Jeremiah 30:15 - De Beebaa Dabu

¹⁵ Gu ahe gu dangi ai naa goe i doo lagohia, gai e dee maua gi helui doo mmae? Go hiidinga oo baubau nnui, ma oo haisala e lagolago, aagu ne hai adu ai nei mee nei gi de goe.

Jeremiah 30:15 Referans Kwoze

Jeremiah 30:14

Oo dau soa alodahi gu ngalo goe, gilaadeu e dee anga adu donu gi de goe; i hiidinga au gu hagalagohia goe bei de hagadaumee, ma de hagaduasala goe bei tangada alasala e deai sono lodo aloha, i hiidinga doo hagabaubau ina e laumalie mmao, gai oo haisala e lagolago mmao.

Jeremiah 30:12

Gai e hagadaba Tagi Maolunga: Doo maanuga e dee maua gi mahu, gai doo mee lagohia e hagammae.

Micah 7:9

Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.

Micah 1:9

Go hiidinga dono maanuga gu dee maua gi mahu, gai gu lele ange hogi gi Judah; gai gu dae gi haitoga o Jerusalem, go de aduhale o ogu dangada.

Lamentations 4:13

Aagai mee nei ne hai i hiidinga haisala o ono pelaabisi aama baubau o de gau haimeedabu, i delaadeu daa ga maakau de gau heohi i lo te aduhale laa.

Lamentations 3:39

Gai gu aha tangada gu nanu ai i dono hagaduasala i hiidinga ono haisala?

Lamentations 1:5

Dangada e kino i Zion gu ni dagi i kilaa, ono hagadaumee gu nnoho paba. Tagi Maolunga gu hagaduasala Zion, i hiidinga ono haisala gu lagolago mmao. Ana dama gu gaavee gee mai i de henua, gai gu hai gi seesee i mada i mua o olaadeu hagadaumee.

Jeremiah 46:11

Tamaa hine se bua moe o Egypt, hannoo gi Gilead gaamai ai denga valaai! Gai e deai donu haigamaiana o au valaai lagolago, gai koe e dee maua donu gi ieiangi oo magi.

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.

Jeremiah 15:18

Gu aha gu dee maua ai nei gi ui dogu mmae, gai ogu maanuga gu kona mmao, gu dee maua gi mmahu? Koe gu bei dahi ngadi saalingaa vai, ma de vai gu dee sali laa.

Jeremiah 11:13

Judah, oo diinonga gu lagolago donu bei oo aduhale, gai oo mommee o ssigidaumaha ma de dudu ai mee maanongi ange gi tiinonga hagadookaa go Baal, gu bei donu de lagolago haiava o Jerusalem.

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Isaiah 5:2

Ia ne hagabalabala de gelegele ga aau age denga hadu, gai ga doo i denga grapevine danuaa hugadoo. Ia ne hagaduu hogi dahi hale dagitilo i kilaa ma de hai dahi mommee e kumi ai uvaini. Gai ia ne tali gi hhua mai ai denga grape danuaa, aagai ni grape baubau donu huu ne hhua mai ai.

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

De Beebaa go Job 34:6

E dee galemu donu au e heohi, gai gu hagabinga bolo se dangada hadu muna; e dee galemu donu au tigi haisala, gai ogu maanuga e dee maua gi mahu.’

Ezra 9:13

Gai dua demaadeu tuu ange gi mee nei, i hiidinga o amaadeu hegau baubau, ma omaadeu haisala lagolago, gai koe, demaadeu Maadua, tee hagaduasala donu gimaadeu gi bei de lagolago omaadeu baubau, aagai ne hai gi hanu gimaadeu e doe.

Psalm 107:17

Hanu gilaadeu ne llodo ssenga i hiidinga olaadeu haisala, gai ne hagaduasala i hiidinga olaadeu baubau.

Jeremiah 30:16

Aagai dangada alodahi e oohaa goe e oha naa donu, oo hagadaumee alodahi e noonoa naa ga gaavee gee. Dangada ne gaiaadia oo mee e gaiaadia naa hogi alaadeu mee, gilaadeu alodahi e haia gi de mahi oo goloa e haia gi de mahi naa hogi olaadeu goloa.

Isaiah 1:6

Mai i lalo de vae ga dae ai gi de biho, gu deai donu se mommee danuaa iai, go mee dugidugia donu huu ma maanuga iai, aama maanuga e sali mai ai todo; tigi hagagilimalali, tigi saabini, gai tigi hulu i lolo.

Lamentations 2:13

Tamaa hine o Jerusalem, dee hee dagu hai e tala ai oo dagodo? Gai se aha aagu e hagadagodo ange goe aagena? Tamaa hine o Zion, se aha aagu e hagadulagi ange goe aagena, gai au ga hagaaneane ai goe? Doo maanuga gu gelo bei dagodo o tai; gai goai naa e maua i de hagaieiangi goe?

Nahum 3:19

Gai gu deai donu mee e hagaieiangi ina goe; doo maanuga gu se mee hagamaakau. Dangada alodahi e langona oo longo e baabaa naa olaadeu lima. Go hiidinga goai tee langona iho tuasala i au hegau alasala ne hai?