Jeremiah 29:22 - De Beebaa Dabu

²² Gilaau e hai naa ga ni mee hagamalaia i daho dangada ne gaavee gee laa i Judah ga kave gi Babylon, gilaadeu e hagataba naa, ‘Tagi Maolunga gi haia goe gi bei dagodo o Zedekiah ma Ahab, luu daane a de hodooligi o Babylon ne dudu laa i de ahi.’

Jeremiah 29:22 Referans Kwoze

Daniel 3:6

Gai be goai naa huu e dee duuduli e daumaha, gai e kave i de masavaa moolau e maga ange gi lo te ahi ula mmahi.”

Isaiah 65:15

Gai doodou ingoo e hai naa ga se mee hagamalaia ange gi dangada aagu gu hili; gai de Ia Aamua go Iahweh e daa naa goodou ga maakau, aagai ia e gaavange naa dahi ingoo hoou moo ogu dangada hai hegau.

Daniel 3:21

Gai gilaadeu ga noonooa denga daane laa madali olaadeu malo laa daha, ma olaadeu lausese, ma olaadeu goobai malo, aama olaadeu malo ange laa, ga maga ange gi lo te ahi ula mmahi.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

Ruth 4:11

Gai dangada alodahi e nnoho i de haitoga o de aduhale ma denga daane maatua i kilaa, ga hai ange gi de ia, “Uaa, go gimaadeu e hagadonu ai mee nei. Tagi Maolunga gi haia de hine ga humai nei gi doo hale gi bei dagodo o Rachel ma Leah, luu haahine ne hagadili ai de gau Israel. Koe gi se dangada e lava i Ephrathah ma de hagadeledele danuaa doo ingoo i Bethlehem.

Genesis 48:20

Gai ia ga hagamanuuia gilaau i de laangi laa, ga hagadaba, “De gau Israel e hagamanuuia naa, ga hagataba, ‘De Maadua gi haia goe gi bei Ephraim ma Manasseh.’ ” Gai ia ne hai Ephraim gi maolunga ange i Manasseh.

Psalm 102:8

Ogu hagadaumee e hagangadi mee au mai i taiao ga boo ai; dangada e hakadanga i de au e hai dogu ingoo gi se muna hagamalaia.