Jeremiah 31:18 - De Beebaa Dabu

¹⁸ Au gu langona de dangi o Ephraim: ‘Koe ne haele au bei dahi kaau gauligi tigi dala laa, gai iainei gu hagalava dau haele au. Hagaahea mai au, gai au e aahe mai naa donu, i hiidinga go koe go Iahweh, dogu Maadua.

Jeremiah 31:18 Referans Kwoze

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Psalm 80:3

De Maadua, ahe ange hagadanuaa ina gimaadeu; koe gi abodonu mai gi gimaadeu, gi mouli ai gimaadeu!

Isaiah 9:13

Aagai de huaadangada laa tee aahe mai donu gi de ia ne hagaduasala ina gilaadeu, gilaadeu tee ssala hogi Tagi o denga hagabuulinga hebagi.

De Beebaa go Job 5:17

Tilo, e manuuia tangada a de Maadua e hagaheohi, deenei ai, aude hagangadi mee ina de haelenga a de Ia Mmahi Mmao laa.

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

Luke 15:20

Gai tama daane laa ga hidi age ga ahe mai gi daho dono damana. Gai de masavaa huu a dono damana ne gidee adu ai ia i de mommee mmao, gai ia gu lodo aloha i de ia, gai ia ga savini ga hano ga buuludi ange ia ma de oso.

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Lamentations 5:21

Tagi Maolunga, hagaahea mai gimaadeu gi oo daha, gi maua ai e gimaadeu i de aahe mai. Hagahoou ina omaadeu laangi, bei omaadeu dagodo madagidagi —

Jeremiah 17:14

Tagi Maolunga, hagaieiangi ina au, gi ieiangi ai au; hagaola ina au, gi ola ai au, i hiidinga go koe aagu e tuhi.

Psalm 94:12

Tagi Maolunga, e manuuia tangada aau e haele, ma tangada aau e agoago ange i au hainga;

Psalm 80:19

Tagi Maolunga, de Maadua o denga hagabuulinga hebagi, ahe ange hagadanuaa ina gimaadeu! Koe gi abodonu mai gi gimaadeu, gi mouli ai gimaadeu!

Psalm 80:7

De Maadua o denga hagabuulinga hebagi, ahe ange hagadanuaa ina gimaadeu; koe gi abodonu mai gi gimaadeu, gi mouli ai gimaadeu!

Psalm 32:9

Koe gi dee bei de hoosa aabe go dahi donkey e dee maua laa gi donu ange, aagai e hai dono ngudu gi daohi i de baalanga ma mee nnoa, ga mee naa huu gai gilaadeu e dee loomai gi oo daha.

Hebrews 12:5

Gai goodou gu ngalo naa donu muna ne hagammahi adu ai goodou denga dama? “Dagu dama, aude hagangadi mee ina haelenga a Tagi Maolunga, aabe gi baageaa oo lodo i dana hagasee goe.

Philippians 2:13

i hiidinga go de Maadua donu e hai hegau i oodou lodo, ga hai ai goodou gi llodo ma de maua i de hai ono mee e malangilangi ai.

Luke 1:17

Gai ia e hano naa i mada i mua o Tagi Maolunga, i ssauaa o de hagasaalunga ma mahi o Elijah, ga hai gi daahuli mai denga damana gi alaadeu dama, ma de hai gilaadeu e dee hagallongo i muna, gi maua de heiangi o olaadeu e heohi — aama de hagadabena dahi huaadangada ange gi Tagi Maolunga.”

Malachi 4:6

Gai ia e hagadanuaa naa magavaa o denga maadua ma alaadeu dama, ma magavaa o denga dama ma olaadeu maadua; kana hanadu au ga oha de henua ga hagamalaia.”

Zephaniah 3:2

Se aduhale e dee hagallongo ange gi dahi, ma tee malangilangi i de hagaheohi a dahi ia. Gai ia e dee hagadonu Tagi Maolunga, gai e dee lodo e hagabaa ange gi dono Maadua.

Hosea 10:11

Ephraim e bei de kaau gu agoagona laa, ia e malangilangi i de duuduu grain; gai au e hagauda ange naa gi honga dono ua mahamaha laa de laagau hagahai hegau. Au e hai naa Ephraim gi daangia de laagau hagahai hegau, Judah gi hagabalabala ina de gelegele, gai Jacob gi oohaa age de gelegele.

