Jeremiah 31:4 - De Beebaa Dabu

⁴ De bua moe go Israel, au e hagaduu age naa goe, gai koe e duu age naa donu! Gai koe e hagadangidangi naa i dau tambourine ma de anu ai i doo malangilangi.

Jeremiah 31:4 Referans Kwoze

Jeremiah 33:7

Au e hagaahe ange naa de manuuia o Judah ma Israel, ma de hagatuu age gilaau gi bei olaau dagodo i mua.

Jeremiah 31:13

Gai denga bua moe e aanu naa i de malangilangi, madali denga dama daane aama de gau maatua hogi. Au e hai naa gilaadeu gi dee tangi gai gi malangilangi; au e hagaaneane naa olaadeu lodo ma de hai gilaadeu gi malangilangi gu dee daemaha.

Amos 5:2

“Israel e bei de bua moe gu magau laa, gai e dee ahe ange naa donu e mouli age; gai gu dilia i honga dono henua donu, gu deai e hagahidi age ia.”

Acts 15:16

‘Dua de mee nei gai au e ahe mai naa, ga hagaahe age de hale malo o David gu maoha laa. Au e hagaahe age naa mommee gu maoha laa gai au ga hai ai gi duu age ange,

Psalm 149:3

Gilaadeu gi duuhia dono ingoo i de aanu, ma de hagadangidangi i de tambourine ma de lyre.

Luke 15:23

Gaamai hogi de kaau gauligi gu haangai ma gu bedi e daa, gai gidaadeu ga gaimee ma de malangilangi!

Lamentations 2:13

Tamaa hine o Jerusalem, dee hee dagu hai e tala ai oo dagodo? Gai se aha aagu e hagadagodo ange goe aagena? Tamaa hine o Zion, se aha aagu e hagadulagi ange goe aagena, gai au ga hagaaneane ai goe? Doo maanuga gu gelo bei dagodo o tai; gai goai naa e maua i de hagaieiangi goe?

2 Kings 19:21

Aanei muna a Tagi Maolunga gu tala e hai baasi ange ai gi de ia: ‘De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

Lamentations 1:15

De Ia Aamua gu tili denga daane hebagi alodahi i lo te aduhale; ia ne hagahi dahi hagabuulinga hebagi gi humai gi daia agu dama daane. De Ia Aamua gu dagadagahi tamaa hine o Judah, bei de hai e dagadagahi ai laa denga grape i de mommee kumi uvaini.

Jeremiah 31:21

Maaga ina doo haiava e seesee ai, gai hagatuulia age hanu mee hagailonga e dagi ai goe; diiloo gi danuaa de haiava laumalie, ma de haiava oou ne humai ai. De bua moe go Israel, ahe mai, ahe mai gi oo aduhale.

Jeremiah 18:13

Deenei ai, e hagadaba Tagi Maolunga: Siilia ange gi dangada i denga huaahenua: be gu hanu laa dangada ne langona de hai dahi hegau bee nei? De bua moe go Israel gu hai dahi hegau baubau mmao.

Jeremiah 1:10

Tilo, anailaa nei gai au gu dugu adu gi de goe ssauaa i honga denga huaahenua ma denga nohoanga hodooligi, e unuunusi age ai ma de oha ai ma de hagadee kii, ma de hagatuu age aama de doo gi ssomo.”

Psalm 69:35

Go hiidinga de Maadua e hagaola naa Zion ma de ahe ange ga hagatuu age denga aduhale o Judah, gai gilaadeu e nnoho naa i kilaa ga henua ai.

Psalm 51:18

Koe gi malangilangi i de hai ange tanuaa gi Zion; hagaduulia age de buibui o Jerusalem;

Judges 11:34

Dua mee nei gai Jephthah ne ahe mai gi dono hale i Mizpah; gai tilo, dana damaa hine gu humai e hedae ange gi de ia, gai ia e hagadangidangi i denga tambourine ma de anu. Gai ia go tama dagidahi a Jephthah.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Jeremiah 14:17

Daalaa ange muna nei gi gilaadeu: ‘Luoogu mada gu dee tuu donu de honu malingilingi i denga loimada i de laangi ma de boo; go hiidinga tamaa hine — go ogu dangada — gu hagailia gai dono maanuga e kona.

Isaiah 37:22

aanei muna a Tagi Maolunga e hai baasi ange ai gi de ia: De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

Psalm 30:11

Koe gu hai au gi dee dangi gai gi anu; koe ne aau dogu malo daladala, gai ga hakahu mai au i de malangilangi,

Isaiah 30:32

Gai hanonga alodahi a Tagi Maolunga e hagailiili ai gilaadeu i dana laagau hagaduasala, gai e hai gi bei hagadangidangi o denga tambourine ma harp, gai ia e hagaabo dono lima e hebagi ange ai gi gilaadeu.

Jeremiah 24:6

Gai au e dagitilo naa e hai ange tanuaa gi gilaadeu, ma de hagaahe mai gilaadeu gi de henua nei. Au e hagatuu age naa gilaadeu, e dee oha iho gilaadeu. Au e doo naa gilaadeu, e dee unuunusi age.

Jeremiah 31:38

E hagadaba Tagi Maolunga, “Tilo, e tae mai naa donu laangi e hagaahe age ai de aduhale o Tagi Maolunga, mai i de hale dagitilo o Hananel ga dae ai gi de Haitoga i Tege.

Jeremiah 46:11

Tamaa hine se bua moe o Egypt, hannoo gi Gilead gaamai ai denga valaai! Gai e deai donu haigamaiana o au valaai lagolago, gai koe e dee maua donu gi ieiangi oo magi.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.