Jeremiah 31:36 - De Beebaa Dabu

³⁶ “Noo huulonga o mee nei gu llilo mai i mada luoogu mada, go Tagi Maolunga e hagadaba, gai hagadiilinga o Israel gu dee se huaahenua hogi i mada luoogu mada ga hano ai.”

Jeremiah 31:36 Referans Kwoze

Psalm 148:6

Ia ne hai gi daakodo mee nei ga hano ai e dee ngado mai; ia gu hagasauaa dahi mee, gai e dee maua naa donu i de sui.

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Psalm 119:89

Tagi Maolunga, au muna e dee ngado mai donu, gai e dee sui naa donu i de langi.

Psalm 102:28

Dama a oo dangada hai hegau e nnoho paba naa, gai olaadeu aamuli e dee llilo naa donu mai i mada luoo mada.”

Psalm 72:17

Dono ingoo gi dagodo ga hano ai, gai ono longo gi dele saele i taulooloa de sobo age o de laa. Dangada e manuuia naa i ono hiidinga, gai denga huaahenua alodahi e hagataba naa bolo ia e manuuia.

Psalm 72:5

Gai dangada gi maatagu i de goe i taulooloa de aheahe ange o de laa ga sobo age, ma de maasina, i denga atangada alodahi!

Deuteronomy 32:26

Au ne hagadaba, ‘Au e hai naa gilaadeu gi mavaevae saele, ma de hai gi deai dangada e manadua gilaadeu;’

De Beebaa go Job 38:33

Koe e iloo denga hainga o mee i lo te langi? Koe e maua i de hagatuu hanu hainga ange gi mee i henua i lalo?

Isaiah 65:9

Au e hai naa gi hanu hagadiilinga o Jacob, ma hagadiilinga o Judah gi henua i ogu mounga; gai dangada aagu e hili e henua naa i de mommee laa, gai ogu dangada hai hegau e nnoho naa i kilaa.