Jeremiah 37:16 - De Beebaa Dabu

¹⁶ Gai gilaadeu ne hhoa Jeremiah gi lo te haonga, gai ia ne noho i kilaa i hanu laangi lagolago.

Jeremiah 37:16 Referans Kwoze

Jeremiah 38:6

Gai gilaadeu ne kave Jeremiah ga hao ange gi lo te mommee e hagasahu ange aagena vai a Malkijah, tama daane a de hodooligi, se mommee i lo te buibui o de gau hagaloosi. Gilaadeu ne nnoa ia i hanu daula, ga hagasege iho ai ia gi lo te mommee e hagasahu ange aagena vai. Gai gu deai vai iai i de masavaa laa, gai gu ni bela donu huu i kilaa; gai Jeremiah ne abulu gi lodo bela laa.

Lamentations 3:55

Tagi Maolunga, au ne dalodalo adu gi de goe, mai i tagelo o de geelonga.

Lamentations 3:53

Gilaadeu ne tili ange au gi lo te geelonga ma de hai denga hadu ga maga ai au;

Genesis 40:15

Go hiidinga dangada ne hai gi de mahi au ga kave gee au mai i de henua o de gau Hebrew, gai tigi ai hogi agu mee ne hai i kinei e heohi ai dogu noho i lo te hale pono.”