Jeremiah 36:26 - De Beebaa Dabu

²⁶ Gai de hodooligi ne tala ange gi Jerahmeel, dahi dama daane a de hodooligi, ma Seraiah tama daane a Azriel, ma Shelemiah tama daane a Abdeel, gilaadeu gi hulo gi boogia tangada sisi go Baruch ma de pelaabisi go Jeremiah. Aagai Tagi Maolunga gu lava i de hagammuni gilaau.

Jeremiah 36:26 Referans Kwoze

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

1 Kings 19:14

Gai ia ga hai ange, “Au ne hagaduu ngae ga hai hegau a Tagi Maolunga, de Maadua o denga hagabuulinga hebagi; aagai de gau Israel gu tili dau hagatoo donu hagaheloongoi, ma de oha oo mommee o ssigidaumaha, aama de daa oo pelaabisi ga maakau i de gadilaasa. Go au donu huu e doe, gai gilaadeu e ssala hogi au e daa gi magau.”

1 Kings 19:10

Gai ia ga hai ange, “Au ne hagaduu ngae ga hai hegau a Tagi Maolunga, de Maadua o denga hagabuulinga hebagi. Aagai de gau Israel gu tili dau hagatoo donu hagaheloongoi, ma de oha oo mommee o ssigidaumaha, ma de daa ga maakau oo pelaabisi i de gadilaasa. Go au donu huu e doe, gai gilaadeu e ssala hogi au e daa gi magau.”

1 Kings 17:3

“Hano gee mai i kinei, ma gi hano gi baasi dua mmuni ai, i gaogao ssaalingaa vai go Kerith, i baasi dua o Jordan.

Acts 12:11

Gai de masavaa huu o Peter ne ala abodonu ai, gai ia ga hagadaba, “Iainei gai au gu iloo bolo ni mee abodonu Tagi Maolunga gu hai gi humai dono dangada de langi gi hagaola ina mai au i ssauaa o Herod, ma mai i mee alodahi a de gau Ssuu ne llodo e hai mai gi de au.”

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

Psalm 64:2

Buibui mai au i hagatau a tangada baubau e hagammuni laa, ma mai i de hagabuulinga o dangada e haia de baubau.

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

John 8:20

Iesu ne tala muna nei i de masavaa oona e agoago ai i de temple i gaogao de mommee e dugu ai denga sigidaumaha. Aagai teai donu se dangada ne boogia ia, go hiidinga tigi dae mai dono masavaa.

Jeremiah 36:19

Gai denga dagi laa ne hai ange gi Baruch, “Gooluu ma Jeremiah hulo mmuni, aagai haia gi deai dangada e iloo be go hee ooluu e mmuni ai.”

Jeremiah 36:5

Gai Jeremiah ne hai ange gi Baruch, “Au e dee alaange de hano gi de hale o Tagi Maolunga.

Psalm 57:1

De Maadua, lodo aloha mai gi de au, lodo aloha mai gi de au, go koe dogu buibui; au e ssala dogu buibui i lalo de malu o luoo bakau, ga dae ai gi de sili de madangi mmahi.

Psalm 32:7

Go koe dogu mommee e mmuni ai, koe e buibui au i de hai ngadaa; ma de hai au gi daahili i taahili o de hagaola. Selah

1 Kings 18:4

gai de masavaa a Jezebel ne daa ai ga maakau denga pelaabisi o Tagi Maolunga, gai Obadiah ne kave e lau pelaabisi ga hagammuni, i lodo e lua haonga i gaogao de mounga, e dagidinolima i de haonga, gai ia ne gaamai denga gai ma vai ga haangai ai gilaadeu.)

John 11:57

Gai de gau haimeedabu maolunga ma denga Pharisee gu hai ange gi dangada gi dagidiiloo be go hee o Iesu iai gi hagailoo ange gi gilaadeu, gai gilaadeu ga poo ai ia.

John 8:59

Gai gilaadeu ga poo age denga hadu e maga ai ia, gai Iesu ga hagalilo ga sao ga hano gee mai i de mommee o de temple.

John 7:32

Gai ga langona huu e denga Pharisee muna a dangada e pasa ai laa, gai gilaadeu ma de gau haimeedabu maolunga ga hai gi hulo hanu dangada hagaloosi gi boogia Iesu.

Jeremiah 2:30

Teai donu haigamaiana dagu haele oodou dama, gilaadeu tee aanga mai gi agu muna hagaheohi. Oodou gadilaasa ne daa ga maakau oodou pelaabisi bei dagodo o dahi laiono hiigai.

Jeremiah 1:19

Gilaadeu e hebagi adu naa gi de goe, aagai gilaadeu e dee kii naa donu, go hiidinga au madali goe ma de hagaola goe,” go Tagi Maolunga e hagadaba.

1 Kings 17:9

“Hidi age hannoo gi Zarephath, dahi aduhale o Sidon, ga noho ai. Tilo, au gu tala ange gi dahi hahine gu magau dono bodu ia gi haangai ina adu goe.”

Psalm 121:8

Tagi Maolunga e hagaloosi goe i mommee alodahi oou e hano aagena, mai iainei ga hano ai e dee ngado mai.

1 Kings 22:26

Gai de hodooligi o Israel ga hagadaba, “Boogia Micaiah hagaahea gi daho Amon, tagi o de aduhale, aama daho Joash, tama daane a de hodooligi,

2 Kings 11:2

Aagai Jehosheba, tamaa hine a de hodooligi go Jehoram, taina hahine o Ahaziah, ga kave gee Joash, dahi dama daane a Ahaziah, mai i daho denga dama daane a de hodooligi gu hagamodu laa e daa gi maakau. Gai ia ga kave tama laa madali de hine e diiloo ange laa ia gi lo te aabi sseni ga hagammuni ai ia i Athaliah; deelaa ai, ia tee daia gi magau.

2 Chronicles 18:26

ma gi hai ange, ‘E hagadaba de hodooligi: haaoa taane nei gi lo te hale pono, gai haangai ina ange donu huu ia i hanu momo pelaoaa ma vai, ga dae ai gi dogu ahe mai i de hebagi i de noho baba.’ ”

Psalm 105:15

“Goodou e dee poo ange gi gilaadeu aagu gu hagadabu i de lolo, gai gi dee hagammae ina ogu pelaabisi.”

Jeremiah 26:24

Aagai Ahikam tama daane a Shaphan ne hagabuni ange gi Jeremiah. Deelaa ai, tee maua e dangada i de daa ia gi magau.

Jeremiah 38:6

Gai gilaadeu ne kave Jeremiah ga hao ange gi lo te mommee e hagasahu ange aagena vai a Malkijah, tama daane a de hodooligi, se mommee i lo te buibui o de gau hagaloosi. Gilaadeu ne nnoa ia i hanu daula, ga hagasege iho ai ia gi lo te mommee e hagasahu ange aagena vai. Gai gu deai vai iai i de masavaa laa, gai gu ni bela donu huu i kilaa; gai Jeremiah ne abulu gi lodo bela laa.