Jeremiah 34:20 - De Beebaa Dabu

²⁰ au e dugu ange naa gi olaadeu hagadaumee e saalaa gilaadeu e daa gi maakau. Olaadeu angaanga e gaavange gi denga manu llele aama manu dolodolo gi gaina.

Jeremiah 34:20 Referans Kwoze

Jeremiah 7:33

Gai angaanga o de gau nei e gaavange naa e gai denga manu llele ma manu dolodolo gi gaina, gai e deai naa donu dangada e dugia gilaadeu.

Jeremiah 19:7

Gai au e hai naa gi deai haigamaiana hagatau a Judah ma Jerusalem i de mommee nei. Gai au e hai naa olaadeu hagadaumee gi daia gilaadeu gi maakau i de gadilaasa, ma dangada e saalaa gilaadeu e daia gi maakau. Gai au e gaavange naa olaadeu angaanga gi denga manu llele ma manu dolodolo gi gaina.

Jeremiah 16:4

Gilaadeu e mmagi naa ga maakau. Gai e deai naa donu dangada e tangi aabe danumia gilaadeu, aagai gilaadeu e bei naa denga duudae e daakodo saele laa i honga de gelegele. Gilaadeu e maakau i de gadilaasa ma de onge, gai olaadeu angaanga e gaina naa e denga manu llele ma manu dolodolo o de henua.”

Jeremiah 11:21

“Deenei ai, e hagadaba Tagi Maolunga i dagodo o denga daane o Anathoth, go dangada e saalaa goe e daa gi magau ma de hai adu, ‘Aude basa pelaabisi i de ingoo o Tagi Maolunga, gimaadeu kana daa goe gi magau’ —

1 Kings 16:4

Dangada alodahi i de huaabodu o Baasha e maakau laa i lo te aduhale, e gaina naa i denga gaaduu; gai dangada e maakau laa i tua de aduhale, e gaina naa i denga manu llele.”

Jeremiah 22:25

Gai ia ga dugu ange goe gi dangada e nnoho naa e daia goe gi magau, go dangada oou e madagu ai naa: go Nebuchadnezzar de hodooligi o Babylon ma de gau Babylon.

Jeremiah 21:7

Gai dua naa huu mee nei, go Tagi Maolunga e hagadaba, gai au e dugu ange naa de hodooligi o Judah go Zedekiah, ma ono dagi o de hebagi aama dangada tee maakau laa i de mee hagamaakau, be go de gadilaasa aabe go de onge, gi de hodooligi o Babylon go Nebuchadnezzar, aama olaadeu hagadaumee e nnoho laa e daia gilaadeu gi maakau. Gai ia e daa naa gilaadeu i de gadilaasa; ia e dee damaa aloha ange naa donu gi gilaadeu aabe lodo aloha ange gi gilaadeu.’

1 Kings 14:11

Dangada alodahi i de huaabodu o Jeroboam e maakau laa i lo te aduhale, e gaina naa e denga gaaduu; gai ono dangada e maakau i tua de aduhale, e gaina naa e denga manu llele, go hiidinga Tagi Maolunga gu lava i de tala mee nei.’

1 Samuel 17:46

Ailaa nei gai Tagi Maolunga e dugu mai au gi hagadee kii ina goe, gai au ga daa ai goe gi magau ga tuu doo ua. Gai au e gaavange naa angaanga o de hagabuulinga hebagi o Philistia ailaa nei gi denga manu llele ma denga manu lodo henua gi gaina, gai gi iloo ai e henua i lalo alodahi bolo e dahi Maadua i Israel,

1 Samuel 17:44

Gai ia ga hai ange gi David, “Humai gi kinei, gai au ga gaavange oo kano gi denga manu llele ma manu dolodolo gi gaina!”

Ezekiel 32:4

Au e tili naa goe i honga de gelegele, ma de maga ange goe gi lo te duu malaelae. Au e hai naa denga manu llele gi toga i oo elunga, gai denga manu lodo henua alodahi e boobosu naa i de gai goe.

Ezekiel 29:5

Gai au e maga naa goe gi de vao, madali denga mamu alodahi mai i lodo oo saalingaa vai. Koe e daia naa ga magau i lo te duu malaelae gai koe e dee danu naa donu aabe hagabudu oo ivi. Au e gaavange naa oo kano e gai denga manu dolodolo ma manu llele.

Jeremiah 49:37

Au e hai naa gi maatagu dangada o Elam i olaadeu hagadaumee, aama dangada e nnoho e daia gilaadeu gi maakau. Au e hai naa gi humai de hai ngadaa gi gilaadeu i dogu lili, go Tagi Maolunga e hagadaba. Au e doolohi naa gilaadeu ma de gadilaasa, ga dae ai gi dagu daa gilaadeu gi odi.

Jeremiah 44:30

E hagadaba Tagi Maolunga: Tilo, au e dugu ange naa Pharaoh Hophra, de hodooligi o Egypt, gi ono hagadaumee gu nnoho laa e daa ia gi magau, bei dagu hai ne dugu ange ai laa Zedekiah, de hodooligi o Judah gi Nebuchadnezzar, de hodooligi o Babylon, go dono hagadaumee gu noho laa e daa ia gi magau.”

Jeremiah 38:16

Aagai de hodooligi go Zedekiah ga hagatoo donu hagammuni ange gi Jeremiah, ga hai ange, “Au e hagatoo donu i de mouli o Tagi Maolunga, go de ia ne haia odaadeu hagasaalunga: au e dee daa donu goe gi magau aabe e dugu ange goe gi denga daane e saalaa naa goe e daa gi magau.”

Jeremiah 4:30

Gai koe de hine hagaaloha, ni aha naa aau ga hai? Ni haigamaiana aha doo gahu hagadanuaa i malo mmea, ma de dau mee hagalaagii goolo? Gai ni haigamaiana aha dau lebu luoo mada? Koe e ngadi hagadanuaa donu huu goe. Oo dau soa gu kino i de goe, gilaadeu e ssala goe e daa gi magau.

Deuteronomy 28:26

Denga manu llele ma manu lodo henua e gai naa oo kano; gai e deai naa donu se dangada e dugia gilaadeu gi hulo.

Psalm 79:2

Gilaadeu gu gaavange angaanga o oo dangada hai hegau gi denga manu llele gi gaimee ai, gai gu gaavange angaanga o oo dangada dabu gi manu lodo henua.

Jeremiah 12:9

E aha, dogu boolonga gu bei nei de haonga o de hyena, gai denga manu llele e gaina laa manu maakau gu duuli ia e hai baasi ange? Goodou hulo hagabaa ina mai denga manu alasala gi gaina gilaadeu.

Ezekiel 23:28

Gai e hagadaba de Ia Aamua go Iahweh: Tilo, au e dugu ange naa goe gi ssauaa o dangada oou ne kino ai laa, ma gilaadeu aau gu tili laa i doo kino ai.

Jeremiah 39:6

Gai de hodooligi o Babylon ne daa ga maakau denga dama daane a Zedekiah i Riblah i mada luoono mada, ia ne daa hogi ga maakau de gau aamua alodahi o Judah.