aagai e ssala delaadeu hagaduasala.”

Jeremiah 38:4 Referans Kwoze

Jeremiah 26:11

Gai de gau haimeedabu ma denga pelaabisi ga hai ange gi dagi o de henua ma dangada alodahi, “E heohi donu de daa taane nei gi magau, go hiidinga ia gu basa pelaabisi ma gu hai baasi ange ai gi de aduhale nei, bei doodou hai gu langona ai naa!”

Acts 16:20

gai gilaadeu ne kave gilaau gi daho denga dagi maolunga o de aduhale, ga hai ange, “Luu daane nei ni dangada Ssuu, gai gilaau e hakoso taadeu aduhale,

Amos 7:10

Gai Amaziah tangada haimeedabu o Bethel ne aalu gi Jeroboam de hodooligi o Israel, ga hai ange, “Amos gu noho e hai baasi adu gi de goe i honga de henua go Israel. Gai de henua gu dee llodo i ana muna alodahi e tala.

Jeremiah 29:7

Gai goodou haia gi noho baba ma de hagadagadaga age de aduhale aagu gu kave goodou gi nnoho ai, ma de dalodalo ange gi Tagi Maolunga i hiidinga o de aduhale laa, go hiidinga noo gu hagadagadaga age de aduhale, aagai goodou e hagadagadaga age naa hogi.

Nehemiah 6:9

Gai gilaadeu ne hagatale de hagamaatagu gimaadeu, gilaadeu ne maanadu, “Gilaadeu e baageaa naa i de hai hegau, gai de hegau gu dee maua gi lava.” ⌊Aagai au ne dalodalo, ga hai ange, “De Maadua,⌋ koe gi haia gi mmahi au.”

1 Kings 21:20

Ahab ne hai ange gi Elijah, “Dogu hagadaumee, koe gu gidee ange naa hogi au?” Elijah ne hai ange, “Au gu gidee goe, go hiidinga koe gu lava i de hagao ange goe gi de baubau i mada luu mada o Tagi Maolunga.

Exodus 5:4

Aagai de hodooligi o Egypt ga hai ange gi Moses ma Aaron, “Gu aha gooluu gu hai ai naa dangada gi dilia alaadeu hegau? Goodou aahe mage hai hegau!”

Acts 28:22

Aagai gimaadeu e llodo e hagallongo au hagasaele. Go hiidinga gimaadeu gu iloo bolo gu soa dangada i mommee alodahi e hagabaubau ina de hagabuulinga naa.”

Acts 24:5

Gimaadeu ne iloo bolo taane nei se daane e hagahai ngadaa ina dangada, gai se daane e haia gi hellumi de gau Ssuu i henua i lalo alodahi. Ia se dagi hogi niio dangada e hagabinga laa bolo go de hagabuulinga hai daumaha o de gau Nazareth.

Acts 17:6

Gai ga dee gidee huu e gilaadeu a Paul ma Silas, gai gilaadeu ga dada mai Jason ma hanu dangada gu hagadonusia laa, ga kave gi mada i mua o dagi o de aduhale laa. Gai gilaadeu ga hevaalogi ga hagataba, “Go denga daane nei ne haia ga hellumi henua i lalo, gai gilaadeu gu loomai hogi gi kinei,

Luke 23:2

Gai gilaadeu ga hagabaubau ia ga hai ange, “Gimaadeu gu gidee bolo taane nei e hagabasa dangada i demaadeu huaahenua ma e hai gilaadeu gi dee hagao ina ange taagisese gi Caesar. Ia e hagadaba hogi bolo go ia de Klisdo, gai se hodooligi.”

Ezekiel 22:27

Ono dangada aamua e bei denga wolf e hangahanga ina laa alaadeu manu gu mau. Gilaadeu gu hagassali dodo o dangada ma de daa gilaadeu ga maakau gi maua ai olaadeu goloa i hegau dee heohi.

Ezra 4:12

De hodooligi, koe gi iloo bolo de gau Ssuu ne aahe mai nei i oo daha gi Jerusalem, gilaadeu gu hagaahe age de aduhale hagamaolunga nei ma de baubau. Gilaadeu gu hagaduu age ange de buibui ma denga dagelo.

2 Chronicles 24:21

Aagai gilaadeu ga hagasaele ange de daa ia gi magau. Gilaadeu ne daudali i muna a de hodooligi ga maga ia gu magau i denga hadu i lo te buibui o de hale o Tagi Maolunga.

Jeremiah 11:21

“Deenei ai, e hagadaba Tagi Maolunga i dagodo o denga daane o Anathoth, go dangada e saalaa goe e daa gi magau ma de hai adu, ‘Aude basa pelaabisi i de ingoo o Tagi Maolunga, gimaadeu kana daa goe gi magau’ —

Jeremiah 18:23

Aagai koe e iloo, e Tagi Maolunga, alaadeu hagatau e daa ai au gi magau. Koe gi dee degi ange gi alaadeu hegau baubau, aabe gi sooloa olaadeu haisala i mada luoo mada. Gai koe hagadee kii ina gilaadeu i oo mada i mua, ma de haele gilaadeu i doo lili.

Jeremiah 38:16

Aagai de hodooligi go Zedekiah ga hagatoo donu hagammuni ange gi Jeremiah, ga hai ange, “Au e hagatoo donu i de mouli o Tagi Maolunga, go de ia ne haia odaadeu hagasaalunga: au e dee daa donu goe gi magau aabe e dugu ange goe gi denga daane e saalaa naa goe e daa gi magau.”

Jeremiah 38:25

Gai noo e langona e dagi o de henua adaau muna, gai noo gilaadeu e loomai naa ga hai adu, ‘Daalaa mai gi gimaadeu be aahee au muna ne tala ange gi de hodooligi, gai aahee ana muna ne tala adu gi de goe; aude hagamuunia donu, gai gimaadeu ga dee daa donu goe gi magau,’

Jeremiah 43:3

Gai Baruch tama daane a Neriah ne hai goe gi hai baasi mai gi gimaadeu, e gaavange ai gimaadeu gi de gau Babylon, gai gilaadeu ga daa ai gimaadeu gi maakau, aabe e kave gimaadeu gi Babylon.”