Jeremiah 25:37 - De Beebaa Dabu

³⁷ De mommee malino iai helii gu ngadi dagodo, i hiidinga de kona de bole o Tagi Maolunga.

Jeremiah 25:37 Referans Kwoze

Isaiah 32:14

Denga hale danuaa e ngadi daakodo naa, de aduhale nogo hagalongaa laa e deai naa dangada iai; denga hale buibui makaga ma hale dagitilo e hai naa ga se vao, ga hano ai, gai se mommee e malangilangi ai denga donkey, ma de mommee e haangai ai denga hagabuulingaa ssiibi;

Hebrews 12:29

go hiidinga taadeu Maadua e bei de ahi ula e duungia mee alodahi.

Psalm 97:1

Go Tagi Maolunga e hodooligi; henua i lalo gi lodo danuaa, gai mommee lagolago i tagudai gi malangilangi.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Jeremiah 13:20

Dangage age diiloo dangada e loomai laa i ngaiho. Gai i hee iai de hagabuulingaa ssiibi gu gaavadu gi de goe, go de hagabuulingaa ssiibi oou e basa hagasoenga ai laa?

Jeremiah 25:36

Hagalaangona adu leo o de gau hagaloosi e tangi ai, ma de tangi ssee o dagi o de hagabuulingaa ssiibi! Go hiidinga Tagi Maolunga gu oha delaadeu mommee iai helii.

Jeremiah 12:10

De gau hagaloosi soa e oha naa dagu veelengaa grape, ma gu dagadagahi dogu alahenua; gilaadeu e hai naa dogu alahenua mahamaha gi se mommee e ngadi dagodo.