Jeremiah 31:12 - De Beebaa Dabu

¹² Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Jeremiah 31:12 Referans Kwoze

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Joel 3:18

De laangi laa gai e hai naa tau uvaini i honga denga mounga, gai e lagolago naa vai uu i honga denga duuduu; denga saalingaa vai alodahi o Judah nogo deai vai iai e ssali ai naa vai. Gai dahi vai e sali mai naa i de hale o Tagi Maolunga, ga hagamaluulu de geelonga o Shittim.

Isaiah 58:11

Gai Tagi Maolunga e dagi naa goe i masavaa alodahi, ia e gaavadu oo mee e duasala ai i de masavaa hai ngadaa, ma de hagammahi doo angaanga. Gai koe e bei naa dagodo o de veelenga gu maluulu danuaa laa, ma de vai e dee maua laa gi masa.

John 16:22

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi.

Ezekiel 17:23

Gai au e kave naa ga doo i honga de mounga maolunga o Israel, gai e somo naa ga lagolago ono laa ma ono hua gai, gai e somo naa ga se cedar danuaa, gai denga hagadaagangaa manu llele alodahi e loomai naa ga hai olaadeu hoohanga i honga ono laa, ma de hagalilo i ono lalo.

Isaiah 65:19

Au e malangilangi naa i Jerusalem, ma de lodo danuaa i ogu dangada; gai e deai naa donu se tangi aabe se tangi see e langona i lo te aduhale.

Isaiah 60:20

De laa e hagamaalama ina goe e dee danu naa donu, de maasina e dee danu naa hogi; gai go Tagi Maolunga doo maalama e dee ngado mai, gai oo laangi e hinangalosaa ai e ui naa.

Revelation 21:4

Ia e ssolo naa olaadeu loimada alodahi, gai gu deai ange naa donu se maakau, be go de hinangalosaa, be go de tangi, aabe go de mmae. Go hiidinga mee ne hai i taamada gu odi i de llilo ma gu deai.”

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Psalm 130:4

Aagai koe e degi ange gi haisala o dangada, gai gi maatagu ai gilaadeu i de goe.

Ezekiel 20:40

Gai honga dogu mounga dabu, go mounga maolunga o Israel, go de Ia Aamua go Iahweh e hagadaba, gai dangada alodahi o Israel e daumaha mai naa gi de au i honga de henua, gai au e malangilangi naa i gilaadeu. Gai au e hai goodou gi gaamai oodou sigidaumaha, ma oodou mee ngadi gaavange danuaa hugadoo, madali oodou sigidaumaha dabu alodahi.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 1:30

Goodou e bei naa de oak e mmae laa ono lau, ma de veelenga e deai vai iai.

Jeremiah 31:4

De bua moe go Israel, au e hagaduu age naa goe, gai koe e duu age naa donu! Gai koe e hagadangidangi naa i dau tambourine ma de anu ai i doo malangilangi.

Jeremiah 3:14

Goodou aahe mai, denga dama gu daahuli gee i de au, go Tagi Maolunga e hagadaba. Go au doodou dangada aamua; au e kave naa hanu goodou — e dahi mai i dahi aduhale gai e dogolua mai i dahi huaabodu — gai au e hagaahe mai naa goodou gi Zion.

Jeremiah 31:6

Gai e dahi naa laangi a de gau dagitilo e oo ai i honga mommee iai mounga o Ephraim, ga hagataba, ‘Loomai, gidaadeu ga loage gi Zion, gi daho Tagi Maolunga, taadeu Maadua.’ ”

Jeremiah 31:7

E hagadaba Tagi Maolunga: “Goodou daahili ma de malangilangi i hiidinga o Jacob, gai hevaalogi ange gi dagi o denga huaahenua. Haia gi nngana oodou tuhi, ma de hagataba, ‘Tagi Maolunga, hagaola ina doo huaadangada, go dangada o Israel e doe.’

Jeremiah 31:24

Dangada e nnoho naa i Judah ma ono aduhale alodahi: de gau hai veelenga ma dangada e hulo saele madali alaadeu hagabuulingaa ssiibi.

Jeremiah 31:25

Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”

Jeremiah 32:15

Go hiidinga e hagadaba Tagi o denga hagabuulinga hebagi, de Maadua o Israel: Dangada e aahe ange naa ga hagao denga hale, ma alahenua aama veelengaa grape i de henua nei.’

Jeremiah 33:12

E hagadaba Tagi o denga hagabuulinga hebagi: De mommee e ngadi dagodo nei, ma teai dangada ma manu e nnoho ai, e ahe ange naa ga nnoho ai de gau hagaloosi manu, ma de hagammabu ai alaadeu hagabuulingaa ssiibi.

Jeremiah 33:13

Gai denga aduhale i de mommee iai mounga, ma aduhale iai duuduu paa i lalo, ma aduhale i de bido gi ngaage, i de vaaenga o Benjamin, ma mommee i luu baasi o Jerusalem, ma lodo aduhale o Judah, de gau hagaloosi ssiibi e aahe ange naa ga dau alaadeu ssiibi, go Tagi Maolunga e hagadaba.

Ezekiel 34:14

Au e haangai naa gilaadeu i denga mommee iai helii danuaa, ma honga denga mounga maolunga o Israel. Gai gilaadeu ga hagammabu ai naa i honga de gelegele danuaa, ma de gaimee i de mommee iai helii danuaa i honga denga mounga o Israel.

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”

Isaiah 52:8

Hagalaangona adu! Oodou dangada dagitilo e hevaalogi; gilaadeu alodahi gu hevaalogi i delaadeu malangilangi. Go hiidinga gilaadeu gu gidee i olaadeu ganomada de masavaa o Tagi Maolunga e ahe mai ai gi Zion.

Ezekiel 36:30

Gai au e hai gi hhua lagolago denga manu ssomo, gai oodou veelenga gi lagolago huamanu iai, gai gi dee hagangadi mee ina ai goodou i magavaa o denga huaahenua i hiidinga o de onge.

Zechariah 8:12

Gilaadeu e doo naa denga golee i de masavaa o de nnoho paba. De grapevine e hua naa, gai de gelegele e lagolago naa huamanu e maua ai, gai de maluulu o taiao e hano iho naa i de langi ga hagamaluulu de gelegele. Au e gaavange naa gi dangada e doe mee nei alodahi.