Jeremiah 33:22 - De Beebaa Dabu

²² Gai au e hai naa gi soa hagadiilinga o dogu dangada hai hegau go David ma mogobuna o Levi e haia hegau a tangada haimeedabu i mada luoogu mada, bei de lagolago o denga heduu aama gelegele i gabugabu tai e dee maua laa i de dau.”

Jeremiah 33:22 Referans Kwoze

Genesis 22:17

deelaa ai, au e hagamanuuia naa donu goe, ga hai gi soa oo hagadiilinga, bei de lagolago o denga heduu i lo te langi, ma de lagolago o denga gelegele i gaogao tai. Gai oo hagadiilinga e kave naa denga aduhale o olaadeu hagadaumee.

Hebrews 11:12

Deelaa ai, mai i daho dahi daane daudahi, se daane gu bei dagodo o taane gu magau, ne loomai ai denga hagadiilinga soa, bei denga heduu i lo te langi, aama gelegele i gabugabu tai, e dee maua laa i de dau.

Genesis 15:5

Gai Tagi Maolunga ga hai Abram gi sao gi duaahaho, gai ia ga hai ange, “Galo age gi lo te langi i lunga mage daulia denga heduu be maua e goe i de dau.” Gai ia ga hai ange gi de ia, “Au e gaavadu naa hogi doo aamuli gi soa bei dagodo o denga heduu.”

Jeremiah 31:37

E hagadaba Tagi Maolunga: “Noo e maua i de haide lo te langi i lunga, gai noo denga dagelo o henua i lalo e odi i de gidee danuaa, gai au e tili naa hagadiilinga alodahi o Israel i hiidinga o mee alodahi alaadeu gu hai,” go Tagi Maolunga e hagadaba.

Isaiah 66:21

Gai au e hili naa hanu gilaadeu ga hai ai de gau haimeedabu ma dangada de aamuli o Levi, go Tagi Maolunga e hagadaba.

Zechariah 12:8

De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Ezekiel 44:15

Aagai de gau haimeedabu mai i de aamuli o Levi, go hagadiilinga o Zadok, ne tilo ange dogu mommee dabu i de masavaa o de gau Israel ne daahuli gee ai i de au, go gilaadeu e maua i de loomai gi mada luoogu mada e hai hegau ai; gai gilaadeu ga hai ai sigidaumaha o denga mee moomuna ma dodo, go de Ia Aamua go Iahweh e hagadaba.

Psalm 89:29

Gai au e hai naa dono aamuli gi hodooligi ga hano ai, gai dono nohoanga hodooligi e duudagi naa donu huu i taulooloa de dagodo de langi i lunga.

Psalm 22:30

Denga hagadiilinga i muli mai e daumaha ange naa gi de ia; dagodo o de Ia Aamua laa e tala ange naa gi denga atangada e loomai.

Genesis 28:14

Gai oo hagadiilinga e soa naa bei de lagolago o denga gelegele i honga de henua, gai koe e hhao naa ga honu de henua mai i dai ga hano ai gi dua, ma mai i ngaiho ga hano ai gi ngaage. Gai hagadiilinga alodahi o henua i lalo e manuuia naa i oodou hiidinga ma doo hagadiilinga.

Genesis 13:16

Gai au e hai naa oo hagadiilinga gi soa bei de lagolago o gelegele o de henua, gai noo e maua i de dau denga gelegele o de henua, gai e maua naa hogi i de dau de soa o doo hagadiilinga.

Isaiah 48:19

Gai oo hagadiilinga e soa naa bei de lagolago o denga gelegele, gai au dama e soa naa hogi bei de lagolago o gelegele malili; olaadeu ingoo e dee llilo naa donu, aabe aau gee mai i mada luoogu mada.”

Jeremiah 30:19

Gai gilaadeu e daahili naa ga hagaahe ange de abodonu, gai leo o dangada e malangilangi ai e langona naa i kilaa. Gai au e hai naa gi kii ange de soa gilaadeu, gai taelodo o olaadeu dangada e dee kii mai naa donu. Au e hai naa gi hagadubu ina gilaadeu, gilaadeu e dee hagangadi mee ina naa donu.

Jeremiah 33:18

gai e hanu naa donu dangada haimeedabu i de aamuli o Levi, e hai hegau i mada luoogu mada, ma de hai denga sigidaumaha dudu, ma sigidaumaha o denga grain, aama denga hagadaagangaa sigidaumaha ange laa i masavaa alodahi.”

Jeremiah 33:23

Gai Tagi Maolunga ne hagaago ange ana muna gi Jeremiah, ga hai ange,

Ezekiel 37:10

Gai au ne basa pelaabisi bei dana hai ne tala mai ai gi de au, gai de madangi gu humai ga ulu gi lodo angaanga laa, gai gilaadeu gu mouli ga tuu age gi lunga, gai se hagabuulinga hebagi soa mmao.

Zechariah 2:4

ga hai ange, “Savini hannoo hai ange gi tama daane laa, ‘Jerusalem e ahe ange naa ga noholia bei dagodo o denga aduhale e dee buibui, go hiidinga gu soa mmao dangada ma manu haangai e nnoho ai.

Zechariah 10:8

Au e hagavogi ange naa ga hagabuni mai ai gilaadeu. Au e hagaola naa donu gilaadeu; gai gilaadeu e hagadili naa ga soa bei olaadeu dagodo i mua.