Jeremiah 3:6 - De Beebaa Dabu

⁶ Gai Tagi Maolunga ne hai mai gi de au, i de masavaa o Josiah e hodooligi ai: “Koe e gidee naa hegau a de ia e dee hai hegau i de mee abodonu go Israel? Ia e hanage gi honga denga duuduu maolunga alodahi ma lalo denga manu ssomo alodahi ma e hai be se manu ai.

Jeremiah 3:6 Referans Kwoze

Ezekiel 23:11

Dono daina hahine go Oholibah ne gidee donu mee ne hai ange gi dono daina, aagai ia ne kii ange donu dono hai be se manu ma de hakino gee ana dahulinga i dono daina.

Ezekiel 20:28

De masavaa aagu ne gaamai ai gilaadeu gi de henua aagu gu hagatoo donu bolo e gaavange gi gilaadeu, gai gilaadeu ne gidee denga duuduu maolunga ma denga manu ssomo lau kohu i kilaa, gai gilaadeu ga hulo ga dudu alaadeu sigidaumaha i kilaa, gai gilaadeu ga hai ai au gi lili. Gilaadeu ne dudu hogi sigidaumaha nnamu kala, ma de llingi sigidaumaha o mee unu.

Ezekiel 16:31

De masavaa aau ne hagatuu ai oo mommee maolunga i dege o denga haiava, ma oo mommee daumaha maolunga i denga duu malaelae alodahi, gai koe e dee bei dagodo o de hine hai be se manu, go hiidinga koe ne kino i dono hagaoanga.

Jeremiah 17:2

Gai alaadeu dama goi manadua donu huu olaadeu mommee o ssigidaumaha ma denga duludulu laagau o Asherah i lalo denga manu ssomo ma honga denga duuduu maolunga.

Jeremiah 7:24

Gai gilaadeu tee hagallongo mai aabe ne aanga mai, aagai ne hagamakaga olaadeu lodo ma de hai donu huu olaadeu llodo. Gilaadeu ne aahe dua tee hulo gi mua.

Jeremiah 3:8

Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala.

Isaiah 57:7

Goodou e dagodo haisala i ulu mounga ma honga duuduu, ma de hulo gi kilaa e hai ai oodou sigidaumaha.

1 Kings 14:23

Gai gilaadeu ne hagatuu hogi hanu mommee daumaha, ma hanu duludulu hadu, ma duludulu laagau o Asherah i honga duuduu ma lalo manu ssomo alodahi.

2 Chronicles 34:1

Gai Josiah gu valu ono ngadau i de masavaa oona ne dae ange ai ga hodooligi, gai ia ne hodooligi i e matolu ma dahi ngadau i Jerusalem.

Jeremiah 1:2

Tagi Maolunga ne hagaago ange ana muna gi Jeremiah i de madaangahulu ma dolu ngadau o Josiah, tama daane a Amon de hodooligi o Judah.

Jeremiah 5:11

Dangada o Israel ma dangada o Judah e dee hai hegau mai gi de au i de muna abodonu,” go Tagi Maolunga e hagadaba.

Jeremiah 11:10

Gilaadeu gu buni e aahe ange gi haisala o olaadeu dubuna, go dangada ne kino laa i de hagallongo agu muna. Gai gilaadeu ne daudali i denga diinonga ma de daumaha ange gi gilaadeu. Dangada o Israel ma Judah gu oha de hagatoo donu hagaheloongoi aagu ne hai madali olaadeu dubuna.

Jeremiah 31:22

Tamaa hine e dee hai hegau i de mee abodonu, dee hee maa taulooloa doo lua lodo? Tagi Maolunga gu hai dahi hegau hoou i henua i lalo — dahi hahine e duuli naa dahi daane.”

Ezekiel 23:4

De ingoo o tamaa hine madua go Oholah, gai dono daina gauligi go Oholibah. Gilaau ngaadahi ni bodu niiogu, gai gilaau ne haanau hanu gauligi daane ma gauligi haahine. Oholah go Samaria, gai Oholibah go Jerusalem.

Hosea 4:13

Gilaadeu e hai alaadeu sigidaumaha i ulu mounga, ma de dudu alaadeu sigidaumaha i honga duuduu, ma lalo denga oak, ma poplar aama terebinth, go de mommee e lilo danuaa. Deelaa ai, oodou damaa hine gu hai ma gu ni haahine hai be ni manu, gai oodou saulaba gu dagodo haisala.

Hosea 11:7

Ogu dangada e nnoho huu e daahuli gee i de au, gai ga hagahia naa donu e gilaadeu de Ia Maolunga Mmao laa, aagai ia e dee hagahiihidi age donu gilaadeu.

Judges 2:17

Aagai gilaadeu tee hagallongo ange gi olaadeu gau hagamodu muna, aagai ne daudali ange i denga diinonga, ma de daumaha ange gi gilaadeu. Gai ne moolau donu delaadeu hulo gee mai i de haiava o olaadeu maadua madagidagi ne seesee ai laa, go gilaadeu ne daudali laa i muna a Tagi Maolunga, gai de atangada nei tee daudali ai.

Psalm 106:39

Gai gilaadeu gu hakino gee i alaadeu hegau ne hai, gilaadeu ne hai hegau bei de hine hai be se manu.

Isaiah 57:3

Aagai goodou — dama a de hine e haia gi loage hagasaalunga, loomai kinei, goodou hagadiilinga o denga haahine dagodo haisala ma de hai be se manu!

Ezekiel 16:35

Deenei ai, de hine hai be se manu, koe gi hagalaangona muna a Tagi Maolunga!