Jeremiah 25:27 - De Beebaa Dabu

²⁷ “Gai koe hai ange gi gilaadeu, ‘E hagadaba Tagi o denga hagabuulinga hebagi, de Maadua o Israel: Goodou unumia, gi ssenga ai goodou ma de hagalueia, gai gi baakuu ai goodou gi dee aahe ange gi hiihidi age, i hiidinga o de gadilaasa aagu e hai gi humai gi oodou magavaa.’

Jeremiah 25:27 Referans Kwoze

Habakkuk 2:16

Koe e dogaa naa, e dee hagadubulia. Koe gi hagaunu ina donu huu goe, ma de hai gi gilisau goe! De ubu mai i de lima madau o Tagi Maolunga e hagadige mai naa gi de goe, gai doo hagadubu e sui naa ga se hagangadi mee!

Jeremiah 25:16

Gai ga unumia naa huu e gilaadeu, gai gilaadeu gu ssee saele ma de ssenga, i hiidinga o de gadilaasa aagu gu hai gi hano gi olaadeu magavaa.”

Lamentations 4:21

De gau Edom, goodou malangilangi ma de llodo danuaa, go goodou e nnoho i de henua go Uz. Aagai de ubu o de hagaduasala e gaavadu naa hogi goodou gi unu ai; gai goodou e unu naa ga ssenga ga hagaui oodou malo.

Isaiah 51:21

Deenei ai, goodou gu hagaduasala ina, hagalaangona muna nei, goodou gu ssenga, gai tee senga i uvaini:

Jeremiah 50:35

Dahi gadilaasa e hai baasi ange naa gi de gau Babylon! go Tagi Maolunga e hagadaba, gai e hebagi ange gi dangada e nnoho i Babylon, ma ono dagi aama ono daane heiangi!

Jeremiah 46:14

“Daalaa ange gi Egypt gai hagailoo ina i Migdol; hagailoo ina hogi i Memphis ma Tahpanhes, hai ange, ‘Goodou tuu mage hagadabena, go hiidinga de gadilaasa e daa naa dangada i oodou gaogao.’

Jeremiah 46:10

Aagai de laangi laa se laangi niio de Ia Aamua, Tagi o denga hagabuulinga hebagi — se laangi e sui ange ai hegau baubau, ma de hagaduasala ai ono hagadaumee. De gadilaasa e daa naa dangada ga dae ai gi de dae ono lodo, ma de unu dodo o ono hagadaumee ga dae ai gi dono bosu. Go hiidinga de Ia Aamua, Tagi o denga hagabuulinga hebagi, e hai naa dahi sigidaumaha i de henua i ngaiho i gaogao ssaalingaa vai go Euphrates.

Jeremiah 12:12

De gau e oohaa mee gu nnoho i mommee maolunga alodahi i de vao, e deai laa mee e ssomo ai, gai de gadilaasa a Tagi Maolunga e oha naa de henua mai i dahi bido ga dae ai gi de bido ange laa; gai gu deai dangada e maua gi ola.

Isaiah 63:6

Au ne dagadagahi denga huaahenua i dogu lili, gai ne hai gilaadeu gi ssenga i dogu bole; au ne llingi olaadeu dodo gi honga de gelegele.”

Deuteronomy 32:42

Au e hai naa dao o dagu mee hholu gi honu i denga dodo, gai dagu gadilaasa e duuduu naa dangada, ma de baalau i dodo o de gau maakau ma gilaadeu tee kii, aama de duuduu biho iai ngaangaaulu lloa o dagi o denga hagadaumee.”

Revelation 14:10

e unu naa hogi uvaini mmahi o de bole o de Maadua, e dee hilo laa ga llingi ange ai gi lo te ubu o dono lili. Gai ia e hagaduasala naa donu i de ahi ma denga sulfur, i madamada o denga dangada de langi dabu ma mada luu mada o Ssiibi Gauligi.

Jeremiah 13:13

gai koe ga hai ange, ‘E hagadaba Tagi Maolunga: Tilo, au e hai naa dangada alodahi e nnoho i de henua gi ssenga i de unu mee vii; go denga hodooligi e nnoho i honga de nohoanga o David, ma de gau haimeedabu, ma denga pelaabisi aama dangada alodahi e nnoho i Jerusalem.

Jeremiah 22:10

Goodou aude tangi i de hodooligi gu magau laa, be gi hinangalosaa i de ia; aagai goodou gi tangi i tangada gu gaavee laa gi dahi henua gee, go hiidinga ia e dee ahe mai naa donu aabe e ahe ange e gidee dono henua donu.

Jeremiah 51:39

Aagai de masavaa olaadeu gu ssae ai gai au e hagadabena naa dahi daonga ange gi gilaadeu, ga hai gilaadeu gu ssenga ma de malangilangi — ga dae ai gi delaadeu sseni ga hano ai gilaadeu gu dee alahage ange, go Tagi Maolunga e hagadaba.

Jeremiah 51:57

Gai au e hai naa ono dagi ma ono daane heiangi gi bei dangada gu unu laa ma gu ssenga, ma ono goobenaa, aama dagi o de hebagi, aama ono daane dau i de hebagi; gilaadeu e sseni naa ga hano ai gai e dee aalahage ange naa donu,” go de Hodooligi e hagadaba, dono ingoo go Tagi o denga hagabuulinga hebagi.

Nahum 3:11

Nineveh, koe e unu naa hogi ga senga, koe e hano naa ga mmuni ma de ssala doo mommee e buibui ai i de hagadaumee.

Amos 8:14

Gilaadeu e hagatoo donu i tiinonga hagadookaa o Samaria, be go de hagataba, ‘Dan, au e hagatoo donu i de mouli o doo diinonga,’ aabe go de hagataba, ‘Au e hagatoo donu i de mouli o tiinonga o Beersheba;’ gilaadeu e maakau naa donu, gai e dee aahe ange e hiihidi age.”