Jeremiah 30:10 - De Beebaa Dabu

¹⁰ Jacob, dogu dangada hai hegau, aude madagu; Israel, koe gi dee manavasaa, go Tagi Maolunga e hagadaba. Tilo, au e hagaola naa donu goe mai i denga mommee mmao, aama oo hagadiilinga mai i henua olaadeu gu gaavee laa aagena. Jacob e ahe ange naa ga nnoho paba ma de duadonu, gai e deai ange naa donu se dangada e hagamadagu ina ia.

Jeremiah 30:10 Referans Kwoze

Hosea 2:18

De laangi laa, gai au e hai naa dahi hagatoo donu hagaheloongoi ange gi gilaadeu madali denga manu dolodolo o lodo henua ma manu llele, ma manu e tolo i honga de gelegele. Au e hai naa gi deai mee hholu, ma gadilaasa, ma hebagi i honga de henua, gai dangada alodahi e nnoho paba ma tee maatagu.

Jeremiah 29:14

E hagadaba Tagi Maolunga: Goodou e gidee naa donu au, gai au e hagaahe adu naa doodou manuuia. Au e hagabuni mai naa goodou i denga huaahenua alodahi, ma mommee aagu ne hai goodou gi mavaevae saele aagena, go Tagi Maolunga e hagadaba; au e hagaahe mai naa goodou gi de mommee aagu ne kave gee ai goodou gi denga henua gee.

Isaiah 43:5

Aude madagu, go hiidinga au madali goe; au e gaamai naa oo hagadiilinga mai i dua, ma de hagabuni mai goodou i dai.

Isaiah 44:2

E hagadaba Tagi Maolunga, go de ia ne haia goe, ma de hagaholi goe i de mommee o denga dama, gai go de ia ne balea adu goe: Aude madagu, Jacob, dogu dangada hai hegau; Jeshurun, de mommee aagu ne hili.

Isaiah 35:9

E deai naa hogi laiono i kilaa, be ni manu alasala e loage gi ono elunga; mee nei alodahi e dee gidee naa donu i kilaa. Aagai gilaadeu donu huu gu hagaola e seesee i kilaa,

John 12:15

“Tamaa hine o Zion, aude madagu; tilo, doo hodooligi e humai naa, gai ia e gage i honga tama a dahi donkey!”

Jeremiah 33:16

Laangi laa gai Judah e ola naa, gai Jerusalem e duadonu naa. Gai deenei dono hai e hagaingoo ai: Tagi Maolunga Taadeu Heohi.

Jeremiah 23:8

aagai gilaadeu e hagataba naa, ‘Gimaadeu e hagatoo donu i de mouli o Tagi Maolunga, de ia ne hagassao ina mai denga aamuli o Israel i denga henua i ngaiho aama mai i henua alodahi aana ne kave gilaadeu gi nnoho ai.’ Gai gilaadeu e loomai naa ga nnoho i delaadeu henua donu.”

Jeremiah 23:3

Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.

Jeremiah 3:18

Gai dangada o Judah e loomai naa madali dangada o Israel i laangi laa, gilaadeu e hagabuni naa ga aahe mai i de henua i ngaiho, ga loomai gi de henua aagu gu bolo ange gi olaadeu dubuna madagidagi.

Zechariah 3:10

E hagadaba Tagi o denga hagabuulinga hebagi: De laangi laa gai dahi ma dahi e gauna ange naa dono soa gi noho madali ia i lalo dana grapevine ma dana fig.”

Ezekiel 38:11

ga hagadaba, “Au e hano naa e hebagi ange gi denga aduhale e dee buibui laa. Au e hano naa e hebagi ange gi dangada e nnoho danuaa laa ma de nnoho paba, i mommee alodahi e dee buibui gai e deai haitoga ma laagau hagamakaga iai.

Ezekiel 16:52

Hagauda ina hogi doo hagadogaa ina, koe ne hai ga hanu hagaheohi o oo daina haahine. Go hiidinga oo haisala ne kii ange donu de hakino gee i olaadeu haisala, deelaa ai, e dagodo be gilaadeu e danuaa ange i de goe. Deenei ai, koe gi dogaa gai gi hagauda ina doo hagangadi mee ina, go hiidinga koe ne hai oo daina haahine ga dagodo be gilaadeu e heohi.

Jeremiah 30:3

E tae mai naa laangi, go Tagi Maolunga e hagadaba, aagu e hagaahe ange ai de manuuia o dogu huaadangada, go dangada o Israel ma Judah, ga hagaahe gilaadeu gi de henua aagu ne gaavange gi olaadeu dubuna gi henua ai,” go Tagi Maolunga e hagadaba.

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Isaiah 54:4

Koe gi dee madagu; koe e dee hagadogaa ina naa donu. Koe gi dee manavasaa i doo hagangadi mee ina; koe e dee hagamaolalo ina. Gai koe e ngalo naa doo hagadogaa ina i de masavaa oou e gauligi ai, gai koe e dee manadua naa donu doo hagadogaa ina i teai soo bodu.

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Isaiah 46:11

Au e hagahi naa dahi manu lele alasala mai i dua, se daane mai i dahi henua mmao, gai ia ga hagasula ina dagu hagatau. Gai be ni aha naa huu aagu gu tala, gai au e hai naa donu gi bei; gai be ni aha naa huu aagu gu hagatau, gai au e hai naa donu.

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Isaiah 49:25

Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.

Isaiah 14:3

De laangi laa gai Tagi Maolunga e hai naa gi ilaage goodou mai i de hagaduasala, ma de hai ngadaa, aama doodou hagahai hegau ina,

Isaiah 44:1

“Aagai koe, Jacob, dogu dangada hai hegau, hagalaangona, ma Israel, de ia aagu gu hili.

Jeremiah 23:4

Au e hili naa hanu dangada hagaloosi gi diiloo ange gilaadeu, gai gilaadeu e dee maatagu ange naa donu, be e manavasaa olaadeu lodo, gai e deai naa hogi se gilaadeu e tili,” go Tagi Maolunga e hagadaba.

Jeremiah 29:11

Go hiidinga au e iloo denga hagatau aagu gu hagadabena adu gi goodou, go Tagi Maolunga e hagadaba, ni hagatau e hai ai gi duadonu goodou e dee hai adu ai de baubau, gai gi dahi ai oodou tali i denga laangi e loomai.

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

Joel 2:21

De henua, aude madagu, gai lodo danuaa ma de malangilangi. Ni muna abodonu, Tagi Maolunga gu hai hanu hegau hagalele mouli.

Isaiah 49:12

Tilo, gilaadeu nei e loomai naa i mommee mmao — hanu mai i ngaiho, hanu mai i dai, gai hanu mai i Syene.”

Daniel 12:1

“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.

Hosea 2:20

Au e hai bodu adu naa gi de goe i de muna abodonu, gai koe e iloo naa bolo go au donu go Iahweh.

Hosea 6:11

Gai e bei hogi goe, Judah, dahi laangi hagihagi gu hagamodu adu gi de goe. I de masavaa aagu e hagaahe ange ai de manuuia o dogu huaadangada,

Micah 4:9

Gu aha gu kona ai naa doo dangi — gu deai soo hodooligi? E aha, gu odi naa donu de maakau oo dangada bale, gai koe gu mmae bei de hine gu hai ono hagalangona?