Jeremiah 33:15 - De Beebaa Dabu

¹⁵ Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Jeremiah 33:15 Referans Kwoze

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Zechariah 3:8

Nnoho mai hagalaangona, Joshua, tangada haimeedabu maolunga, ma oo soa e nnoho madali goe, go hiidinga gilaadeu ni hagailonga niio mee e loomai: tilo, au e hai naa gi humai dogu dangada hai hegau go de Uli o David.

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Isaiah 53:2

Ia ne somo age i mada luu mada o Tagi Maolunga bei de uli o dahi manu somo, gai e bei de aga o dahi manu e somo laa i lo te gelegele e deai vai iai. Ia e deai donu sono mahamaha aabe se hagadubu e haia gi llodo gidaadeu e tilo ia, e deai hogi se mahamaha o dono angaanga e haia gi llodo gidaadeu i de ia.

Isaiah 42:21

Tagi Maolunga ne malangilangi i de hai ana hainga gi maolunga ma de mahamaha, i hiidinga ia e heohi.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Psalm 45:7

Koe e lodo i de mee heohi gai e kino i de baubau. Deenei ai, de Maadua, doo Maadua, gu hai goe gi maolunga ange i oo soa ange laa, i dana hagasulu goe i de lolo o de malangilangi.

Psalm 45:4

Savini i honga de hoosa i de mahamaha gai koe gi kii, i de muna abodonu, ma de daudonu, aama de mee heohi; gai koe gi hagaagona mai hegau hagalele mouli a doo lima madau e hai.

Jeremiah 17:25

gai denga hodooligi e nnoho i honga de nohoanga hodooligi o David, e ulu mai naa ma de ssao ga hulo i denga haitoga o de aduhale nei madali olaadeu dangada hai hegau. Gilaadeu ma olaadeu dangada hai hegau e kage naa i honga denga hada ma honga hoosa ga loomai ai, madali denga daane o Judah aama dangada e nnoho i Jerusalem, gai de aduhale nei e nnoho ai dangada ga hano ai.

Jeremiah 30:9

Aagai gilaadeu e hai hegau ange naa gi Tagi Maolunga delaadeu Maadua, ma delaadeu hodooligi go David, go de ia aagu e gaamai e hai ai delaadeu hodooligi.

Jeremiah 50:7

Gai dangada alodahi e gidee gilaadeu gu gai gilaadeu, olaadeu hagadaumee e hagataba, ‘Gimaadeu e tigi haisala donu, go hiidinga gilaadeu gu haisala ange donu gi Tagi Maolunga, go delaadeu mommee nnoho heohi, go Tagi Maolunga, de tali a olaadeu maadua madagidagi.’