Jeremiah 37:7 - De Beebaa Dabu

⁷ “E hagadaba Tagi Maolunga, de Maadua o Israel: Daalaa ange gi de hodooligi o Judah, ne haia naa goodou gi loomai gi siilia gi iloo i ogu daha, ‘De hagabuulinga hebagi o Pharaoh gu loomai naa e balea adu goodou, e aahe naa gi delaadeu henua go Egypt.

Jeremiah 37:7 Referans Kwoze

Lamentations 4:17

Gimaadeu gu daalea i de tali, i teai donu se bale e humai; gimaadeu ne dagitilo mai i omaadeu hale hagaloosi maolunga be e dahi laa huaahenua e maua i de hagaola gimaadeu.

Ezekiel 17:17

Gai Pharaoh ma dono hagabuulinga hebagi aama denga daane soa e dee maua naa donu i de bale ange ia i de hebagi, i de masavaa a de gau Babylon e loomai ai ga hagabudubudu age denga gelegele ma de hagatuu age denga mee e oha ai de buibui ma de daa dangada soa ga maakau.

Jeremiah 37:3

Gai de hodooligi go Zedekiah ne hai Jehucal tama daane a Shelemiah, ma tangada haimeedabu go Zephaniah, tama daane a Maaseiah, gi hulo gi daho de pelaabisi go Jeremiah, gi hai ange, “Dangidangi ange gi Tagi Maolunga, taadeu Maadua i omaadeu hiidinga.”

Jeremiah 21:2

“Dangidangi ange gi Tagi Maolunga i omaadeu hiidinga, go hiidinga de hodooligi o Babylon go Nebuchadnezzar gu humai e hebagi mai gi gimaadeu. Gai Tagi Maolunga gi haia hanu sauaa bei ana mee gu hai i denga masavaa gu hulo, gi hulo gee ai gilaadeu i omaadeu daha.”

2 Kings 22:18

Aagai goodou hai ange gi de hodooligi o Judah, ne haia naa goodou gi loomai gi siilia i daho Tagi Maolunga, ‘E hagadaba Tagi Maolunga, de Maadua o Israel, i dagodo o muna aau gu langona naa:

Ezekiel 29:16

Gai de gau Israel e dee aahe ange naa donu e tali hagalodolodo ange gi Egypt, aagai gilaadeu e manadua naa olaadeu baubau, i delaadeu tali ange gi de gau Egypt. Gai gi iloo ai e gilaadeu bolo go au donu de Ia Aamua go Iahweh.”

Jeremiah 2:36

Gu aha gu ngadi aheahe saele ai naa goe, ma tee modu de sui oo haiava? Egypt e hagadogaa naa goe bei de hai a Assyria ne hai ai laa goe.

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Jeremiah 2:18

Aagai gu aha gu hano ai goe gi Egypt e unu ai vai o de Nile? Gai gu aha gu hano ai goe gi Assyria, e unu ai vai o Euphrates?

Jeremiah 2:37

Gai koe e hano gee naa hogi i de mommee nei gai luoo lima e haoli luoo mada, go hiidinga Tagi Maolunga gu tili gilaadeu aau e hagadonu; gilaadeu e dee maua naa donu i de hai goe gi hagadagadaga age.

Jeremiah 21:1

Gai Tagi Maolunga ne hagaago ange ana muna gi Jeremiah, i de masavaa a de hodooligi go Zedekiah ne hai ai gi loomai Pashhur tama a Malkiah, ma tangada haimeedabu go Zephaniah, tama daane a Maaseiah, gi hai mai,

Jeremiah 37:5

Gai de hagabuulinga hebagi o Pharaoh gu loomai i Egypt. Gai ga langona huu e de gau Babylon, e duuli ina laa luu baasi o Jerusalem delaadeu loomai, gai gilaadeu ga tili Jerusalem gai ga saavini ga hulo.

Jeremiah 37:6

Gai Tagi Maolunga ne hagaago ange ana muna gi de pelaabisi go Jeremiah, ga hai ange,

Lamentations 1:7

Laangi oona ne vaivai haia ai ma de silivaahea saele ai, gai Jerusalem ne manadua denga goloa hagamogomogo alodahi, e hanu i ono daha i denga laangi gu hulo. De masavaa o ono dangada ne hagadee kii ina ai, gai teai donu se dangada ne balea ange ia. Ono hagadaumee ne haina ia, ma de kada i dono hagadee kii ina.

Ezekiel 30:22

Deenei ai, e hagadaba de Ia Aamua go Iahweh: Tilo, au e hai baasi ange gi Pharaoh, de hodooligi o Egypt. Au e hadihadi naa luoono lima, go dono lima mmahi laa aama dono lima gu hadi laa, ma de hai gi doo de gadilaasa e poo laa i dono lima.

2 Kings 24:7

Gai de hodooligi o Egypt tee hano gee ange i dono henua, go hiidinga de hodooligi o Babylon gu kave dono mommee alodahi, mai i Ssaalingaa Vai o Egypt ga dae ai gi ssaalingaa vai go Euphrates.

Isaiah 30:7

go Egypt e deai laa ono haigamaiana, gai e deai mee iai. Deelaa ai, au e hagaingoo ange ia go “Rahab, de ia ngadi noho.”

Isaiah 36:6

Tilo, dau tali go Egypt, go de henua e bei laa togo madila gu hadi laa; gai e duuia ai naa de lima o tangada e hannagi ange aagena. Aanei dagodo o Pharaoh, de hodooligi o Egypt, ange gi dangada alodahi e daalia ange ia.