Jeremiah 25:30 - De Beebaa Dabu

³⁰ Deenei ai, basa pelaabisi daalaa muna nei alodahi hai baasi ange gi gilaadeu, ga hai ange: ‘Tagi Maolunga e haganngolo mai naa i de mommee maolunga, ma de basa mai i dono mommee noho dabu. Ia e hagangolo mai naa i de leo mmahi e hai baasi ange gi dono henua. Ia e oo naa bei dangada e dagadagahia laa denga grape, ga hai baasi ange gi dangada alodahi e nnoho i henua i lalo.

Jeremiah 25:30 Referans Kwoze

Amos 1:2

Ia ne hagadaba: “Tagi Maolunga e hagangolo mai i Zion, ma de basa mai i Jerusalem bei de babaa o de hatuli; mommee iai helii a de gau hagaloosi manu e tangi naa, gai ulu de mounga go Carmel e mmae naa.”

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Isaiah 42:13

Tagi Maolunga e humai naa bei taane dau i de hebagi, ia e bei naa taane hebagi e hagammahi laa ia; ia e oo i de masavaa o de hebagi, ma de hagadee kii ono hagadaumee.

Isaiah 16:9

Gai au e dangi bei de dangi o Jazer, i hiidinga o de grapevine o Sibmah. Heshbon, Elealeh, au e hai gi ssali adu ogu loimada gi ooluu elunga! De malangilangi o dangada i de lleu o denga huamanu aama de malangilangi i masavaa o de hagihagi gu dee langona.

Revelation 19:15

Gai ia e hagadee kii denga huaahenua i de gadilaasa kangi baasi lua e sao mai laa i lo tono ngudu, ma de dagi gilaadeu i togo iron. Gai ia e dagadagahi naa denga grape ga hai gi ssali mai ai uvaini o de bole laumalie o de Maadua Mmahi Mmao laa.

Zechariah 2:13

Dangada alodahi, goodou gi dee mmuu i mada luu mada o Tagi Maolunga, go hiidinga ia gu daamada ana hegau i dono mommee noho dabu.”

Amos 3:8

De laiono gu haganngolo — gai goai naa e dee madagu? De Ia Aamua go Iahweh gu basa — gai goai naa e maua i tee basa pelaabisi?

Hosea 5:14

Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Jeremiah 48:33

Gai gu deai se malangilangi be se lodo danuaa i gelegele e doo ai manu i de henua o Moab. Au gu hai gi deai uvaini i mommee e kumi ai uvaini; gu deai hogi dangada e dagadagahia denga grape ma de malangilangi i kilaa; Gai dangada e oo, gai e dee se oo i delaadeu malangilangi.

Jeremiah 17:12

De nohoanga mahamaha, se mommee hagaamua mai i taamada age, go taadeu mommee daumaha dabu.

Psalm 132:14

“Deenei dogu mommee noho ga hano ai; go kinei oogu e noho ai i hiidinga go de mommee oogu e lodo ai.

Psalm 78:65

Gai de Ia Aamua gu alahage ange hogi, bei dagodo o taane mmahi e oo laa i dono senga.

Psalm 58:5

de labodo laa e dee langona taahili hagadala, aabe go taahili a tangada e haia helau.

Psalm 11:4

Tagi Maolunga e noho i lo tono temple dabu; Tagi Maolunga e noho i honga dono nohoanga i de langi. Luoono mada e daumada; luoono mada e hagatale dagodo hegau a dangada.

2 Chronicles 30:27

Gai de gau haimeedabu ma daane de aamuli o Levi ga tuu age ga hagamanuuia dangada, gai olaadeu leo ma alaadeu dalodalo gu tae age gi de nohoanga dabu o de Maadua.

1 Kings 9:3

Gai Tagi Maolunga ne hai ange gi de ia: “Au gu langona dau dalodalo ma dau dangidangi gu hai i mada luoogu mada; au gu hagadabu hogi de hale aau gu hagaduu nei e dugu ai dogu ingoo ga hano ai. Luoogu mada ma ogu lodo gu i kilaa i masavaa alodahi.

Deuteronomy 26:15

Gai koe gi galo iho mai i de langi, go doo mommee noho dabu, ma gi hagamanuuia ina gimaadeu doo huaadangada, go de gau Israel ma de gelegele aau gu gaamai gi gimaadeu, se henua iai vai uu ma hooni lagolago, bei dau hai gu hagatoo donu ange ai gi omaadeu dubuna madagidagi.”

2 Samuel 15:25

Gai de hodooligi ne hai ange gi Zadok, “Hagaahea de ngavesi a de Maadua gi de aduhale. Gai noo Tagi Maolunga e abodonu mai gi de au, gai ia e hagaahe mai naa donu au, gai au e gidee ange naa de ngavesi ma dono mommee noho.

Psalm 46:6

Denga huaahenua gu hellumi, denga nohoanga hodooligi gu baakuu; gai henua i lalo e vaivai i dono masavaa e basa ai.

Isaiah 33:3

Doo leo mmahi e hai ga saavini dangada ga hulo; denga huaahenua e mavaevae saele i doo hidi age.

Jeremiah 25:38

Ia gu bei dagodo o de laiono e hano gee laa i dono hale, gai delaadeu henua gu maoha ma gu ngadi dagodo, i hiidinga o de gadilaasa a tangada daa dangada, ma hiidinga o de lili o Tagi Maolunga.

Hosea 11:10

Gilaadeu e daudali ange naa i Tagi Maolunga, ia e oo naa bei de laiono e goo laa; uaa, ia e oo naa bei de laiono e goo laa, gai ono dangada e bolebole naa ga loomai ai i dai.