Jeremiah 31:35 - De Beebaa Dabu

³⁵ E hagadaba Tagi Maolunga, go de ia ne haia de laa gi hagamaalama ina de laangi, go de ia ne hagatau ina huulonga o de maasina ma denga heduu gi hagamaalama ina ai de boo, gai go de ia e hagangalungalue ina tai gai ono beau gu haganguu — dono ingoo go Tagi o denga hagabuulinga hebagi:

Jeremiah 31:35 Referans Kwoze

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Isaiah 51:15

Go au donu go Iahweh doodou Maadua, go au ne saugalo ina lo te moana ga hai gi beabeau; dogu ingoo go Iahweh o denga hagabuulinga hebagi.

Jeremiah 50:34

Aagai de ia e hagaola ina gilaadeu e mmahi mmao; dono ingoo go Tagi o denga hagabuulinga hebagi. Ia e bale ange naa donu gilaadeu, gai ia ga hai ai gi nnoho paba delaadeu henua, aagai e hai naa gi dee nnoho paba dangada e nnoho i Babylon.

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Deuteronomy 4:19

Goodou kana ange hogi gi dee kalo age goodou gi lo te langi ga gidee de laa ma de maasina, aama denga heduu, go mee alodahi i lo te langi, gai goodou gu llodo e daumaha ange ma de hai hegau ange gi gilaadeu, go mee a Tagi Maolunga doodou Maadua gu gaavange gi dangada alodahi i henua i lalo.

Matthew 5:45

gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi.

Jeremiah 51:19

Gai e dee deenei tagodo o de ia e hagabinga laa go Tuuhanga o Jacob; gai go ia ne haia mee alodahi, aama Israel de aamuli o dono boolonga — dono ingoo go Iahweh o denga hagabuulinga hebagi.

Jeremiah 46:18

Au e hagatoo donu i dogu mouli, go de Hodooligi e hagadaba, dono ingoo go Tagi o denga hagabuulinga hebagi: E humai naa dahi bei dagodo o Tabor i magavaa o denga mounga, ma dagodo o Carmel i gaogao tai.

Jeremiah 32:18

Koe e lodo aloha ange gi dangada soa, aagai koe e hagao ange baubau o denga damana, gi alaadeu dama e loomai i olaadeu dua. Go koe de Maadua maolunga ma de mmahi, gai doo ingoo go Iahweh o denga hagabuulinga hebagi;

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Isaiah 63:12

gai go de ia ne hagahai hegau ina dono lima sauaa i daho Moses, ma de vvae lua de vai i olaadeu mada i mua, ga hagamaolunga ai dono ingoo ga hano ai?

Isaiah 48:2

Goodou e hagataba bolo goodou ni dangada e dau ange gi de aduhale dabu, gai goodou e dau ange gi de Maadua o Israel; dono ingoo go Tagi o denga hagabuulinga hebagi.

Psalm 119:89

Tagi Maolunga, au muna e dee ngado mai donu, gai e dee sui naa donu i de langi.

Psalm 106:9

Ia ne hagasee Tai Mmea, gai gu hai ga se gelegele mmasa; ia ne dagi gilaadeu laa lo te vai, gu masa bei uda henua.

Psalm 89:2

I hiidinga doo abodonu e dagodo naa donu huu ga hano ai, gai koe gu hagaduu gi makaga doo hai hegau i de muna abodonu i de langi.

Psalm 78:13

Ia ne hhanga lua de vai gai gilaadeu ga seesee i ono lodo, gai ia ne hai denga vai gi hagabudubudu gi tuu gi lunga.

Psalm 74:16

Niiau de laangi, gai niiau de boo; go koe ne haia de laa ma de maasina.

Psalm 74:13

Koe ne vvae lua tai i doo sauaa; gai koe ne hagabalaginagina biho o denga dragon i honga de lausedi.

Psalm 72:17

Dono ingoo gi dagodo ga hano ai, gai ono longo gi dele saele i taulooloa de sobo age o de laa. Dangada e manuuia naa i ono hiidinga, gai denga huaahenua alodahi e hagataba naa bolo ia e manuuia.

Psalm 72:5

Gai dangada gi maatagu i de goe i taulooloa de aheahe ange o de laa ga sobo age, ma de maasina, i denga atangada alodahi!

De Beebaa go Job 26:12

Ia e hagabeabeau tai i ono mahi; ia e duuduu Rahab i dono iloo mee.

De Beebaa go Job 38:33

Koe e iloo denga hainga o mee i lo te langi? Koe e maua i de hagatuu hanu hainga ange gi mee i henua i lalo?

Psalm 119:91

Gai mee nei e tuu donu anailaa nei bei dau hai gu hagamodu ai; go hiidinga mee alodahi e hai hegau adu gi de goe.

Psalm 148:6

Ia ne hai gi daakodo mee nei ga hano ai e dee ngado mai; ia gu hagasauaa dahi mee, gai e dee maua naa donu i de sui.

Jeremiah 33:20

“E hagadaba Tagi Maolunga: Noo goodou e maua i de oha dagu hagatoo donu hagaheloongoi ange gi de boo ma de laangi, ga hai de laangi ma de boo gi dee loomai i de masavaa gu hagailonga ange laa,

Jeremiah 33:25

E hagadaba Tagi Maolunga: Noo au tee hagaduu gi makaga dagu hagatoo donu hagaheloongoi madali de laangi ma de boo, aama huulonga o de langi ma henua i lalo,

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Amos 9:8

Tilo, de Ia Aamua go Iahweh e dagitilo donu de nohoanga hodooligi e haisalasala laa. Au e oha naa ga aau gee mai i honga henua i lalo; aagai au e dee daa naa gi odi i de maakau dangada o Jacob, go Tagi Maolunga e hagadaba.

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”