Jeremiah 28:4 - De Beebaa Dabu

⁴ Gai au e hagaahe mai naa hogi gi kinei Jehoiachin tama daane a Jehoiakim, go de hodooligi o Judah, aama dangada alodahi ne gaavee gee laa i Judah ga kave gi Babylon, go Tagi Maolunga e hagadaba. Go hiidinga au e hhadi naa de laagau hagahai hegau a de hodooligi o Babylon.”

Jeremiah 28:4 Referans Kwoze

Jeremiah 22:24

Au e hagatoo donu i dogu mouli, go Tagi Maolunga e hagadaba, e dee galemu donu koe, Jehoiachin tama daane a Jehoiakim, de hodooligi o Judah e bei de buulei i dogu lima, gai au e unusi mai naa donu goe i dogu lima.

Jeremiah 28:2

“E hagadaba Tagi o denga hagabuulinga hebagi, de Maadua o Israel: Au e hhadi naa de laagau hagahai hegau a de hodooligi o Babylon.

Jeremiah 24:1

Dua huu de kave gee a Nebuchadnezzar, de hodooligi o Babylon Jehoiachin, tama a Jehoiakim, de hodooligi o Judah, ma dagi o Judah, ma labagau o denga laagau ma baalanga, mai i Jerusalem ga kave gi Babylon, gai tilo, Tagi Maolunga ne hagaago mai gi de au e dahi midi: au ne gidee e lua gede e hhao ai denga hua fig e daakodo i ma te temple o Tagi Maolunga.

Nahum 1:13

Iainei gai au e hhadi naa delaadeu laagau hagahai hegau ga aau gee i doo ua, ma de duuduu oo mee noonoa ga tili.”

Jeremiah 30:8

De laangi laa, go Tagi o denga hagabuulinga hebagi e hagadaba, gai au e hhadi naa de laagau hagahai hegau i honga olaadeu eu, ma de tala olaadeu mee noonoa; de gau henua gee gu dee hagahai hegau gilaadeu.

Jeremiah 28:10

Gai de pelaabisi go Hananiah ne aau de laagau hagahai hegau e dau laa i honga de eu o Jeremiah ga hhadi.

Jeremiah 24:5

“E hagadaba Tagi Maolunga, de Maadua o Israel: Gai e bei denga fig danuaa nei, au e hagabinga bolo dangada gu gaavee gee laa i Judah e danuaa, go gilaadeu aagu gu hai gi hulo gee mai i de mommee nei, gi de henua o de gau Babylon.

Jeremiah 22:10

Goodou aude tangi i de hodooligi gu magau laa, be gi hinangalosaa i de ia; aagai goodou gi tangi i tangada gu gaavee laa gi dahi henua gee, go hiidinga ia e dee ahe mai naa donu aabe e ahe ange e gidee dono henua donu.

Jeremiah 2:20

Madagidagi loo gai koe ne hhadi de laagau hagahai hegau i honga doo eu ma de duuduu oo mee noonoa; aagai koe ne hagadaba, ‘Au e dee daumaha adu donu gi de goe!’ Gai koe ne dahulinga baubau i honga mommee maolunga alodahi ma lalo o denga manu ssomo alodahi bei dagodo o de hine hai be se manu.

Isaiah 9:4

Go hiidinga koe gu hadihadi de laagau e hagahai hegau aana e hagauda, ma togo i honga dono eu, go de laagau a de ia e vaivai haia gilaadeu, bei de laangi aau ne hagadee kii ai de gau Midian.

Genesis 27:40

Koe e mouli naa i dau gadilaasa, gai koe e hai hegau ange naa gi doo daina daane. Aagai de masavaa naa huu oou e huli ange ai gi de ia, gai koe e hadihadi naa dana laagau gu hagauda adu gi honga doo eu.”

Jeremiah 27:8

Gai noo dahi huaahenua be se nohoanga hodooligi e dee hai hegau ange gi Nebuchadnezzar, de hodooligi o Babylon, aabe e dee nnoho i lalo dono sauaa, gai au e hagaduasala naa de huaahenua laa i de gadilaasa, ma de onge, aama de mee hagamaakau, go Tagi Maolunga e hagadaba, ga dae ai gi dagu hai ia gi oohaa de huaahenua laa alodahi.

Leviticus 26:13

Go au donu go Iahweh doodou Maadua, go au ne hagassao ina mai goodou i de henua go Egypt, gi dee hai hegau ange ai goodou gi de gau Egypt; au gu hadihadi denga laagau hagahai hegau i honga oodou eu, ga hai gi maua e goodou i de tuu gi ssoe gi lunga ga seesee ai.

2 Kings 24:14

Ia ne noonooa hogi dangada alodahi ga kave gee i Jerusalem: de gau aamua ma denga daane hebagi dau, ma labagau o laagau ma baalanga, gai e dahisemada taelodo o de gau nei alodahi. Gai go de gau hagaau aloha donu huu e doe i kilaa.

Jeremiah 13:19

Denga aduhale i ngaage e pono naa, gai e deai naa donu dangada e huugea. Dangada o Judah alodahi gu gaavee gee i de henua, gai gu odi alodahi dangada i de gaavee gee.

Jeremiah 29:1

Aanei muna i lo te leda a de pelaabisi go Jeremiah ne kave mai i Jerusalem gi denga daane maatua e doe, ma de gau haimeedabu, ma denga pelaabisi, aama dangada alodahi a Nebuchadnezzar ne noonooa i Jerusalem ga kave gi Babylon.

Jeremiah 29:2

(Mee nei ne hai i dua de gaavee gee o de hodooligi go Jehoiachin, ma dono dinana, ma denga eunuch, ma dagi o Judah ma Jerusalem, ma labagau o denga hadu ma labagau o denga baalanga mai i Jerusalem.)