Jeremiah 29:17 - De Beebaa Dabu

¹⁷ aanei muna a Tagi o denga hagabuulinga hebagi adu gi goodou: Au e gaamai naa de gadilaasa, ma de onge aama de mee hagamaakau e hai baasi ange ai gi gilaadeu. Au e hai naa gilaadeu bei hua o de fig gu hakino gee laa ma gu dee maua i de gai.

Jeremiah 29:17 Referans Kwoze

Jeremiah 29:18

Au e doolohi naa gilaadeu i de gadilaasa, ma de onge aama de mee hagamaakau, ma de hai gilaadeu gi se mee hagamaatagu ange gi denga nohoanga hodooligi alodahi o henua i lalo, gai gi se mee hagamalaia, aama de mee hagamaatagu, ma de llele ai mouli o dangada, ma de hagangadi mee ina i daho denga huaahenua aagu e hai gilaadeu gi hulo aagena.

Luke 21:23

Gai e vakaa naa denga haahine hai tama, ma gilaadeu e haau alaadeu gaagaa i laangi laa! Gai de hai ngadaa laumalie e dae mai gi honga henua i lalo ma de bole e hai baasi ange ai gi de huaadangada nei.

Luke 21:11

Gai e hagangalungalue naa de henua, gai de onge ma denga mee hagamaakau e hai naa i denga mommee. Gai e hai naa hogi denga mee hagamaatagu ma hagailonga hagalele mouli i lo te langi.

Jeremiah 52:6

Gai ssiva laangi huu o de haa malama o de ngadau laa, gai gu kona de onge i lo te aduhale laa, gu deai gai a dangada.

Jeremiah 43:11

Ia e humai naa ga hebagi ange gi de henua go Egypt; ga daa gi maakau dangada gu hagamodu laa bolo e maakau i de mee hagamaakau, ma de kave dangada gu hagamodu laa bolo e kave gee i de henua, gai dangada gu hagamodu laa bolo e daa gi maakau i de gadilaasa, e maakau i de gadilaasa.

Jeremiah 27:8

Gai noo dahi huaahenua be se nohoanga hodooligi e dee hai hegau ange gi Nebuchadnezzar, de hodooligi o Babylon, aabe e dee nnoho i lalo dono sauaa, gai au e hagaduasala naa de huaahenua laa i de gadilaasa, ma de onge, aama de mee hagamaakau, go Tagi Maolunga e hagadaba, ga dae ai gi dagu hai ia gi oohaa de huaahenua laa alodahi.

Revelation 6:8

Gai au ne galo age, ga gidee dahi hoosa mada tea, gai de ia e gage i ono elunga e hagaingoo ange go de Magau, gai Hades e daudali ange i de ia. Gai gu gaavange gi gilaau ssauaa e daa ai gi maakau e dahi diba i diba e haa o dangada i henua i lalo, i de gadilaasa, ma de onge, ma denga mee hagamaakau, aama denga manu alasala i honga de henua.

Jeremiah 32:24

Tilo, gu hagabudubudu age denga gelegele e hagadee kii ai de aduhale, gai de aduhale e hagadee kii ina naa i de gau Babylon e hebagi ange laa aagena, i hiidinga o de gadilaasa, ma de onge, aama de mee hagamaakau. Gai au muna ne tala gu hagassula donu, bei dau hai gu gidee ai naa.