Jeremiah 29:13 - De Beebaa Dabu

¹³ Goodou e ssala naa ga gidee e goodou au, noo goodou e hagammahi e ssala i oodou lodo alodahi.

Jeremiah 29:13 Referans Kwoze

Psalm 119:2

E manuuia gilaadeu e daohia ana muna, ma de ssala ia i olaadeu lodo alodahi,

Matthew 7:7

“Dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

Psalm 119:10

Au e ssala goe i ogu lodo alodahi; koe gi dee dugua ngau gi hano gee i au hainga!

Jeremiah 24:7

Gai au e hai naa gi iloo e gilaadeu i olaadeu lodo, bolo go au donu go Iahweh. Gai gilaadeu go ogu dangada, gai au go delaadeu Maadua, go hiidinga gilaadeu e aahe mai naa gi de au i olaadeu lodo alodahi.

Joel 2:12

E hagadaba Tagi Maolunga, “Goodou aahe mai gi de au iainei, i oodou lodo alodahi, goodou hagahiikai, ma de tangi, aama de daemaha oodou lodo.”

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Psalm 119:145

Tagi Maolunga, au e hagahi adu goe i ogu lodo alodahi; basa mai gi dagu dangidangi, gai au ga daudali i au hainga gu hagasauaa.

2 Chronicles 31:21

Gai ia ne hagadaga age i mee alodahi aana ne hai i de hale o de Maadua ma dono daudali i hainga ma muna gu tala ange, ma dana ssala de Maadua ga hai mee nei i ono lodo alodahi.

Psalm 119:58

Au e dangidangi adu i doo abodonu i ogu lodo alodahi; abodonu mai gi de au bei dagodo o au muna.

2 Chronicles 22:9

Gai ia ne hano ga ssala Ahaziah, gai ono daane ne poo Ahaziah i de masavaa oona e mmuni ai i Samaria. Gai gilaadeu ga gaamai ia gi daho Jehu ga daa ai ia gu magau. Gai gilaadeu ga danu ia, go hiidinga gilaadeu ne hagataba, “Ia se mogobuna niio Jehoshaphat, taane ne hagaduu ngae ga saalaa Tagi Maolunga i ono lodo alodahi.” Gai teai donu se dangada i de huaabodu o Ahaziah e mmahi i de sui ia e hodooligi ai.

2 Kings 23:3

Gai de hodooligi ne duu i gaogao tuludulu i kilaa ga hai dahi hagatoo donu hagaheloongoi i mada luu mada o Tagi Maolunga, bolo ia e daudali ange i Tagi Maolunga ma de daohi ana hainga, ma ana muna gu tala hagadonu ma gu hagasauaa, i ono lodo alodahi, ma dono hagasaalunga alodahi, ma de hai gi bei muna o de hagatoo donu hagaheloongoi gu sisi laa i lo te beebaa laa. Gai dangada alodahi ne hagatoo donu hogi bolo gilaadeu e daudali i de hagatoo donu hagaheloongoi laa.

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Psalm 119:69

De gau lodo maolunga e hagabaubau au i denga muna hhadu, aagai au e daohi au muna gu hagasauaa.

Jeremiah 3:10

Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.

1 Kings 2:4

gai Tagi Maolunga gi hagasula ina dana hagatoo donu mai gi de au, ‘Noo oo hagadiilinga e dagitilo delaadeu hai e mouli ai, ma de seesee i de muna abodonu i olaadeu lodo alodahi, ma olaadeu hagasaalunga alodahi i mada luoogu mada, gai e deai naa donu se masavaa e deai se dangada mai i doo hagadiilinga e hodooligi i honga Israel.’

Psalm 32:6

Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

Acts 8:36

Gai ga hulo huu gilaau ga tae gi gaogao dahi vai, gai de eunuch ga hai ange, “Tilo, deenei dahi vai! Gai se aha e buibuia dogu babudaisi?” [

1 Chronicles 22:19

Gai goodou hagammahi saalaa Tagi Maolunga doodou Maadua i oodou lodo ma oodou hagasaalunga alodahi. Goodou ga daamada de hagaduu de mommee dabu o Tagi Maolunga de Maadua, gi maua ai e goodou i de gaamai de ngavesi o de hagatoo donu hagaheloongoi a Tagi Maolunga ma denga goloa dabu o de Maadua gi lo te temple oodou e hagaduu ange gi de ingoo o Tagi Maolunga.”

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Isaiah 45:19

Au tee tala hagammuni mee nei aabe ne tala i lo te gohu; au tee hai ange gi hagadiilinga o Jacob, ‘Saalaa au i dahi ngadi mommee.’ Go au Iahweh, au e tala de muna abodonu; au e tala de mee heohi.

Psalm 145:18

Tagi Maolunga e baa ange gi gilaadeu e hagahia ange ia; go gilaadeu alodahi e hagahia ia i de muna abodonu.

Isaiah 65:10

Sharon e hai naa ga se mommee iai helii ange gi denga hagabuulingaa ssiibi, gai de geelonga o Achor gu se mommee hagammabu niio denga manu, ange gi ogu dangada e saalaa mai au.

Jeremiah 50:4

Laangi laa i de masavaa laa, go Tagi Maolunga e hagadaba, gai de gau Israel ma dangada o Judah e hagabuni naa ma de tangi ga hulo ai ga ssala Tagi Maolunga delaadeu Maadua.