Jeremiah 27:14 - De Beebaa Dabu

¹⁴ Goodou aude hagalaangona muna a denga pelaabisi e hai adu naa, ‘Goodou e dee hai hegau ange naa donu gi de hodooligi o Babylon.’ Go hiidinga gilaadeu e hadu muna adu gi goodou.

Jeremiah 27:14 Referans Kwoze

Jeremiah 14:14

Gai Tagi Maolunga ne hai mai gi de au, “Denga pelaabisi e pasa pelaabisi naa i dogu ingoo, ni daane hadu muna. Gai e dee go au donu ne haia gilaadeu gi loadu, au tee hili hogi gilaadeu, aabe gu basa ange gi gilaadeu. Gilaadeu e tala adu gi goodou hanu midi hhadu, ma de tala mee e loomai e deai haigamaiana, gai e daahanga donu huu gilaadeu.

Jeremiah 23:21

E dee go au ne haia gi loadu denga pelaabisi naa, aagai gilaadeu ne saavini adu donu i gilaadeu. Au tigi basa ange donu gi gilaadeu, aagai gilaadeu gu pasa pelaabisi.

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Philippians 3:2

Goodou dagidiiloo denga gaaduu ma gilaadeu e haia de baubau, aama gilaadeu e duuduudia olaadeu angaanga.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Micah 2:11

Noo tangada hadu muna ma de daahanga dangada e hai adu, “Au e tala pelaabisi bolo koe e lagolago naa au uvaini ma mee mmahi,” gai ia e hai naa go delaadeu dangada agoago.

Jeremiah 28:15

Gai de pelaabisi go Jeremiah ga hai ange gi de pelaabisi go Hananiah, “Hananiah, e dee go Tagi Maolunga donu ne haia goe gi humai, gai koe gu hai dangada gi hagadonusia hanu muna hhadu.

Jeremiah 23:25

Au gu langona muna a denga pelaabisi hadu muna e tala i dogu ingoo, ma e hagataba, ‘Au gu hai dahi midi! Au gu hai dahi midi!’

Jeremiah 37:19

I hee iai oodou pelaabisi e pasa pelaabisi laa ma e hai adu, ‘De hodooligi o Babylon e dee humai naa donu e hebagi adu gi goodou aabe go de henua nei’?

Jeremiah 38:22

Denga haahine alodahi e doe i de hale o de hodooligi o Judah, e dagi naa ga kave gi denga dagi i lalo o de hodooligi o Babylon. Gai denga haahine e hai adu naa gi de goe: ‘Oo soa aau e hagadonu naa gu dagi gee goe; gilaadeu gu maua i de hagasenga goe. Gai luoo vae gu ssege gi lo te bela; gai gilaadeu gu tili goe.’

Lamentations 2:14

Oo pelaabisi ne gidee denga midi hagaago ange hadu muna ga daahanga ai dangada; gilaadeu tee hagaago adu oo baubau gi hagaahea mai ai goe gi de henua, aagai gilaadeu ne hagassenga goe i denga muna pelaabisi ga dagi gee ai goe.

Zechariah 10:2

Denga diinonga e dee tala de muna abodonu, de gau e daalaa mee e loomai e hadu muna; gilaadeu e tala denga midi dee heohi, alaadeu muna hagaaneane e deai haigamaiana. Deelaa ai, dangada gu ssenga saele bei denga ssiibi; gilaadeu gu duasala i hiidinga gu deai selaadeu hagaloosi.