Jeremiah 3:9 - De Beebaa Dabu

⁹ Go hiidinga ia ne hagangadi mee donu dono dagodo haisala, gai ia ne hai ga hakino gee de henua alodahi i ana hegau haisala, i dono daumaha ange gi denga hadu ma laagau.

Jeremiah 3:9 Referans Kwoze

Jeremiah 2:27

Gilaadeu e hai ange gi de manu somo, ‘Go koe dogu damana,’ ma de hai ange gi dahi hadu, ‘Go koe ne hanaua au.’ Gilaadeu gu huuhuli mai olaadeu dua gi de au, e dee huuhuli mai olaadeu mada; gai de masavaa huu olaadeu e hai ngadaa ai, gai gilaadeu ga hagataba, ‘Hidi age hagaola ina gimaadeu!’

Jeremiah 3:2

Koe gi galo age gi ulu denga duuduu malaelae ma gi diiloo. E dahi laa mommee oou tee dagodo haisala ai? Koe ne noho i gaogao de haiava ma e tali ai oo dau soa, koe e bei de gau Arab e nnoho laa i de vao. Koe gu hai ma gu hakino gee de henua, i doo hai be se manu ma au hegau baubau.

Isaiah 57:6

Denga hadu malali i lodo geelonga go oodou diinonga; go gilaadeu, go gilaadeu oodou duuhanga. Goodou e llingi ange aagena ssigidaumaha o mee unu, ma de sigidaumaha ange denga grain gi gilaadeu. Gai e maua e mee nei i de hagahelui ogu lodo?

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.

Jeremiah 2:7

Au ne gaamai goodou gi dahi henua iai hua lagolago, gai goodou ga gai ono hua aama mee danuaa iai. Aagai goodou ne loomai ga hai gi hakino gee dogu henua, aama de hai gi dee gilimalali de huaahenua o dogu boolonga.

Habakkuk 2:19

E vakaa naa tangada e hai ange gi de laagau, ‘Alahage!’ gai e hai ange gi de hadu, ‘Hidi age!’ E aha, e maua de mee nei i de agoago ange ia? Tilo, de hadu laa e haoli i goolo ma selevaa, gai e dee manamanava.

Hosea 4:12

o ogu dangada. Gilaadeu e ssili ange naa gi dahi diinonga laagau, gai go dahi bido laagau e basa ange. Gai de hagasaalunga o de hai be se manu gu dagi gee gilaadeu; gilaadeu gu dee hai hegau ange gi delaadeu Maadua i de mee abodonu.

Ezekiel 23:10

Ono dau soa ne tala ono malo ga hagagilisau ia, gilaadeu ne booboo ana dama daane ma ana damaa hine ga kave gee, gai ne daa Oholah ga magau i de gadilaasa. Gai denga haahine gu pasa i dagodo o de hagaduasala gu hai ange laa gi de ia.

Ezekiel 16:17

Koe ne kave hogi agu hadu hagamogomogo danuaa ne gaavadu gi de goe, go hadu hagamogomogo ne hai i agu goolo ma selevaa, ga hai ai hanu diinonga bei hoolinga o taane, gai koe ga dagodo haisala madali gilaadeu.

Matthew 5:32

Aagai au e hai adu gi goodou, be goai e maavae ange gi dono bodu, deelaa donu huu go dono dagodo haisala, gai ia e hai de hine laa gi dagodo haisala. Gai be goai e hai bodu ange gi de hine gu maavae laa gu dagodo haisala donu.

Jeremiah 16:18

Gai au e hai naa gi lua hanonga e kii ange ai delaadeu hagaduasala i hiidinga olaadeu baubau ma olaadeu haisala, go hiidinga gilaadeu gu hai ma gu dee gilimalali dogu henua i olaadeu diinonga hakino gee e dee mouli laa, ma de hai gi dohu de huaahenua o dogu boolonga i olaadeu diinonga hakino gee.”

Ezekiel 23:3

gilaau ni hai ga ni haahine hai be ni manu i Egypt, gai gilaau ne hai de hegau nei mai i laangi olaau ni damaa hine ai. Gai olaau gaanuunu gu booboo ina ma de haahaagia ange i de henua laa.

Ezekiel 23:21

Gai koe ne lodo mmao i denga dahulinga hakino gee i doo masavaa se damaa hine ai, go de masavaa a de gau Egypt ne booboo ai ma de haahaa adu ai luoo gaanuunu.

Hosea 2:2

“Hagaseegina doodou dinana, hagaseegina ia, go hiidinga ia e dee go dogu bodu, gai au e dee go dono bodu. Ia gi dugua gee ana dahulinga hai be se manu, aama ana hegau dagodo haisala.

Isaiah 57:3

Aagai goodou — dama a de hine e haia gi loage hagasaalunga, loomai kinei, goodou hagadiilinga o denga haahine dagodo haisala ma de hai be se manu!

Joel 1:19

Tagi Maolunga, au e dangidangi adu gi de goe, go hiidinga de ahi gu dudu ma gu odi denga mommee iai helii i lodo henua, gai de ula o de ahi gu dudu denga manu ssomo alodahi i honga de henua.