Jeremiah 38:22 - De Beebaa Dabu

²² Denga haahine alodahi e doe i de hale o de hodooligi o Judah, e dagi naa ga kave gi denga dagi i lalo o de hodooligi o Babylon. Gai denga haahine e hai adu naa gi de goe: ‘Oo soa aau e hagadonu naa gu dagi gee goe; gilaadeu gu maua i de hagasenga goe. Gai luoo vae gu ssege gi lo te bela; gai gilaadeu gu tili goe.’

Jeremiah 38:22 Referans Kwoze

Lamentations 5:11

Denga haahine o Zion gu haia gi de mahi, aama denga bua mmoe i aduhale o Judah.

Lamentations 1:2

De aduhale laa e kona mmao de dangi i de boo, ono loimada gu ssali iho gi luoono galaahuu; gu deai se dangada i magavaa o ono soa e hagaaneane ina ia. Ono soa alodahi gu vaivai daakodo ange gi de ia, gilaadeu gu ni hagadaumee niiona.

Jeremiah 43:6

Gilaadeu ne kave hogi denga daane ma haahine, ma gauligi, ma denga damaa hine a de hodooligi, ma dangada alodahi a Nebuzaradan tagi o de gau hagaloosi, ne dugu laa i daho Gedaliah tama daane a Ahikam, tama daane a Shaphan, ma de pelaabisi go Jeremiah, aama Baruch tama daane a Neriah.

Micah 7:5

Aude hagadonusia tangada e baa adu gi de goe, gai gi dee tali hagalodolodo ange gi doo soa. Koe gi dagidiiloo hogi au muna e tala ange gi de hine i doo gaogao.

Lamentations 1:13

Ia ne hai gi hano iho de ahi i de mommee maolunga, gi duungia lodo ogu ivi. Ia ne hhola dahi galauna e buulou ai luoogu vae; gai ia ga hagaahe dua ai au. Ia ne tili au gi noho sogosogo, ma teai ogu mahi mai i taiao ga boo ai.

Jeremiah 41:10

Gai Ishmael ne noonooa dangada alodahi e doe i Mizpah ga kave: go denga damaa hine a de hodooligi, madali dangada alodahi e doe i Mizpah, go dangada a Nebuzaradan tagi o de gau hagaloosi ne dugu i daho Gedaliah tama daane a Ahikam. Gai Ishmael tama daane a Nethaniah ne noonoa gilaadeu alodahi ga hulo ai gilaadeu gi daho de gau Ammon.

Jeremiah 38:19

Gai de hodooligi go Zedekiah ga hai ange gi Jeremiah, “Au e madagu i de gau Ssuu gu dau ange laa gi de gau Babylon, de gau Babylon kana poo au ga gaavange gi gilaadeu, gai gilaadeu ga vaivai hai au.”

Jeremiah 20:10

Au e langona dangada soa e hagadau musumusu, De mee hagamaatagu gu i mommee alodahi! “Gaavange ia! Gaavange ia gi de hainga!” Ogu soa alodahi e dagitilo de masavaa oogu e haisala ai, gai gilaadeu ga hagataba, “Kana adu ia e hagasengalia naa; gai gidaadeu ga hagadee kii ia ma de sui ange ana mee ne hai.”

Jeremiah 6:12

Olaadeu hale e gaavange naa gi hanu dangada gee, madali olaadeu alahenua ma olaadeu bodu; go hiidinga au e hagaabo naa dogu lima e hai baasi ange ai gi dangada e nnoho i honga de henua, go Tagi Maolunga e hagadaba.

Isaiah 42:17

Dangada e hagadonusia denga diinonga ma de hai ange gi denga diinonga laagau ma diinonga baalanga, “Go goodou omaadeu maadua,” e aahe dua naa ma de dookaa.

Psalm 69:14

Daangia age au i lo te bela pigi oogu gu dai danumia ai; hagaola ina mai au i gilaadeu e kino i de au, ma mai i lo te moana gelo.

Psalm 69:2

Au gu dai lilo donu gi lo te bela, go de mommee e deai se mommee e tuu ange luoogu vae aagena. Au gu doo gi lo te moana gelo, denga vai gu haoli au.

Psalm 41:9

Dogu soa danuaa hugadoo, go de ia aagu e hagadonu, ma de gaimee madali au, gu hai baasi mai gi de au.

Jeremiah 46:21

Gai denga daane hebagi aana ne hagao i ono daha e bei dagodo o denga kaau gu haangai laa gi pedi. Gilaadeu alodahi gu saavini hogi ga hulo gee, gilaadeu e dee maua i de tuu e hebagi; go hiidinga de laangi hai ngadaa gu dae mai gi gilaadeu, go de masavaa olaadeu e hagaduasala ai.

Jeremiah 46:5

Gai ni aha aagu e gidee adu nei? Gilaadeu gu maatagu, gilaadeu gu aahe dua; olaadeu daane dau i de hebagi gu hagadee kii ina. Gilaadeu gu saavini ma gu hulo gee, gai tee kalo dua donu; gai de mee hagamaatagu gu i mommee alodahi, go Tagi Maolunga e hagadaba.

Jeremiah 8:10

Deenei ai, au e gaavange naa olaadeu bodu gi hanu daane gee, gai olaadeu alahenua e gaavange naa gi olaadeu hagadaumee. Mai i tangada maolalo ga dae ai gi tangada maolunga, gilaadeu alodahi gu nnoo hagamau mee; denga pelaabisi ma de gau haimeedabu gu se dagodo daudahi donu, gilaadeu alodahi e hegau i de hagasenga.

Jeremiah 13:21

Gai aahee naa au muna e tala i de masavaa, aana e hai ai dangada aau ne agoago ange gi ni dagi niiou? E aha, goodou e dee mmae naa oodou lodo, bei de hine gu hai ono hagalangona?

Jeremiah 38:21

Aagai noo koe e dee lodo e hano e dau ange gi de ia, gai aanei muna a Tagi Maolunga gu hagaago mai gi de au:

De Beebaa go Job 6:15

Aagai au gu deai sagu tali ange gi ogu daina, bei denga saalingaa vai e ssali laa i dahi masavaa bodobodo, ma denga saalingaa vai e hoohonu age laa

Jeremiah 27:14

Goodou aude hagalaangona muna a denga pelaabisi e hai adu naa, ‘Goodou e dee hai hegau ange naa donu gi de hodooligi o Babylon.’ Go hiidinga gilaadeu e hadu muna adu gi goodou.

Jeremiah 27:15

‘E dee go au ne haia gilaadeu gi loadu, go Tagi Maolunga e hagadaba, aagai gilaadeu e hadu muna, i delaadeu pasa pelaabisi i dogu ingoo. Deenei ai, au e alualu naa goodou gi hulo gee, gi maakau ai goodou, go goodou ma denga pelaabisi hadu muna, e pasa pelaabisi adu naa gi goodou.’ ”