Jeremiah 25:33 - De Beebaa Dabu

³³ Gai dangada a Tagi Maolunga e daa ga maakau i de laangi laa e gidee mai loo i dahi bido o henua i lalo ga dae ai gi de bido laa. Gai e deai naa donu dangada e tangi i gilaadeu aabe e hagabudulia gilaadeu ga danumia. Gai gilaadeu e bei naa denga duudae e daakodo saele laa i honga de gelegele.

Jeremiah 25:33 Referans Kwoze

Isaiah 66:16

Gai Tagi Maolunga e hagaduasala naa dangada alodahi i de ahi ma dana gadilaasa, gai e soa naa dangada a Tagi Maolunga e daa ga maakau.

Jeremiah 8:2

Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele.

Psalm 79:3

Gilaadeu gu llingi denga dodo bei denga vai i Jerusalem alodahi, gai gu deai donu dangada e danumia de gau maakau.

Isaiah 5:25

Deelaa ai, Tagi Maolunga gu lili mmao i ono dangada, gai ia ne hagaabo dono lima ga daa gilaadeu gu maakau. Denga mounga gu ngalungaalue; de gau maakau gu daakodo saele i honga denga haiava bei denga gainga. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Revelation 11:9

Gai dangada i denga huaadangada ma aamuli alodahi ma dangada e pasa i denga hagadaagangaa muna, ma denga huaahenua alodahi e loomai naa ga haina angaanga o luu daane gu maakau laa i e dolu ma de bido laangi, gai gilaadeu tee llodo donu e dugu ange dangada gi danumia olaau angaanga.

Zephaniah 2:12

“De gau Ethiopia, goodou e bei naa hogi olaadeu dagodo, goodou e daa naa ga maakau i de gadilaasa.”

Psalm 83:10

go dangada ne maakau i Endor, olaadeu angaanga gu bei denga duudae pobo i honga de gelegele.

2 Kings 9:37

Gai de angaanga o Jezebel e bei naa denga duudae e daakodo saele laa i tua de aduhale go Jezreel, gai e deai naa donu se dangada e madea ia, ga hagadaba, ‘Deenei Jezebel.’ ”

Ezekiel 29:5

Gai au e maga naa goe gi de vao, madali denga mamu alodahi mai i lodo oo saalingaa vai. Koe e daia naa ga magau i lo te duu malaelae gai koe e dee danu naa donu aabe hagabudu oo ivi. Au e gaavange naa oo kano e gai denga manu dolodolo ma manu llele.

Ezekiel 21:11

De gadilaasa gu hagamodu e hakaa, ma de poo i de lima; gai gu hakaa ma gu hagamalamalama, gu baba ange e poo i de lima o de ia daa dangada.

Ezekiel 29:4

Au e hai naa denga maadau ga hagalau ai doo ngudu, ga hai denga mamu i lodo oo saalingaa vai gi pigi adu gi oo unahi, gai au e dada age naa goe i lodo oo saalingaa vai, madali denga mamu e pigi adu naa gi oo unahi.