Jeremiah 36:24 - De Beebaa Dabu

²⁴ Gai de hodooligi ma ono dangada hai hegau tee maatagu hogi i delaadeu langona muna laa alodahi, aabe ne saesae olaadeu malo.

Jeremiah 36:24 Referans Kwoze

Jeremiah 36:16

Gai ga langona huu e gilaadeu muna laa alodahi, gai gilaadeu ga hagadau kalo ange gu maatagu, ga hai ange gi Baruch, “Gimaadeu e tala ange naa donu muna nei alodahi gi de hodooligi.”

Psalm 36:1

De haisala e basa ange gi lodo o tangada baubau. Gai e deai donu se madagu o de Maadua i ono daha.

Jonah 3:6

Gai ga langona huu e de hodooligi o Nineveh muna laa, gai ia ga hidi age mai i dono nohoanga hodooligi, ga hagaui dono malo laa daha, gai ia ga gahu i malo daladala, ga noho i lodo lehu.

Isaiah 36:22

Gai Eliakim, tama daane a Hilkiah, taane e diiloo ange de hale o de hodooligi, ma Shebna tangada sisi, aama Joah tama daane a Asaph, tangada daohi, ne saesae olaadeu malo ga aahe gi daho Hezekiah, ga tala ange gi de ia muna a de Rabshakeh ne hai ange.

Psalm 64:5

Gilaadeu e hagadau hagammahi i alaadeu hagatau baubau; gilaadeu e madaangudu i de hai e hagammuni ai alaadeu sele; gilaadeu e hagataba, “Goai naa donu e gidee mee nei?”

1 Kings 21:27

De masavaa huu a Ahab ne langona ai muna laa, gai ia ga ssae ono malo, ga gahu i denga malo daladala, ma de hagahiigai, ga dagodo i lodo malo daladala ma de seesee saele gu daemaha.

Romans 3:18

Gai e deai donu se madagu i de Maadua i olaadeu daha.”

Matthew 12:41

Dangada o Nineveh e hiihidi age naa ga hagabaubau de atangada nei i de laangi hagamodu muna, go hiidinga gilaadeu ne daahuli olaadeu lodo i agoago a Jonah; gai tilo, dahi e maolunga ange laa i Jonah gu i kinei!

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

De Beebaa go Job 15:4

Aagai koe e hai gi deai se madagu i de Maadua, ma de hai gi dee dalodalo ange gi de ia.

Genesis 37:29

Gai ga ahe huu Reuben gi de mommee iai de geelinga laa, gai ga gidee huu ia bolo Joseph gu dee maleva i kilaa, gai ia ga ssae ono malo.

Genesis 37:34

Gai Jacob ga ssae ono malo, gai ia ga gahu i malo daladala ga hinangalosaa ai i dana dama i hanu laangi lagolago.

2 Samuel 1:11

Gai David ga ssae ono malo, gai denga daane madali ia ga saesae hogi olaadeu malo.

Isaiah 37:1

De masavaa a de hodooligi go Hezekiah ne langona ai muna nei, gai ia ga ssae ono malo, ga gahu i malo daladala, ga hano ai gi lo te hale o Tagi Maolunga.

Exodus 7:23

Gai Pharaoh ga huli ga ahe gi dono hale, ia tee anga ange donu gi mee laa.

Psalm 36:2

Go hiidinga ia e tuhi donu huu ia, bolo ono baubau e dee gidee donu aabe e hakino gee.