Jeremiah 33:16 - De Beebaa Dabu

¹⁶ Laangi laa gai Judah e ola naa, gai Jerusalem e duadonu naa. Gai deenei dono hai e hagaingoo ai: Tagi Maolunga Taadeu Heohi.

Jeremiah 33:16 Referans Kwoze

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

Isaiah 45:17

Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Romans 11:26

Deenei de hai o Israel alodahi e hagamouli ai. Bei de hai gu sisi ai laa: “De Ia Hagaola e humai naa i Zion; gai ia e aau gee naa baubau o Jacob.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Isaiah 45:22

Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Ezekiel 28:26

Gai gilaadeu e nnoho paba naa i kilaa, ga hagatuu olaadeu hale, ma de hai alaadeu veelengaa grape. Gilaadeu e nnoho paba naa, gai au e hagaduasala naa dangada alodahi e paa ange gi gilaadeu, go dangada ne hagangadi mee ina laa gilaadeu. Gai gi iloo ai e gilaadeu bolo go au donu go Iahweh delaadeu Maadua.”

Jeremiah 32:37

Tilo, au e hagabuni mai naa gilaadeu i denga henua aagu gu kave gilaadeu gi nnoho ai i hiidinga de kona dogu lili ma dogu bole. Au e hagaahe mai naa gilaadeu gi de mommee nei, ga hai gilaadeu gi noho paba.

Deuteronomy 33:28

Gai de gau Israel gu dee maatagu, gai hagadiilinga o Jacob gu nnoho paba, i de henua iai denga grain ma uvaini hoou, gai se mommee e hano iho aagena de mee suungia i de langi.

Deuteronomy 33:12

Ia ne tala dagodo o Benjamin, ga hagadaba, “De ia o Tagi Maolunga e aloha ai gi nnoho paba; ia e duuli gilaadeu mai i taiao ga boo ai, gai gilaadeu e kage i honga luoono eu.”

Ezekiel 38:8

Gai dua naa huu hanu ngadau gai koe e hai naa gi hano gi hebagi. Denga laangi e loomai gai koe e hano ga hebagi ange gi de henua gu ilaage mai i de hebagi, gai ono dangada ne loomai i denga huaahenua soa ga nnoho i denga mounga o Israel gu ngadi daakodo laa. Dangada nei alodahi ne loomai i denga huaahenua ange gai gu nnoho paba i kilaa.

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Jeremiah 30:10

Jacob, dogu dangada hai hegau, aude madagu; Israel, koe gi dee manavasaa, go Tagi Maolunga e hagadaba. Tilo, au e hagaola naa donu goe mai i denga mommee mmao, aama oo hagadiilinga mai i henua olaadeu gu gaavee laa aagena. Jacob e ahe ange naa ga nnoho paba ma de duadonu, gai e deai ange naa donu se dangada e hagamadagu ina ia.

Ezekiel 48:35

Gai de looloa o de buibui i luu baasi de aduhale laa se 18,000 sugilima. Gai de ingoo o de aduhale mai i de masavaa laa ga hano ai go: Iahweh i Kilaa.”

Daniel 9:7

Dogu Ia Aamua, koe e heohi, aagai anailaa nei gimaadeu gu dookaa — go gimaadeu dangada o Judah, ma dangada e nnoho i Jerusalem, aama Israel alodahi, i mommee paa mai ma mommee mmao, i henua alodahi aau gu hai gimaadeu gi mavaevae saele aagena, i hiidinga gimaadeu tee hai hegau adu gi de goe i de mee abodonu.

Jeremiah 50:7

Gai dangada alodahi e gidee gilaadeu gu gai gilaadeu, olaadeu hagadaumee e hagataba, ‘Gimaadeu e tigi haisala donu, go hiidinga gilaadeu gu haisala ange donu gi Tagi Maolunga, go delaadeu mommee nnoho heohi, go Tagi Maolunga, de tali a olaadeu maadua madagidagi.’