Jeremiah 32:23 - De Beebaa Dabu

²³ Gai de masavaa huu olaadeu ne loomai ga henua ai, gai gilaadeu tee hagallongo adu gi au muna, aabe ne seesee i au hainga; gilaadeu tee hai donu dahi mee daudahi, aau ne tala ange gilaadeu gi haia. Deelaa ai, koe gu hai gi loomai denga hai ngadaa nei alodahi gi gilaadeu.

Jeremiah 32:23 Referans Kwoze

Ezra 9:7

Mai i de masavaa o omaadeu dubuna madagidagi ga dae mai ai gi anailaa nei, gai gimaadeu gu kona mmao de haisala. Gai go hiidinga omaadeu haisala, gimaadeu ma omaadeu hodooligi, ma omaadeu dangada haimeedabu gu daia i de gadilaasa, ma de gaavee gee i de henua, gimaadeu gu gaiaadia omaadeu goloa, ma de hagadookaa ina i daho hodooligi o denga henua gee, bei omaadeu dagodo anailaa nei.

Lamentations 1:18

“Tagi Maolunga e heohi, aagai au ne hai baasi ange gi ana muna. Denga huaadangada alodahi, goodou hagalaangona, gai kalo mai diiloo dogu mmae. Agu dama daane ma damaa hine gu gaavee gi dahi henua gee.

James 2:10

Go hiidinga tangada e daohia de hainga alodahi, aagai e haisala i dahi damaa mee i lo te hainga, gai ia gu haisala donu i de hainga alodahi.

Galatians 3:10

Gai dangada alodahi e tali hagalodolodo ange gi hegau o de hainga gu hagamalaia donu; go hiidinga gu sisi e hai ange, “E malaia dangada alodahi e dee daohia mee alodahi gu sisi i de Beebaa o de hainga ga daudali ai.”

John 15:14

Goodou ni soa donu niiogu, noo goodou e daudali i agu muna e tala adu gi goodou.

Luke 17:10

E bei ai hogi oodou dagodo; noo gu haia e goodou mee alodahi gu hai adu goodou gi haia, aagai goodou hagataba, ‘Gimaadeu ni dangada hai hegau e deai omaadeu haigamaiana; gimaadeu gu hai donu huu mee e heohi demaadeu hai.’ ”

Ezekiel 20:21

Aagai denga dama ne hai baasi mai gi de au: gilaadeu tee daudali i agu mee gu hagasauaa, gilaadeu tee kana ange e daohi agu hagamodu — go mee o tangada e mouli ai noo ia e daudali ai — gilaadeu ne hagangadi mee hogi agu Sabbath. Deelaa ai, au ne hagadaba bolo au ga hagaduasala gilaadeu i dogu bole, ma de hai baasi ange gi gilaadeu i de vao gi sili ai dogu lili i de vao.

Ezekiel 20:18

Gai au ne hai ange gi alaadeu dama i de vao, “Goodou aude daudali i muna a oodou damana, aabe gi hai hegau i alaadeu hagamodu, aabe gi haia gi hakino gee goodou i olaadeu diinonga.

Ezekiel 20:8

Aagai gilaadeu ne hai mai alaadeu hai gi de au, tee llodo e hagallongo mai; gilaadeu tee tili denga diinonga hakino gee olaadeu e daumaha ange laa aagena, aabe ne tili denga diinonga o Egypt. Deelaa ai, au gu maanadu de hagaduasala gilaadeu i dogu bole ma dogu lili i de henua go Egypt.

Lamentations 1:8

Jerusalem gu kona mmao de haisala, gai de aduhale gu dee gilimalali. Dangada alodahi nogo hagadubu ina laa ia gu kino i de ia, go hiidinga gilaadeu gu gidee dono gilisau; gai de aduhale gu gonogono, ma de huli gee luoono mada.

Nehemiah 9:15

Koe ne gaavange gi gilaadeu pelaoaa mai i de langi i delaadeu hiikai, ma vai mai i lo te hadu i delaadeu hieunu, gai koe ne hai ange gilaadeu gi hulo gi gaavee de henua aau gu hagatoo donu ange gi gilaadeu.

Joshua 23:16

noo goodou e hagahaisala de hagatoo donu hagaheloongoi a Tagi Maolunga doodou Maadua, ma ana muna adu gi goodou, gai ga daumaha ange gi denga diinonga ma de ino ange gi gilaadeu. Gai Tagi Maolunga e lili mmao naa i goodou, ga hai gi moolau doodou maakau ga dee nnoho, i de henua danuaa aana gu gaavadu gi goodou.”

Psalm 78:10

Gilaadeu tee daudali i de hagatoo donu hagaheloongoi a de Maadua, gai tee llodo e seesee i ana hainga.

Jeremiah 2:7

Au ne gaamai goodou gi dahi henua iai hua lagolago, gai goodou ga gai ono hua aama mee danuaa iai. Aagai goodou ne loomai ga hai gi hakino gee dogu henua, aama de hai gi dee gilimalali de huaahenua o dogu boolonga.

Jeremiah 26:4

Gai koe hai ange gi gilaadeu, ‘E hagadaba Tagi Maolunga: Noo goodou e dee hagallongo mai gi de au, ga daudali i agu hainga gu gaavadu gi goodou,

Jeremiah 44:10

Gai gilaadeu tee hagamaolalo donu olaadeu lodo ga dae mai ai gi anailaa nei, gilaadeu tee maatagu hogi i de au, aagai tee daudali i agu hainga ma agu muna gu hagasauaa adu gi goodou ma oodou dubuna.

Joshua 21:43

Gai Tagi Maolunga ne gaavange de henua alodahi gi de gau Israel, go de henua aana ne hagatoo donu ange gi olaadeu dubuna madagidagi, gai gilaadeu ne kave ga nnoho ai.

Jeremiah 7:26

Aagai gilaadeu tee hagallongo mai aabe ne aanga mai. Gilaadeu ne hagamakaga olaadeu lodo ma de kii ange de baubau i olaadeu dubuna madagidagi.