Jeremiah 29:27 - De Beebaa Dabu

²⁷ Gai gu aha koe tigi hagasee ai naa Jeremiah taane Anathoth, e haia naa hegau a de pelaabisi i oodou daha?

Jeremiah 29:27 Referans Kwoze

2 Timothy 3:8

Denga daane nei e bei dagodo o Jannes ma Jambres, go luu daane ne hai baasi ange laa gi Moses. Gai gilaadeu e hai baasi ange donu gi de mee heohi, gai ni daane hakino gee alaadeu maanadu, de gau bee nei gu dee daohi de gai abodonu.

Acts 5:40

Gai gilaadeu ne hagahi de gau tala gi ulu mai, gai gilaadeu ga hagailiili gilaadeu, ga hai ange gilaadeu gi dee aahe ange gi agoago i de ingoo o Iesu, ma de dugu gilaadeu gi hulo.

Acts 5:28

“Tee hai adu e gimaadeu goodou gi dee aahe ange gi agoago i de ingoo naa? Gai tilo, goodou gu hagadohu Jerusalem alodahi i oodou agoago, gai goodou ga hagabuu mai ai ssala gi gimaadeu, i hiidinga de magau o taane naa.”

Matthew 27:63

ga hai ange gi de ia, “Tangada aamua, gimaadeu gu manadua bolo taane ne daahangadia laa dangada, ne hagadaba i dono masavaa e mouli ai, ‘Dua naa huu e dolu laangi, gai au gu mouli age.’

Jeremiah 29:26

‘Tagi Maolunga ne hai goe go tangada haimeedabu e sui ai tangada haimeedabu go Jehoiada, gai koe ga dagi ai i de hale o Tagi Maolunga. Gai de masavaa naa huu a dahi dangada senga ange lo te biho e hagadaba ai bolo ia se pelaabisi, gai koe ga hagamakaga luoono lima ma luoono vae i denga baabaa.

Jeremiah 1:1

Muna a Jeremiah, tama daane a Hilkiah, dahi dangada haimeedabu i Anathoth i de vaaenga o Benjamin.

2 Chronicles 25:16

De masavaa o de pelaabisi laa e basa ai, gai de hodooligi ga hai ange gi de ia, “Goai ne hagasula ina goe gi se dangada e daalaa ange mee a de hodooligi e hai? Gu lava au muna e tala! Ni haigamaiana aha doo magau?” Gai de pelaabisi laa ga tuu de tala ana muna, aagai ia ne hai ange, “Au e iloo bolo de Maadua gu hagatau e daa goe gi magau, i hiidinga au hegau gu hai, koe tee lodo e hagallongo agu muna e bale adu ai goe.”

Numbers 16:3

Gilaadeu ne loomai ga hagadaumee ange gi Moses ma Aaron, ga hai ange gi gilaau, “Gu gona odi ooluu mee e hai! Dangada alodahi o Israel e dabu, gai Tagi Maolunga e noho i olaadeu daha. Gai gu aha gooluu gu hai ai naa gooluu gi maolunga ange i de hagabuulingaa dangada o Tagi Maolunga?”

Joshua 21:18

ma Anathoth ma ono mommee iai helii, aama Almon ma ono mommee iai helii — e haa aduhale nei.