Jeremiah 37:10 - De Beebaa Dabu

¹⁰ Gai e dee galemu naa donu noo goodou gu maua i de hagadee kii de hagabuulinga hebagi, o de gau Babylon e hebagi adu naa gi goodou, gai go alaadeu daane lagolagohia donu huu e doe i lodo olaadeu hale malo, gai gilaadeu e loomai naa donu ga dudu de aduhale nei.”

Jeremiah 37:10 Referans Kwoze

Joel 2:11

Tagi Maolunga e basa i mada i mua o dono hagabuulinga hebagi; dono hagabuulinga hebagi e laumalie mmao, gai de ia e hagassula ina ana muna e mmahi mmao. De laangi o Tagi Maolunga e maolunga, ma de hagamaatagu mmao; goai e bau ange aagena?

Jeremiah 50:45

Deenei ai, goodou hagalaangona de hagatau a Tagi Maolunga e hai baasi ange ai gi Babylon, ma ana mee gu hagadabena e hebagi ange ai gi de henua o de gau Babylon: dama a dana hagabuulingaa ssiibi e gaavee gee naa; ia e oha naa olaadeu mommee iai helii i olaadeu hiidinga.

Isaiah 30:17

E mano goodou e saavini naa ga hulo gee i doodou maatagu i dahi dangada sogosogo; e dogolima dangada e hai goodou alodahi gi saavini gi hulo i doodou maatagu, ga dae ai gi doodou bei dagodo o dahi laagau e duu laa i ulu de mounga, aabe go dahi hagailonga i honga dahi mounga.”

Jeremiah 51:4

Gilaadeu e daa naa ga maakau i de henua o de gau Babylon, aama de lagolagohia ga maakau i honga ono haiava.

Jeremiah 49:20

Deenei ai, goodou hagalaangona de hagatau a Tagi Maolunga e hai baasi ange ai gi Edom, ma ana mee gu hagadabena e hebagi ange ai gi gilaadeu e nnoho i Teman: dama a dana hagabuulingaa ssiibi e gaavee gee naa; ia e oha naa olaadeu mommee iai helii i olaadeu hiidinga.

Jeremiah 37:8

Gai de gau Babylon e aahe mai ange naa ga hebagi ange gi de aduhale nei; gilaadeu e hagadee kii naa de aduhale ga dudu i de ahi.’

Isaiah 14:19

Aagai koe e tili gee naa i lo too daanunga bei dahi laa manu e aau laa ga tili; koe gu haolia ma gu lilo i de gau maakau, madali gilaadeu ne daia ga maakau i de gadilaasa, go gilaadeu e loiho gi lodo hadu i lo te geelonga. Koe gu bei de angaanga o tangada magau e dagadagahia laa.

Isaiah 13:15

Gai be goai naa huu e boogia mai, gai e velo gi magau, gai dangada alodahi e boogia mai e daa naa ga magau i de gadilaasa.

Isaiah 10:4

Gai gu deai ange oodou mee e hai, aagai go de ino donu huu gi lalo madali gilaadeu gu noonoodia, aabe go de baakuu madali de gau maakau. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Jeremiah 21:10

Au gu baba ange donu e hai ange de baubau gi de aduhale nei, e dee tanuaa, go Tagi Maolunga e hagadaba. De aduhale nei e dugu ange naa gi de hodooligi o Babylon gi hagadee kii ina, gai ia e dudu naa de aduhale i de ahi.’

Jeremiah 32:29

Gai de gau Babylon e hebagi ange nei gi de aduhale nei e ulu mai naa ga dudu de aduhale i de ahi, madali denga hale a dangada e dudu ai laa mee maanongi ange gi Baal i tua olaadeu hale, aama de sigidaumaha ange mee unu gi denga diinonga ga hidi mai ai dogu bole.

Jeremiah 37:11

Gai de masavaa huu o de hagabuulinga hebagi o de gau Babylon ne hulo gee ai i Jerusalem, i hiidinga delaadeu maatagu i de hagabuulinga hebagi o Pharaoh,

Lamentations 1:15

De Ia Aamua gu tili denga daane hebagi alodahi i lo te aduhale; ia ne hagahi dahi hagabuulinga hebagi gi humai gi daia agu dama daane. De Ia Aamua gu dagadagahi tamaa hine o Judah, bei de hai e dagadagahi ai laa denga grape i de mommee kumi uvaini.