Jeremiah 31:20 - De Beebaa Dabu

²⁰ E aha, e dee go Ephraim dagu dama daane hagamogomogo, go tama oogu e malangilangi ai? Gai dee galemu tee modu dogu hai baasi ange i agu muna, aagai au e dee ngalo donu ia. Deenei ai, au e buliaamou donu i de ia, au e abodonu ange naa donu gi de ia, go Tagi Maolunga e hagadaba.

Jeremiah 31:20 Referans Kwoze

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Psalm 103:13

Gai Tagi Maolunga e lodo aloha ange gi gilaadeu e maatagu i de ia, bei dagodo o tamana e lodo aloha ange laa gi ana dama.

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Judges 10:16

Gai dangada o Israel ga aau gee denga diinonga laa mai i olaadeu magavaa, gai ga daumaha ange gi Tagi Maolunga; gai ia gu kona mmao de daemaha ono lodo i hiidinga de duasala o de gau Israel.

Philippians 1:8

Gai go de Maadua dogu dangada tala hagadonu, i dagu tala adu bolo au e buliaamou mmao i goodou alodahi bei de aloha o Klisdo Iesu.

Luke 15:24

Go hiidinga dagu dama daane nei gu magau, aagai gu mouli age ange hogi. Ia gu dee maleva, gai gu gidee ange hogi.’ Aagai gilaadeu ga daamada de gaimee ma de lodo danuaa.

Jeremiah 48:36

Gai ogu lodo e dangi i Moab bei de ili o de flute; ogu lodo e dangi i dangada o Kir Hareseth bei de ili o de flute. Go hiidinga olaadeu goloa lagolago gu dee maaleva.

Isaiah 16:11

Deenei ai, au gu dangi bei de harp i hiidinga o Moab, ogu lodo gu dangi i hiidinga o Kir Hareseth.

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Jeremiah 3:19

Au ne hagadaba, ‘Au e lodo mmao e hai goodou gi ni dama niiagu, ma de gaavadu gi goodou dahi henua danuaa, gai se boolonga e mahamaha ange i denga huaahenua alodahi!’ Gai au ne maanadu bolo goodou e hagahi mai naa Tamana gi de au, ma tee huuhuli gee i de daudali mai i de au.

Song of Songs 5:4

De ia oogu e aloha ai ne velo mai dono lima laa magavaa denga laagau, gai ogu lodo gu bolebole i dogu malangilangi mmao.

Proverbs 3:12

go hiidinga Tagi Maolunga e hagasee tangada oona e aloha ai laa, bei dagodo hegau a tamana ange gi tama oona e malangilangi ai laa.

1 Kings 3:26

Gai de hine niiana laa tama e mouli laa gu aloha i dana dama, gai ia ga hai ange gi de hodooligi, “Dogu dangada aamua, aude daia gi magau tamaa gauligi e mouli naa, gai gaavange ia maa de hine ange naa!” Aagai de hine ange laa ne hai ange, “Duudia lua donu tama naa, gi dee gaamai ai tama naa gi dahi gimaau.”

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.

Genesis 43:30

Gai Joseph ga hagamoolau ga sao ga hano, i hiidinga ia gu lodo aloha mmao i dono daina daane, ia ne ssala dahi mommee e hano ai e dangi. Gai ia ne hano ga ulu gi lo tono aabi i lodo ga dangi ai.

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

Jeremiah 3:12

Hannoo hagailoo ina muna nei i de bido gi ngaiho: Ahe mai, de ia e dee hai hegau i de mee abodonu go Israel, go Tagi Maolunga e hagadaba, au gu dee lili i goodou, i hiidinga au gu degi adu, go Tagi Maolunga e hagadaba. Au e dee golo age dogu bole ga hano ai.

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Leviticus 26:44

Aagai e dee galemu naa donu delaadeu hai mee nei alodahi, gai de masavaa naa huu olaadeu e nnoho ai i de henua o olaadeu hagadaumee, gai au e dee tili donu i gilaadeu, be e kino i gilaadeu, aabe daa gilaadeu gi odi i de maakau, ga oha ai dagu hagatoo donu hagaheloongoi ne hai madali gilaadeu. Go au donu go Iahweh delaadeu Maadua.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Lamentations 3:22

Go hiidinga de abodonu o Tagi Maolunga, odaadeu tee maakau ai; dono lodo aloha e dee helui donu.