Jeremiah 29:19 - De Beebaa Dabu

¹⁹ Go hiidinga gilaadeu tee hagallongo mai gi agu muna, go Tagi Maolunga e hagadaba; go muna aagu tee modu de tala ange gi gilaadeu, i daho ogu dangada hai hegau go denga pelaabisi. Aagai goodou tee llodo e hagallongo alaadeu muna, go Tagi Maolunga e hagadaba.

Jeremiah 29:19 Referans Kwoze

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Jeremiah 26:5

ma de hagallongo ange gi muna a ogu dangada hai hegau go denga pelaabisi, aagu gu dee modu laa de hai gi loadu gi oodou daha, aagai goodou tigi hagallongo ange donu gi gilaadeu;

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Jeremiah 34:17

Deenei ai, e hagadaba Tagi Maolunga: Goodou tee hagallongo mai gi de au; dahi ma dahi tee dugu gi hulo oodou dangada. Deenei ai, au e dugu ange naa goodou gi de gadilaasa, ma de mee hagamaakau, aama de onge, go Tagi Maolunga e hagadaba. Au e hai naa goodou gi se mee hagamaatagu ange gi denga nohoanga hodooligi o henua i lalo alodahi.

Jeremiah 32:33

Gilaadeu gu huuhuli mai olaadeu dua gi de au e dee go olaadeu mada; gai e dee galemu donu tee modu dagu agoago ange gilaadeu, aagai gilaadeu e dee hagallongo mai aabe daohi agu haelenga.

Jeremiah 7:13

De masavaa oodou e hai ai mee nei alodahi, go Tagi Maolunga e hagadaba, au tee modu de basa adu gi goodou, aagai goodou tee hagallongo mai; au ne hagahi goodou, aagai goodou tee pasa mai.

Jeremiah 25:8

Deenei ai, e hagadaba Tagi o denga hagabuulinga hebagi: Go hiidinga goodou tee hagallongo mai gi agu muna,

Jeremiah 44:3

go hiidinga baubau alaadeu ne hai ga lili ai au, i delaadeu dudu denga mee maanongi ma de daumaha ange gi denga diinonga alaadeu ma olaadeu dubuna tigi iloo.