Jeremiah 31:25 - De Beebaa Dabu

²⁵ Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”

Jeremiah 31:25 Referans Kwoze

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Psalm 107:9

Ia e hagaunu gi boobosu gilaadeu e hieunu, gai e haangai gi boobosu gilaadeu e hiikai i mee danuaa.

Jeremiah 31:14

Au e hai naa gi boobosu de gau haimeedabu i gai lagolago, gai ogu dangada e hoohonu naa i agu mee danuaa,” go Tagi Maolunga e hagadaba.

2 Corinthians 7:6

Aagai de Maadua, go de ia e hagaaneane ina lodo o dangada e daemaha laa, ne hagaaneane omaadeu lodo i de dae mai o Titus gi omaadeu daha,

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Luke 1:53

Ia gu haangai gilaadeu e hiikai i mee danuaa, gai gu hai gi ngadi hulo gilaadeu e lava teai alaadeu mee.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 40:29

Ia e hagammahi gilaadeu gu deai olaadeu mahi, ma de hai gi kii ange de mmahi olaadeu gu baageaa.

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Ezekiel 34:14

Au e haangai naa gilaadeu i denga mommee iai helii danuaa, ma honga denga mounga maolunga o Israel. Gai gilaadeu ga hagammabu ai naa i honga de gelegele danuaa, ma de gaimee i de mommee iai helii danuaa i honga denga mounga o Israel.

Psalm 23:3

Ia e hagammahi dogu hagasaalunga. Ia e dagi au i de haiava o de heohi, i hiidinga o dono ingoo.

Isaiah 41:17

De gau hagaau aloha ma gilaadeu e duasala e sala vai unu, aagai gu deai donu vai; olaadeu hakii gu mmasa gee naa i delaadeu hieunu. Aagai au, Tagi Maolunga, e basa ange naa gi alaadeu dalodalo, go au, de Maadua o Israel, au e dee tili donu gilaadeu.