Jeremiah 30:13 - De Beebaa Dabu

¹³ Gai e deai se dangada e dangidangi i oo hiidinga, e deai hogi valaai e hai ai gi mahu doo maanuga, gai koe e dee maua donu gi ieiangi.

Jeremiah 30:13 Referans Kwoze

Jeremiah 46:11

Tamaa hine se bua moe o Egypt, hannoo gi Gilead gaamai ai denga valaai! Gai e deai donu haigamaiana o au valaai lagolago, gai koe e dee maua donu gi ieiangi oo magi.

Jeremiah 8:22

E aha, gu deai laa valaai i Gilead? Gai e deai laa se dangada hai magi i kilaa? Gai gu aha gu deai ai se ia e hagaieiangi ina maanuga o ogu dangada?

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

Nahum 3:19

Gai gu deai donu mee e hagaieiangi ina goe; doo maanuga gu se mee hagamaakau. Dangada alodahi e langona oo longo e baabaa naa olaadeu lima. Go hiidinga goai tee langona iho tuasala i au hegau alasala ne hai?

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Hosea 6:1

“Loomai, gidaadeu ga ahe ange gi Tagi Maolunga; ia gu hagammae gidaadeu, aagai ia e hagaieiangi naa gidaadeu; ia gu hagalagolagohia gidaadeu, aagai ia e saabini naa odaadeu maanuga.

Ezekiel 22:30

Au ne ssala dahi dangada i olaadeu magavaa gi hagaduulia age de buibui ma de duu i de mommee masaavava i lo te buibui o de henua, gi dee oohaa ina ai e au de aduhale, aagai au tee gidee dahi dangada daudahi.

Isaiah 59:16

Ia ne gidee bolo gu deai donu se dangada daudahi, gai gu lele ono mouli i teai se dangada e balea; gai ia ga hagahai hegau dono lima sauaa e hagaola ina, gai go dono heohi ne gaavange gi de ia de kii.

Isaiah 1:6

Mai i lalo de vae ga dae ai gi de biho, gu deai donu se mommee danuaa iai, go mee dugidugia donu huu ma maanuga iai, aama maanuga e sali mai ai todo; tigi hagagilimalali, tigi saabini, gai tigi hulu i lolo.

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Psalm 106:23

Gai ia ne hagadaba bolo e daa gilaadeu gi maakau; aagai Moses, dana daane ne hili, ne dangidangi i olaadeu hiidinga i ono mada i mua, ga hai ia gi dee daia gilaadeu gi maakau i dono bole.

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

De Beebaa go Job 5:18

Ia e hagammae, aagai e ahe ange hogi ga saabini de maanuga; ia e hagalagohia, aagai e hagaieiangi hogi.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Jeremiah 17:14

Tagi Maolunga, hagaieiangi ina au, gi ieiangi ai au; hagaola ina au, gi ola ai au, i hiidinga go koe aagu e tuhi.

Jeremiah 14:19

E aha, koe gu tili naa donu Judah? Koe gu kino naa donu i Zion? Gu aha goe gu hagailiili ai naa gimaadeu gai omaadeu maanuga gu dee maua gi mmahu? Gimaadeu e ssala de nnoho paba, aagai teai donu se danuaa amaadeu e gidee. Gimaadeu e tali dahi masavaa o de hagaieiangi, aagai go de mee hagamaatagu donu huu ne humai.

Jeremiah 6:7

De aduhale nei e honu malingilingi i de baubau, bei de vai geli e honu baabaa laa i vai. De alasala ma de oha mee e hai i kilaa; gai au e gidee dagodo o dono magi ma ono maanuga i masavaa alodahi.

Ezekiel 30:21

“Tama a tangada, au gu hhadi de lima o Pharaoh de hodooligi o Egypt, gai tilo, tigi saabini gi mahu ai, aabe gu hhau i de laagau gi ahe ange gi mmahi, ma de maua ai i de poo de gadilaasa.

Lamentations 2:13

Tamaa hine o Jerusalem, dee hee dagu hai e tala ai oo dagodo? Gai se aha aagu e hagadagodo ange goe aagena? Tamaa hine o Zion, se aha aagu e hagadulagi ange goe aagena, gai au ga hagaaneane ai goe? Doo maanuga gu gelo bei dagodo o tai; gai goai naa e maua i de hagaieiangi goe?