Jeremiah 31:14 - De Beebaa Dabu

¹⁴ Au e hai naa gi boobosu de gau haimeedabu i gai lagolago, gai ogu dangada e hoohonu naa i agu mee danuaa,” go Tagi Maolunga e hagadaba.

Jeremiah 31:14 Referans Kwoze

Jeremiah 31:25

Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Revelation 5:10

Koe gu hai gilaadeu gi se nohoanga hodooligi gai ni dangada haimeedabu niio taadeu Maadua, gai gilaadeu ga dagi ai i henua i lalo.”

Ephesians 3:19

ma de tonu ange gi dagodo o de aloha o Klisdo e dubu ange laa i de iloo mee o dangada, gai goodou gi hhao gi hoohonu i dagodo alodahi o de Maadua.

Song of Songs 5:1

Dogu daina hahine, dogu hagababa, au gu humai gi dagu veelenga, au gu hagabudu agu myrrh ma agu mee hagamanongi. Au gu gai de mee e hhao ai hooni ma hooni iai; au gu unu agu uvaini ma agu vai uu. Luoomaadeu soa, gooluu gaimee ma de unu; luu dau soa, gooluu unu gi boobosu!

Psalm 107:9

Ia e hagaunu gi boobosu gilaadeu e hieunu, gai e haangai gi boobosu gilaadeu e hiikai i mee danuaa.

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Isaiah 61:6

Gai goodou e hagaingoo ange naa go de gau haimeedabu o Tagi Maolunga, gai e hagabinga naa bolo go de gau hai hegau o taadeu Maadua. Goodou e gaimee naa i de lava o denga huaahenua, ma de tala tuhi naa doodou kave olaadeu goloa.

Isaiah 25:6

Gai Tagi o denga hagabuulinga hebagi e hagadabena naa i honga de mounga nei dahi daonga i gai mammami ange gi denga huaadangada alodahi, se daonga e hai i uvaini gu doange i ngadau lagolago — ma giidagi moomuna ma uvaini danuaa hugadoo.

Psalm 132:16

Au e hakahu naa ono dangada haimeedabu i de hagaola, gai ono dangada dabu e daahili naa i delaadeu malangilangi.

Psalm 132:9

Oo dangada haimeedabu gi kahu i de heohi; gai oo dangada dabu gi daahili i delaadeu malangilangi.

Psalm 65:4

E manuuia gilaadeu aau e hili ga gaamai, gi noho i lo te buibui o doo hale! Gimaadeu e duadonu naa i mee danuaa i doo hale, go doo temple dabu.

Psalm 63:5

Au e bosu naa i de gai mee moomuna; au e daahili naa ga hagadegi goe.

Psalm 36:8

Gilaadeu e gaimee i mee lagolago i doo hale; koe e hai gilaadeu gi unu i dau saalingaa vai iai laa de malangilangi.

Nehemiah 10:39

Gai de gau Israel ma de aamuli o Levi gi gaamai denga grain alaadeu e daohia age laa, ma uvaini hoou, ma lolo gi denga mommee e doange ai laa goloa o de mommee dabu, go de mommee o de gau haimeedabu e hai hegau ai laa, ma de gau hagaloosi haitoga, aama de gau daahili e nnoho ai laa hogi. Gai gimaadeu e dee tili naa donu de hale o demaadeu Maadua.”

2 Chronicles 6:41

Tagi Maolunga de Maadua, koe gi ulu i doo mommee e hagamabu ai, go koe ma de ngavesi iai doo sauaa. Tagi Maolunga de Maadua, oo dangada haimeedabu gi kahu i de hagaola, gai oo dangada dabu gi malangilangi i hiidinga koe e danuaa.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Psalm 90:14

Hagadanuaa ina gimaadeu i doo abodonu i taiao, gi llodo danuaa ai gimaadeu ma de malangilangi i taulooloa omaadeu mouli.

Jeremiah 50:19

Aagai au e hagaahe mai naa Israel gi dono mommee iai helii, gai ia e gaimee ai i honga Carmel ma Bashan; ia e bosu danuaa naa i honga duuduu o Ephraim ma Gilead.

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”

Deuteronomy 33:23

Ia ne tala dagodo o Naphtali, ga hagadaba, “Naphtali e honu i de abodonu o Tagi Maolunga, gai e honu i de manuuia; ia e kave naa de vai i baasi ngaage.”

Psalm 63:2

Au ne gidee goe i doo mommee dabu, ma de tilo doo sauaa aama doo mahamaha.

Psalm 63:6

Au e manadua goe i dogu dagodo i ogu moenga; au e hagamaumau oo dagodo i de masavaa dagitilo i denga boo.

Psalm 85:13

De heohi e hano i ono mada i mua, e hagadabena ai dono haiava e seesee ai.

Ezekiel 34:14

Au e haangai naa gilaadeu i denga mommee iai helii danuaa, ma honga denga mounga maolunga o Israel. Gai gilaadeu ga hagammabu ai naa i honga de gelegele danuaa, ma de gaimee i de mommee iai helii danuaa i honga denga mounga o Israel.