Jeremiah 31:28 - De Beebaa Dabu

²⁸ Bei dagu hai ne tilo ai laa ga unuunusi age ma de oha gilaadeu, ma de hagadee kii, ma de daa ga maakau, ma de hagaduasala gilaadeu, gai au e tilo naa hogi ga hagatuu age ma de doo gilaadeu, go Tagi Maolunga e hagadaba.

Jeremiah 31:28 Referans Kwoze

Jeremiah 24:6

Gai au e dagitilo naa e hai ange tanuaa gi gilaadeu, ma de hagaahe mai gilaadeu gi de henua nei. Au e hagatuu age naa gilaadeu, e dee oha iho gilaadeu. Au e doo naa gilaadeu, e dee unuunusi age.

Jeremiah 1:10

Tilo, anailaa nei gai au gu dugu adu gi de goe ssauaa i honga denga huaahenua ma denga nohoanga hodooligi, e unuunusi age ai ma de oha ai ma de hagadee kii, ma de hagatuu age aama de doo gi ssomo.”

Jeremiah 45:4

E hagadaba Tagi Maolunga, “Daalaa ange muna nei gi de ia, ‘Tilo, au e oha naa agu mee gu hagatuu age ma de unuunusi age agu mee gu doo gi ssomo, i de henua alodahi.

Jeremiah 44:27

Tilo, au e dagitilo naa e hai ange de baubau gi gilaadeu e dee go tanuaa, gai dangada alodahi o Judah e nnoho laa i de henua go Egypt, e odi naa donu i de maakau i de gadilaasa ma de onge.

Acts 15:16

‘Dua de mee nei gai au e ahe mai naa, ga hagaahe age de hale malo o David gu maoha laa. Au e hagaahe age naa mommee gu maoha laa gai au ga hai ai gi duu age ange,

Daniel 9:14

Deenei ai, Tagi Maolunga ne dagitilo e gaamai de hai ngadaa gi gidaadeu; go hiidinga Tagi Maolunga taadeu Maadua e heohi donu ana hegau alodahi gu hai; aagai gidaadeu tigi hagallongo ange gi de ia.

Jeremiah 32:41

Gai au e malangilangi naa donu i de hai ange tanuaa gi gilaadeu, ma de hai naa gilaadeu gi nnoho i de henua nei ga hano ai, i ogu lodo alodahi, ma dogu hagasaalunga alodahi.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Daniel 9:25

Gai koe gi iloo ma de donu ange gi de mee nei: mai i de masavaa e hagailoo ai bolo gi hagaahea age ange Jerusalem, ga dae ai gi de humai o de Ia gu Hagadabu laa i de lolo, go tagi, e hidu naa uvigi, ma e madaono ma lua uvigi. Gai e hagaduu age naa de aduhale madali denga haiava, aama mommee iai vai, aagai de masavaa laa se masavaa hai ngadaa.

Psalm 147:2

Tagi Maolunga e hagaduu age Jerusalem; ia e hagabuni mai de gau Israel gu nnoho laa i denga henua gee.

Psalm 69:35

Go hiidinga de Maadua e hagaola naa Zion ma de ahe ange ga hagatuu age denga aduhale o Judah, gai gilaadeu e nnoho naa i kilaa ga henua ai.

Psalm 102:16

Go hiidinga Tagi Maolunga e ahe ange naa ga hagaduu age Zion; ia e hagasula mai naa i dono mahamaha.

Deuteronomy 30:9

Gai Tagi Maolunga doodou Maadua e hai naa gi hagadagadaga age goodou i mee alodahi oodou e hai; goodou e hagadili ga soa oodou dama, oodou manu e hagadili naa ga lagolago, gai manu i honga oodou gelegele e hhua lagolago naa. Gai Tagi Maolunga e ahe ange naa ga malangilangi i goodou, bei dono hai ne malangilangi ai laa i oodou dubuna madagidagi,

De Beebaa go Job 29:2

“Mee naa au gi ahe ange gi noho i denga malama gu hulo laa, go laangi a de Maadua e tilo danuaa mai ai au,

Jeremiah 1:12

Gai Tagi Maolunga ga hai mai, “E heohi goe, go hiidinga au e dagitilo naa hogi e hagassula agu muna.”

Jeremiah 32:42

Gai e hagadaba Tagi Maolunga: Au e sui ange naa de hai ngadaa laumalie aagu ne hai ange laa gi de gau nei i mee danuaa alodahi aagu gu hagatoo donu ange ai gi gilaadeu.

Jeremiah 42:10

‘Noo goodou e nnoho i de henua nei, gai au e hagatuu age naa goodou, e dee oha goodou; au e doo naa goodou, e dee unuunusi age goodou; go hiidinga au gu daemaha ogu lodo i dagu gaamai de hai ngadaa ga hagaduasala ai goodou.

Ezekiel 19:12

Gai hanu ne llili ga unusi age de grapevine laa, ga hagabaguu iho gi honga de gelegele, gai de madangi mai i dua ne ili ga mmae, ono hua gu malili, gai ono laa makaga laa gu mmae, gai de ahi ne dudu de manu laa alodahi.

Ezekiel 36:10

gai au e hai naa gi soa dangada i honga o mounga alodahi o de gau Israel. Denga aduhale e nnoho ai naa dangada, gai mommee gu maoha laa e ahe ange naa ga hagatuu age.

Amos 9:14

Au e hagaahe ange naa de manuuia o ogu dangada go de gau Israel. Gai gilaadeu e aahe ange naa ga hagatuu age denga aduhale gu maoha laa ga nnoho ai. Gilaadeu e doo naa denga veelengaa grape ga unu uvaini e hai ai, gilaadeu e doo naa alaadeu veelenga ga gai hua iai.

Zechariah 8:14

E hagadaba Tagi o denga hagabuulinga hebagi: Au gu baba donu dagu maanadu e gaamai de hai ngadaa gi goodou i de masavaa o oodou dubuna madagidagi ne hai ai au ga lili, go Tagi o denga hagabuulinga hebagi e hagadaba,

Zechariah 8:15

aagai e bei ai hogi, iainei gai au gu baba ange hogi e hai ange tanuaa gi Jerusalem ma dangada o Judah; goodou aude maatagu.