Jeremiah 29:23 - De Beebaa Dabu

²³ Go hiidinga gilaau ne baubau alaau hegau ne hai i Israel, gilaau ne hulo gi daho bodu o daane e paa ange gi gilaau, gai ne tala hanu muna hhadu i dogu ingoo, gai e dee go au donu ne hai ange gilaau gi daalaa muna laa. Au e iloo donu de mee nei ma de tala hagadonu ono dagodo, go Tagi Maolunga e hagadaba.”

Jeremiah 29:23 Referans Kwoze

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Jeremiah 29:21

E hagadaba Tagi o denga hagabuulinga hebagi, de Maadua o Israel i dagodo o Ahab, tama daane a Kolaiah, ma Zedekiah tama daane a Maaseiah, go luu daane ne hadu muna adu gi goodou i delaau pasa pelaabisi i dogu ingoo: Tilo, au e dugu ange naa gilaau gi Nebuchadnezzar, de hodooligi o Babylon, gai ia e daa naa gilaau gi maakau i oodou mada i mua.

Jeremiah 16:17

Gai au gu gidee danuaa olaadeu dagodo alodahi; mee nei e dee hagammuni donu i de au, gai olaadeu baubau e dee haoli donu gi dee gidee ai e au.

Proverbs 5:21

Tagi Maolunga e gidee danuaa hegau a tangada, gai ia e tilo dagodo o ana hegau alodahi e hai.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Malachi 2:14

Gai goodou e ssili, “Gu aha?” Go hiidinga Tagi Maolunga go ia e hagadonu ai mee i ooluu magavaa ma doo bodu, i doo masavaa goi dama daane ai. Koe tee hai hegau ange gi doo bodu i de mee abodonu, e dee galemu donu go ia doo soa, ma doo bodu ne hai i de hagatoo donu hagaheloongoi.

Zephaniah 3:4

Denga pelaabisi i kilaa e llodo maolunga ma tee hai hegau i de muna abodonu. Ono gau haimeedabu e hagangadi mee denga mee dabu, ma de oha de hainga.

Jeremiah 23:21

E dee go au ne haia gi loadu denga pelaabisi naa, aagai gilaadeu ne saavini adu donu i gilaadeu. Au tigi basa ange donu gi gilaadeu, aagai gilaadeu gu pasa pelaabisi.

Jeremiah 13:27

Au gu gidee dagodo o doo dagodo haisala, ma doo senga ange gi de hai be se manu, ma dahulinga hakino gee, i honga denga duuduu ma lodo duu malaelae. Jerusalem, e vakaa naa goe! Go aahee maa loo oou e maua ai gi gilimalali?”

Genesis 31:50

Gai noo koe gu vaivai hai luaagu damaa hine, aabe e hai bodu ange hanu haahine gee, e dee go luaagu damaa hine, gai e dee galemu naa donu teai dangada madali gidaau, gai go de Maadua donu e hagadonu ai mee i odaau magavaa.”

Genesis 34:7

Gai denga dama daane a Jacob ne hagamoolau ga aahe mai i lodo henua, i de masavaa alaadeu ne langona ai mee laa. Gai gilaadeu gu kona donu de daemaha ma de llili, i hiidinga o de hegau baubau a Shechem gu hai ange gi Israel, i dono dagodo haisala ma tamaa hine a Jacob — gai se mee donu e dee hai.

Judges 11:10

Gai denga daane maatua o Gilead ga hai ange gi Jephthah, “Go Iahweh de ia tala hagadonu i odaadeu magavaa; gai gimaadeu e hai naa donu gi bei au muna gu tala mai.”

2 Samuel 13:12

Gai tamaa hine laa ga hai ange gi de ia, “Deai, dogu daina, aude haia gi de mahi au. De hegau nei se hegau e dee hai i Israel. Aude haia de hegau baubau nei.

Jeremiah 5:8

Gilaadeu e bei denga hoosa e boobosu danuaa laa, gai e llodo ange gi denga hoosa haahine, dahi ma dahi e sae ange gi de bodu o tangada ange laa.

Jeremiah 7:11

E aha, de hale e hagaingoo nei i dogu ingoo, gai goodou gu hai gi se mommee niio de gau gaiaa? Aagai au gu gidee donu mee nei, go Tagi Maolunga e hagadaba.

Jeremiah 29:31

“Alumia hai ange gi dangada alodahi ne gaavee gi Babylon, ‘E hagadaba Tagi Maolunga i dagodo o Shemaiah taane Nehelam: Go hiidinga Shemaiah ne basa pelaabisi adu gi goodou, gai e dee go au ne haia ia gi hanadu, gai ia gu hai goodou gi hagadonusia ana muna hhadu,

Ezekiel 35:13

Koe ne basa hagamaolunga mai donu gi de au, gai ne lagolago au muna ne hai baasi mai ai gi de au, gai au gu langona au muna.

Jeremiah 23:16

Gai e hagadaba Tagi o denga hagabuulinga hebagi: “Goodou gi dee hagalaangona muna a denga pelaabisi e tala adu; gilaadeu e hai goodou gi tali hagalodolodo ange gi mee dee haigamaiana. Gilaadeu e tala midi alaadeu e hadu age donu huu i olaadeu lodo, e dee ni muna mai i daho Tagi Maolunga.

Jeremiah 23:32

Tilo, au e hai baasi ange gi gilaadeu e pasa pelaabisi i denga midi hhadu, go Tagi Maolunga e hagadaba. Gilaadeu e dagi gee ogu dangada i alaadeu muna hagassoenga, gai e dee go au donu ne haia gilaadeu gi hulo, aabe go au ne hilia gilaadeu. Deenei ai, e deai donu olaadeu haigamaiana ange gi dangada, go Tagi Maolunga e hagadaba.