Jeremiah 25:31 - De Beebaa Dabu

³¹ De leo o de hellumi gu dae loo gi de bido laa o henua i lalo, go hiidinga Tagi Maolunga gu hagabaubau denga huaahenua. Ia e hagamodu naa muna o dangada alodahi; ma de daa gi maakau de gau baubau i de gadilaasa,’ ” go Tagi Maolunga e hagadaba.

Jeremiah 25:31 Referans Kwoze

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Joel 3:2

Au e hagabuni mai naa denga huaahenua alodahi gi de Geelonga o Jehoshaphat. Gai au ga hagamodu ai olaadeu muna i kilaa, i hiidinga o dogu boolonga, go dangada o Israel, go hiidinga gilaadeu ne hai ga mavaevae saele ogu dangada gi denga huaahenua, ma de vaevae dogu henua.

Micah 6:2

Denga mounga, hagalaangona muna a Tagi Maolunga e hagabaubau ai goodou; denga dagelo o henua i lalo e daakodo laa ga hano ai, goodou hagalaangona. Go hiidinga Tagi Maolunga e dahi ana mee e hai baasi ange ai gi dono huaadangada; ia e hagadaumee ange donu gi Israel.

Isaiah 66:16

Gai Tagi Maolunga e hagaduasala naa dangada alodahi i de ahi ma dana gadilaasa, gai e soa naa dangada a Tagi Maolunga e daa ga maakau.

Hosea 12:2

Tagi Maolunga e dahi ana mee e hagabaubau ai Judah, ia e hagaduasala naa Jacob gi bei dagodo o ana haingaa mee, ma de hagao ange ia gi bei dagodo o ana hegau.

Isaiah 34:8

Go hiidinga Tagi Maolunga e dahi ana laangi e sui ange ai alaadeu hegau, gai se ngadau e sui ange ai alaadeu hegau i hiidinga o Zion.

Ezekiel 38:22

Gai au e hagaduasala naa ia i denga mee hagamaakau, ma de daa ono dangada gi magau; au e hai naa hogi gi pala iho de langi maadolu, ma denga dibadibaa haisi aama denga maga ahi ula gi ono elunga ma honga ono hagabuulinga hebagi aama honga o denga huaadangada soa madali ia.

Jeremiah 45:5

E aha, koe e hagammahi naa e ssala gi maua e goe hanu mee lagolago? Aude saalaa mee naa. Tilo, au e hai naa gi humai de hai ngadaa gi honga o denga huaadangada alodahi, go Tagi Maolunga e hagadaba; gai au e hagaola naa doo mouli, go de hagaoanga aau e mau i de hebagi i mommee alodahi oou e hano aagena.’ ”

Isaiah 33:3

Doo leo mmahi e hai ga saavini dangada ga hulo; denga huaahenua e mavaevae saele i doo hidi age.

Jeremiah 2:35

gai koe e hagadaba, ‘Au tigi haisala donu; ia e dee lili donu i de au.’ Tilo, au e hagaduasala naa goe i hiidinga koe e hagadaba, ‘Au tigi haisala donu.’

Isaiah 34:2

Tagi Maolunga gu lili i denga huaahenua alodahi, ma de bole mmao i olaadeu hagabuulinga hebagi. Ia e hai naa gi daia gilaadeu gi odi i de maakau; ia e hai naa gi daia gilaadeu gi maakau.

Jeremiah 23:19

Tilo, de madangi a Tagi Maolunga gu dau mai, gai gu salulu mai i dono bole, bei dagodo o ssio e hano iho laa gi honga o de gau baubau.

Ezekiel 30:3

De laangi laa gu baa mai donu, de laangi o Tagi Maolunga gu baa mai donu; se laangi e hagausinga ina, gai se laangi hagamaatagu ange gi denga huaahenua.