Jeremiah 31:15 - De Beebaa Dabu

¹⁵ E hagadaba Tagi Maolunga: “Dangada e langona de leo o dahi i Ramah, e dangi ma de dangi see. Rachel e dangi i hiidinga o ana dama; ia tee lodo gi hagaaneane ina ono lodo, i hiidinga ana dama gu odi i de maakau.”

Jeremiah 31:15 Referans Kwoze

Jeremiah 40:1

Gai Tagi Maolunga ne hagaago ange ana muna gi Jeremiah i dua de hai a Nebuzaradan, tagi o de gau hagaloosi, Jeremiah gi hano i Ramah. Ia ne gidee ai Jeremiah i magavaa o dangada mai i Jerusalem ma Judah gu noonoodia laa e kave gi Babylon.

Psalm 77:2

De masavaa oogu ne hai ngadaa ai, gai au ne ssala de Ia Aamua laa; au tee dalea donu i de haalo luoogu lima i talodalo, au tee lodo gi hagaaneane ina ogu lodo.

Genesis 35:19

Gai Rachel ne magau ga danu i gaogao de haiava e hano laa gi Ephrath (e bei go Bethlehem).

Jeremiah 10:20

Dogu hale malo gu maoha, ono daula gu modumodu. Agu dama gu hulo gee mai i ogu daha, gilaadeu gu dee maaleva; gai gu deai donu se dangada e doe e hagaduulia age dogu hale malo aabe go de dau age dogu buibui.

Isaiah 22:4

Deenei ai, au e hagadaba, “Goodou hulo gee mai i ogu daha; dugua donu huu au gi dangi see. Aude hagaaneane ina mai au, i dogu dangi i de oohaa o de aduhale o ogu dangada.”

Genesis 42:13

Aagai gilaadeu ga hai ange, “Oo dangada hai hegau ni hai daina e dinoangahulu ma dogolua. Gimaadeu ni dama nii dahi daane mai i de henua go Canaan; gai tama gauligi e noho i daho demaadeu damana iainei, gai e dahi omaadeu daina gu dee maleva.”

Genesis 37:35

Gai ana dama daane ma ana damaa hine alodahi ga loomai e hagaaneane ange ia, gai ia e tee lodo, ga hai ange: “E deai, gai au e hano naa donu gi daho dagu dama i de mommee o de gau maakau, i dogu hinangalosaa i de ia.” Deelaa ai, dono damana ne dangi i hiidinga o Joseph.

Lamentations 5:7

Omaadeu dubuna ne haisala, gilaadeu gu dee mouli iainei; gai gimaadeu gu hagaduasala i hiidinga o olaadeu baubau.

Genesis 42:36

Gai delaadeu damana go Jacob ga hai ange gi gilaadeu, “Goodou gu hai au ga hinangalosaa i agu dama: Joseph gu dee maleva, gai Simeon gu dee maleva hogi, gai iainei goodou gu llodo hogi e kave gee Benjamin. Mee alodahi e hai baasi mai donu gi de au!”

Ezekiel 2:10

gai ia ne doha de beebaa laa i ogu mada i mua. Gai luu baasi ngaadahi e sisi ai dagodo o tangi see ma de hinangalosaa, aama de duasala.

Psalm 37:36

Gai au ne ahe mai ange hogi ga gidee bolo ia gu dee maleva; au ne ssala ia, gai au tee gidee ia.

De Beebaa go Job 7:21

Gu aha gu dee degi mai ai naa goe gi de au, ga tala ogu haisala? Go hiidinga e dee mmule naa donu, gai au gu magau ga danu, gai koe gu dee gidee ange au, i dau masavaa e ssala ai au.”

1 Samuel 7:17

Aagai ia e ahe hugadoo gi Ramah, go de mommee iai dono hale, gai go kilaa hogi aana e hagamodu ai muna o de gau Israel i de laa tubua. Gai ia ne hagaduu dahi mommee o ssigidaumaha ange gi Tagi Maolunga i kilaa.

Joshua 18:25

Go Gibeon, ma Ramah, ma Beeroth,

Genesis 5:24

Gai Enoch ne seesee madali de Maadua, gai ia gu dee maleva, i hiidinga de Maadua gu kave gee ia.

Judges 4:5

Ia ne noho i lalo de palm o Deborah i magavaa o Ramah ma Bethel, i de mommee iai mounga o Ephraim. Gai de gau Israel ne loomai gi ono daha, gai ia ga hagamodu ai olaadeu muna.

Isaiah 10:29

Gilaadeu gu hulo laa lo te mommee gelo, gilaadeu e nnoho naa i Geba i de boo. Ramah gu bolebole, Gibeah o Saul gu savini ma gu hano.