Hosea 4:16

De gau Israel e hagamakaga olaadeu lodo, bei dagodo o de kaau hahine; gai e maua ai naa e Tagi Maolunga i de hagaloosi gilaadeu bei denga ssiibi i de mommee laumalie iai helii?

Jeremiah 31:6

Gai e dahi naa laangi a de gau dagitilo e oo ai i honga mommee iai mounga o Ephraim, ga hagataba, ‘Loomai, gidaadeu ga loage gi Zion, gi daho Tagi Maolunga, taadeu Maadua.’ ”

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Jeremiah 3:25

Gidaadeu ga daakodo gi lalo i lodo odaadeu hagadogaa, ga haoli gidaadeu i odaadeu hagadogaa. Gidaadeu gu haisala ange gi Tagi Maolunga taadeu Maadua, go gidaadeu alodahi ma odaadeu dubuna; mai i de masavaa odaadeu e gauligi ai ga dae mai ai gi anailaa nei. Gidaadeu tee hagallongo ange gi de leo o Tagi Maolunga taadeu Maadua.”

Jeremiah 2:30

Teai donu haigamaiana dagu haele oodou dama, gilaadeu tee aanga mai gi agu muna hagaheohi. Oodou gadilaasa ne daa ga maakau oodou pelaabisi bei dagodo o dahi laiono hiigai.

Isaiah 53:7

Ia ne vaivai haia ma de hagaduasala, aagai ia tee hhanga donu dono ngudu; ia ne dagina bei dahi ssiibi gauligi e kave laa gi de mommee e daa ai denga manu, ia e bei ssiibi e dee muu laa i mada i mua, o dangada e duuduudia ono huluhulu, gai ia tee hhanga donu dono ngudu.

Isaiah 51:20

Au dama gu deai olaadeu mahi; gilaadeu e daakodo saele i dege o denga haiava bei de antelope gu lave laa i lo te galauna. Gilaadeu gu langona iho de bole o Tagi Maolunga, ma de hagasee a doodou Maadua gilaadeu.

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Proverbs 26:3

Taula e hagailiili ai se mee ange gi de hoosa, de uga nnoa se mee ange gi de ngudu o dahi donkey, gai de laagau se mee ange gi dua o de gau llodo ssenga.

Proverbs 3:11

Dagu dama, aude hagangadi mee ina de haele a Tagi Maolunga goe, aabe gi kino i de hagallongo dana hagasee goe;

Psalm 119:75

Tagi Maolunga, au e iloo bolo au hagamodu e heohi, gai koe ne hagaduasala ngau i hiidinga doo hai hegau i de abodonu.

Psalm 85:4

De Maadua, demaadeu Ia Hagaola, hagaola ina gimaadeu, gai hagahelui ina doo dee malangilangi i gimaadeu!

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Numbers 2:18

Gai de baasi dai go de hagailonga o de mommee nnoho gaainga o Ephraim ma olaadeu hagabuulinga. Tagi o dangada o Ephraim go Elishama, tama daane a Ammihud.

Psalm 118:18

Tagi Maolunga ne kona mmao dana hagaduasala au, aagai tee daa donu au gi magau.

Psalm 119:67

I mua dogu hagaduasala gai au ne haisala; iainei gai au gu daohi au muna.

Ezekiel 20:43

Gai goodou e manadua naa oodou hegau ma oodou dahulinga alodahi ne hai ga hakino gee ai goodou, gai goodou e kino naa donu hogi i oodou dagodo, i hiidinga o hegau baubau alodahi oodou ne hai.

Daniel 9:13

Denga hai ngadaa nei alodahi gu hai mai gi gimaadeu, bei de hai gu sisi ai laa i lodo hainga a Moses, aagai gimaadeu tigi dangidangi donu Tagi Maolunga demaadeu Maadua, gi abodonu mai, aabe e daahuli gee i omaadeu baubau, ma de kana ange e hagallongo de muna abodonu.

Jonah 3:10

Gai ga gidee huu e de Maadua alaadeu mee ne hai, ma delaadeu tili alaadeu dahulinga baubau, gai ia ne sui dana maanadu, ia tee gaamai de hai ngadaa aana gu tala laa bolo e gaavange gi gilaadeu.

Malachi 3:16

Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.

Psalm 31:15

Go koe e daohia dogu mouli; hagaola ina mai au i ogu hagadaumee ma mai i gilaadeu e vaivai haia ngau!