Jeremiah 25:18 - De Beebaa Dabu

¹⁸ go Jerusalem ma aduhale alodahi o Judah, ma denga hodooligi ma dagi i kilaa, gai ia ga oha ai mommee nei ga hai gi ngadi daakodo, ma de hai gi ni mommee hagamaatagu, ma de llele ai mouli o dangada aama de hagamalaia, bei delaadeu hai gu daakodo ai anailaa nei;

Jeremiah 25:18 Referans Kwoze

Jeremiah 44:22

Gai Tagi Maolunga tee maua i de golomagi ono lodo i hiidinga o oodou dahulinga baubau ma de hakino gee ne hai. Gai doodou henua gu se mommee e ngadi dagodo, gu se muna hagamalaia, ma teai dangada e nnoho ai, bei ono dagodo anailaa nei.

Jeremiah 24:9

Au e hai naa gilaadeu gi se mee hagamaatagu, ma de kino ai dangada, i denga nohoanga hodooligi alodahi o henua i lalo, gai gi se mee e hakadanga ai ma de pasa ai o dangada, gai gi se muna hagamalaia i henua alodahi, aagu e hai gilaadeu gi hulo aagena.

Psalm 60:3

Koe gu hai oo dangada gi gidee denga masavaa hai ngadaa; koe gu hai gimaadeu gi unumia uvaini gi ssee saele ai gimaadeu.

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”

Amos 2:5

Au e gaamai naa de ahi e dudu ai Judah gai e dudu naa donu gi deai mommee buibui makaga o Jerusalem.”

Daniel 9:12

De Maadua ne hagassula ana muna gu tala laa, e hai baasi mai ai gi gimaadeu ma omaadeu dagi, ne dagina gimaadeu, i dana gaamai dahi hai ngadaa laumalie gi gimaadeu. Gai tigi ai ange donu se hegau bee nei ne hai i lalo de langi, bei mee gu hai ange gi Jerusalem.

Jeremiah 25:11

Gai de henua nei alodahi e hai naa ga deai dangada e nnoho ai gai se mommee e ngadi dagodo, gai denga huaahenua nei e hai hegau ange naa gi de hodooligi o Babylon i e madahidu ngadau.

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Jeremiah 1:10

Tilo, anailaa nei gai au gu dugu adu gi de goe ssauaa i honga denga huaahenua ma denga nohoanga hodooligi, e unuunusi age ai ma de oha ai ma de hagadee kii, ma de hagatuu age aama de doo gi ssomo.”

Nehemiah 9:36

Tilo, anailaa nei gai gimaadeu gu ni dangada hai hegau, i honga de henua aau ne gaavange gi omaadeu dubuna madagidagi, gi maua ai e gilaadeu i de gai denga huamanu aama mee danuaa e ssomo ai. Uaa, gimaadeu gu ni dangada hai hegau.

Ezra 9:7

Mai i de masavaa o omaadeu dubuna madagidagi ga dae mai ai gi anailaa nei, gai gimaadeu gu kona mmao de haisala. Gai go hiidinga omaadeu haisala, gimaadeu ma omaadeu hodooligi, ma omaadeu dangada haimeedabu gu daia i de gadilaasa, ma de gaavee gee i de henua, gimaadeu gu gaiaadia omaadeu goloa, ma de hagadookaa ina i daho hodooligi o denga henua gee, bei omaadeu dagodo anailaa nei.

2 Kings 22:19

Go hiidinga koe gu dahuli oo lodo ma de hagamaolalo, i mada luu mada o Tagi Maolunga, i de masavaa aau ne langona ai agu muna ne tala, e hai baasi ange ai gi de mommee nei ma ono dangada, bolo gilaadeu e hagamalaia naa gai de mommee nei e hai naa ga ngadi dagodo, ma hiidinga dau ssae oo malo ma de dangi i mada luoogu mada — deenei ai, e hagadaba Tagi Maolunga: Au gu langona au muna.

1 Kings 8:24

koe ne daohi dau hagatoo donu ange gi doo dangada hai hegau go David, go dogu damana. Koe ne basa i doo ngudu, gai doo lima sauaa ne hagassula au muna anailaa nei.

Joshua 6:18

Aagai goodou kana ange gi dee gaavee e goodou denga mee gu hagamodu e oha, kana hagamalaia goodou i doodou kave hanu mee laa, gai goodou ga hai ai gi se mee e oha ma de gaamai de hai ngadaa gi de mommee nnoho gaainga.

2 Chronicles 29:8

Deelaa ai, Tagi Maolunga ne hagaduasala Judah ma Jerusalem i dono lili, ga hai gilaadeu gi se mee hagamaatagu, ma de llele ai mouli o dangada, bei doodou hai e gidee ai naa.

Isaiah 40:23

Ia e hai dagi o de henua gi ni ngadi mee, gai e hai de gau hagamodu muna i henua i lalo gi deai olaadeu haigamaiana.

Isaiah 65:15

Gai doodou ingoo e hai naa ga se mee hagamalaia ange gi dangada aagu gu hili; gai de Ia Aamua go Iahweh e daa naa goodou ga maakau, aagai ia e gaavange naa dahi ingoo hoou moo ogu dangada hai hegau.

Jeremiah 26:6

gai au e hai naa de temple nei gi bei dagodo o Shiloh, gai de aduhale nei gi se muna hagamalaia i daho denga huaahenua alodahi o henua i lalo.’ ”

Ezekiel 30:7

Gai delaadeu henua e ngadi dagodo naa madali denga henua gu ngadi daakodo laa, olaadeu aduhale alodahi e odi naa i de ngadi daakodo bei denga aduhale gu maoha laa.

Micah 6:16

Koe ne kana ange ga daohi hainga a Omri, ma hegau alodahi a de huaabodu o Ahab; goodou e daudali i alaadeu hagasaele. Deelaa ai, au e hai naa goe gi ngadi dagodo, gai oo dangada e hai naa ga llele mouli o dangada, ma de hagangadi mee ina daho dangada.”

Jeremiah 13:3

Gai Tagi Maolunga ga hagaago mai ana muna gi de au i de lua hanonga, ga hai mai,

Jeremiah 13:9

“E hagadaba Tagi Maolunga: De mee nnoa naa gu bei donu dagu hai e oha ai de mee o Judah e hagasoenga ai laa, aama de mee o Jerusalem e hagasoenga ai laa.