Biblia Todo Logo
Bib sou entènèt

- Piblisite -




Jeremiah 31:16 - De Beebaa Dabu

16 E hagadaba Tagi Maolunga, “Duudia dau dangi gai sooloa oo loimada, go hiidinga e dahi donu hagaoanga o au hegau, go Tagi Maolunga e hagadaba. Gai gilaadeu e aahe mai naa i de henua o de hagadaumee.

Gade chapit la Kopi




Jeremiah 31:16
27 Referans Kwoze  

Tagi Maolunga gi hagamanuuia ina goe i hiidinga au hegau gu hai, gai gi laumalie doo manuuia mai i daho Tagi Maolunga, go de Maadua o de gau Israel, oou gu humai naa gi ono daha gi buibuia goe i lalo de malu o luoono bakau.”


E tae mai naa laangi, go Tagi Maolunga e hagadaba, aagu e hagaahe ange ai de manuuia o dogu huaadangada, go dangada o Israel ma Judah, ga hagaahe gilaadeu gi de henua aagu ne gaavange gi olaadeu dubuna gi henua ai,” go Tagi Maolunga e hagadaba.


Noo e deai se gai, aagai e dee maua donu i de hagamalangilangi de Maadua, go hiidinga tangada e humai gi de Maadua, gi hagadonusia bolo e dahi donu Maadua, gai ia e hagao ange gilaadeu e hagaduu ngae e saalaa ia.


Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.


Aagai goodou gi llodo mmahi mage hai hegau, go hiidinga e hanu naa donu hagaoanga o oodou hegau.”


Au e hagaahe ange naa de manuuia o Judah ma Israel, ma de hagatuu age gilaau gi bei olaau dagodo i mua.


E hagadaba Tagi Maolunga: Tilo, au e hagaahe ange naa de manuuia o dangada o Jacob, ma de lodo aloha ange gi ono mommee nnoho; de aduhale e ahe ange naa ga hagaduu i honga dono duulanga, gai de hale o de hodooligi e duu naa i dono mommee donu.


Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.


Hannoo, gaina au gai ga malangilangi, ma de unu au uvaini ga lodo danuaa, go hiidinga de Maadua e malangilangi i dau hai mee nei.


Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.


Ia e hai naa gi deai se magau ga hano ai. De Ia Aamua go Iahweh e ssolo naa loimada i ganomada alodahi; ia e kave gee naa de hagadogaa o ono dangada mai i henua i lalo alodahi. Go Tagi Maolunga e hagadaba.


Gai go hiidinga gidaadeu e hagadonusia bolo Iesu ne magau, gai gu mouli age ange, aagai gidaadeu e hagadonusia hogi bolo de Maadua e gaamai donu hogi madali Iesu gilaadeu ne maakau laa i ono lodo.


E hagadaba Tagi Maolunga: Goodou e gidee naa donu au, gai au e hagaahe adu naa doodou manuuia. Au e hagabuni mai naa goodou i denga huaahenua alodahi, ma mommee aagu ne hai goodou gi mavaevae saele aagena, go Tagi Maolunga e hagadaba; au e hagaahe mai naa goodou gi de mommee aagu ne kave gee ai goodou gi denga henua gee.


Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.


Dangada o Judah ma dangada o Israel e hagabuni naa ga hili dahi dagi gi dagina gilaadeu, gilaadeu e hagadagadaga age naa i honga de henua, gai de laangi o Jezreel e hai naa ga se laangi maolunga.


leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.


Muli mai gai ia ne hhui luoono mada, ga daohi dana dangi, ga sao mai, ga hagadaba, “Dugua mai denga gai.”


Gai Joseph gu dee maua i de golomagi ono lodo i mada i mua o dangada alodahi e tuu madali ia, gai ia ga hagadaba, “Haia gi ssao dangada alodahi gi hulo gee mai i omaadeu daha!” Deelaa ai, teai donu dangada madali gilaadeu, i de masavaa aana ne tala ange ai gi ono daina bolo go ia go Joseph.


Gilaadeu e doo ma de tangi e hagihagi naa i de malangilangi.


Tilo, de Ia Aamua go Iahweh e humai naa i ssauaa, gai ia ga hodooligi i dono lima mmahi. Tilo, ia e gaamai ana hagaoanga madali ia, ma mee e hagao ange ai alaadeu hegau.


gai koe ga hai ange gi gilaadeu, ‘E hagadaba de Ia Aamua go Iahweh: Tilo, au e hagaahe mai naa de gau Israel i denga huaahenua olaadeu gu hulo laa aagena. Au e hagabuni mai naa gilaadeu i mommee alodahi, ga hagaahe mai gilaadeu gi delaadeu henua donu.


Swiv nou:

Piblisite


Piblisite