Jeremiah 31:7 - De Beebaa Dabu

⁷ E hagadaba Tagi Maolunga: “Goodou daahili ma de malangilangi i hiidinga o Jacob, gai hevaalogi ange gi dagi o denga huaahenua. Haia gi nngana oodou tuhi, ma de hagataba, ‘Tagi Maolunga, hagaola ina doo huaadangada, go dangada o Israel e doe.’

Jeremiah 31:7 Referans Kwoze

Isaiah 37:31

Gai dangada ne ola i Judah e nnoho naa i de henua bei dagodo o de manu somo e ssomo laa ono aga ga hulo gi lo te gelegele, gai ono laa iai hua lagolago.

Psalm 28:9

Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.

Psalm 14:7

Mee naa gi humai de hagaola o Israel i Zion! De masavaa a Tagi Maolunga e hagaahe ange ai de manuuia o ono dangada, gai Jacob gi malangilangi, Israel gi lodo danuaa!

Jeremiah 23:3

Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.

Romans 11:5

Gai e bei ai donu hogi denga laangi nei, goi hanu donu gilaadeu e doe, gu hili i de abodonu o de Maadua.

Romans 9:27

Isaiah ne tala dagodo o Israel: “E dee galemu donu de soa de gau Israel bei de lagolago gelegele i gabugabu tai, gai e sogoisi naa donu huu gilaadeu e ola.

Zephaniah 2:9

Deenei ai, au e hagatoo donu i dogu mouli, go Tagi o denga hagabuulinga hebagi, de Maadua o Israel e hagadaba: Moab e bei naa donu dagodo o Sodom, de gau Ammon e bei naa dagodo o Gomorrah — se henua iai denga helii ma haonga iai soolo, gai e ngadi dagodo naa ga hano ai. Dangada e doe i ogu dangada e hai gi de mahi naa olaadeu goloa; dangada e ola i dogu huaahenua e kave naa delaadeu henua.”

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Micah 2:12

Jacob, au e hagabuni mai naa oo dangada. Au e hagabuni mai naa de gau Israel e doe. Au e hagabuni mai naa gilaadeu bei denga ssiibi i lo te buibui, ma de hagabuulingaa ssiibi i de mommee iai helii; gai de henua e soa naa dangada e nnoho ai.

Amos 5:15

Goodou kino i de baubau, gai llodo i tanuaa, hai hegau i de hagamodu heohi i de haitoga o de aduhale. Kana adu Tagi Maolunga, de Maadua o denga hagabuulinga hebagi, e abodonu ange naa gi dangada o Joseph e doe.

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”

Ezekiel 6:8

Aagai au e dugu naa hanu goodou gi ola; hanu goodou e ola mai i de gadilaasa, i doodou masavaa e mavaevae saele ai i denga huaahenua, ga nnoho i olaadeu henua.

Isaiah 61:9

Gai denga huaahenua e iloo naa dagodo o olaadeu aamuli, gai denga huaadangada e iloo naa dagodo o olaadeu hagadiilinga. Dangada alodahi e gidee gilaadeu e iloo naa bolo gilaadeu go de huaadangada a Tagi Maolunga gu hagamanuuia.

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Isaiah 37:4

Kana adu Tagi Maolunga doo Maadua e hagallongo naa muna a de Rabshakeh, go muna a dono dangada aamua, go de hodooligi o Assyria ne hagailoo mai, ma de basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 1:9

Noo Tagi o denga hagabuulinga hebagi tee hagaola hanu odaadeu momo dangada, gai gidaadeu ne bei donu dagodo o Sodom, gidaadeu gu bei dagodo o Gomorrah.

Psalm 106:47

Tagi Maolunga, demaadeu Maadua, hagaola ina gimaadeu; hagaahea mai gimaadeu i daho denga huaahenua, gai gimaadeu ga hagadegi ai doo ingoo dabu ma de hagamahamaha goe i de tuhi.

Psalm 69:35

Go hiidinga de Maadua e hagaola naa Zion ma de ahe ange ga hagatuu age denga aduhale o Judah, gai gilaadeu e nnoho naa i kilaa ga henua ai.

Psalm 67:1

De Maadua gi abodonu mai ma de hagamanuuia gidaadeu aama de hagamaalama gidaadeu i de maalama o luoono mada, Selah

Deuteronomy 32:43

Denga huaahenua, goodou duuhia dono huaadangada, go hiidinga ia e sui ange naa mee ne hai ange gi dono huaadangada hai hegau. Ia e sui ange naa hegau baubau a ono hagadaumee gai ia e degi ange gi dono henua ma dono huaahenua.

Deuteronomy 28:13

Tagi Maolunga e hai naa goe go de biho e dee go ssugi. Koe e hagadagadaga age naa, e dee hagadagadaga iho, noo koe e kana ange ga hagallongo muna a Tagi Maolunga doo Maadua, aagu e tala adu nei gi goodou anailaa nei, goodou gi daudali ai.

Jeremiah 3:23

Ni muna abodonu, demaadeu daumaha ange gi denga diinonga i honga duuduu ma honga mounga e hagasenga gimaadeu. Ni muna abodonu, de hagaola o Israel go Tagi Maolunga demaadeu Maadua.

Jeremiah 20:13

Daahili ange gi Tagi Maolunga! Duuhia Tagi Maolunga! Ia e hagaola gilaadeu e duasala mai i ssauaa o de gau baubau.

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Lamentations 1:1

De aduhale nogo soa laa dangada e nnoho ai gu se mommee e ngadi dagodo! De aduhale maolunga i magavaa o denga huaahenua gu bei dagodo o de hine gu magau dono bodu! De aduhale nogo maolunga ange laa i denga aduhale gu hai ma gu se dangada hai hegau.

Psalm 126:2

Gai gimaadeu ne kada i demaadeu malangilangi, ma de hevaalogi ga malangilangi; gai dangada i denga huaahenua ne hagataba, “Tagi Maolunga gu hai dahi hegau hagalele mouli ange gi gilaadeu.”

Isaiah 52:8

Hagalaangona adu! Oodou dangada dagitilo e hevaalogi; gilaadeu alodahi gu hevaalogi i delaadeu malangilangi. Go hiidinga gilaadeu gu gidee i olaadeu ganomada de masavaa o Tagi Maolunga e ahe mai ai gi Zion.