Jeremiah 29:26 - De Beebaa Dabu

²⁶ ‘Tagi Maolunga ne hai goe go tangada haimeedabu e sui ai tangada haimeedabu go Jehoiada, gai koe ga dagi ai i de hale o Tagi Maolunga. Gai de masavaa naa huu a dahi dangada senga ange lo te biho e hagadaba ai bolo ia se pelaabisi, gai koe ga hagamakaga luoono lima ma luoono vae i denga baabaa.

Jeremiah 29:26 Referans Kwoze

2 Kings 9:11

De masavaa o Jehu ne sao mai ai gi daho de gau hai hegau o dono dangada aamua, gai dahi gilaadeu ga ssili ange gi de ia, “Ni aha gu hai naa? Gai gu aha gu humai ai naa taane senga naa gi oo daha?” Jehu ne hai ange gi gilaadeu, “Goodou e iloo naa donu huu dagodo o tangada senga ma ana muna e tala.”

Acts 26:24

Gai de masavaa a Paul e tala ai dono heohi, gai Festus ga hai ange i de leo laumalie, “Paul, koe gu senga i de kona de lagolago au mee gu ago!”

John 10:20

Gai e soa gilaadeu ne hagataba, “Dahi hagasaalunga baubau e noho i ono daha, gai ia gu senga. Gai gu aha gu hagallongo ai gidaadeu ana muna?”

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Acts 16:24

Gai ga langona huu e ia muna laa, gai taane hagaloosi laa ga tili ange gilaau gi lo te mommee e mua gi lodo i de hale pono, ga hagamakaga ange olaau vae gi laagau hagamakaga.

Mark 3:21

Gai ga langona huu e dono huaabodu mee laa, gai gilaadeu ga loomai e kave Iesu, go hiidinga gilaadeu e hagataba, “Ia gu senga ange.”

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

2 Corinthians 11:33

Aagai hanu ne hagasege iho au i lo te gede i dahi haitoga damaa mee i de baasi de buibui o de aduhale, gai au gu ola mai i gilaadeu.

Acts 26:11

Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.

Acts 5:24

Gai ga langona huu e tagi o de gau hagaloosi o de temple ma de gau haimeedabu maolunga alaadeu muna, gai gilaadeu gu dee tonu ange gi tagodo laa, gai gilaadeu ne hagasaele be dee hee tagodo laa.

Acts 5:18

gai gilaadeu ga poo de gau tala ga hhao gi lo te hale pono.

Acts 4:1

De masavaa o Peter ma John e pasa ange ai gi dangada, gai gu tae mai hanu dangada haimeedabu madali tagi o de gau hagaloosi o de temple aama hanu Sadducee gi olaau daha,

John 10:33

Gai de gau Ssuu ga hai ange, “Gimaadeu e dee maga goe i hadu, i hiidinga o dahi hegau danuaa nei, gai go hiidinga koe gu hagangadi mee de Maadua i au muna. Koe se dangada bei omaadeu dagodo, gai koe e hagahedae ange goe gi de Maadua.”

John 8:53

Koe e maolunga ange i demaadeu damana go Abraham, ma denga pelaabisi gu odi nei i de maakau? Gai go koe goai?”

Matthew 21:23

De masavaa o Iesu ne ulu ai ga agoago i lo te temple, gai de gau haimeedabu maolunga ma denga dagi ne loomai, ga ssili ange, “Niioai ssauaa aau e hai ai naa mee nei? Gai goai ne gaavadu gi de goe ssauaa naa?”

Jeremiah 38:28

Gai Jeremiah ne noho i lo te buibui o de gau hagaloosia ga dae ai gi de laangi ne hagadee kii ai Jerusalem.

Jeremiah 38:6

Gai gilaadeu ne kave Jeremiah ga hao ange gi lo te mommee e hagasahu ange aagena vai a Malkijah, tama daane a de hodooligi, se mommee i lo te buibui o de gau hagaloosi. Gilaadeu ne nnoa ia i hanu daula, ga hagasege iho ai ia gi lo te mommee e hagasahu ange aagena vai. Gai gu deai vai iai i de masavaa laa, gai gu ni bela donu huu i kilaa; gai Jeremiah ne abulu gi lodo bela laa.

Jeremiah 29:27

Gai gu aha koe tigi hagasee ai naa Jeremiah taane Anathoth, e haia naa hegau a de pelaabisi i oodou daha?

2 Chronicles 18:26

ma gi hai ange, ‘E hagadaba de hodooligi: haaoa taane nei gi lo te hale pono, gai haangai ina ange donu huu ia i hanu momo pelaoaa ma vai, ga dae ai gi dogu ahe mai i de hebagi i de noho baba.’ ”

2 Chronicles 16:10

Gai Asa ne lili i taane e gidee mee e loomai i hiidinga o muna nei, gai ia ga hhao ia gi lo te hale pono. Gai Asa ne vaivai hai hogi hanu dangada i de masavaa laa.

2 Kings 11:18

Gai dangada alodahi o de henua ne hulo ga oha de hale o Baal; gilaadeu ne oha denga mommee o ssigidaumaha ma denga diinonga i kilaa, gai gilaadeu ga daa gu magau tangada haimeedabu o Baal go Mattan, i gaogao de mommee o ssigidaumaha. Gai tangada haimeedabu ga dugu hanu dangada dagitilo i de hale o Tagi Maolunga.

2 Kings 11:15

Gai tangada haimeedabu go Jehoiada ga hai ange gi denga dagi o denga daane hebagi, “Gaavee ia gi magavaa o denga daane hebagi, ma de daa gi maakau dangada alodahi e daudali ange i de ia.” Go hiidinga tangada haimeedabu ne hagadaba, “E dee daa ia gi magau i lo te hale o Tagi Maolunga.”

Acts 26:25

Aagai Paul ne hai ange, “Festus maolunga mmao, au e dee senga, gai au e tala donu de muna abodonu i tee senga.

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.