Jeremiah 25:14 - De Beebaa Dabu

¹⁴ Gai e soa naa huaahenua ma hodooligi maolunga e haia gilaadeu gi ni dangada e hai hegau ange gi gilaadeu. Gai au e hagao ange naa gilaadeu gi bei alaadeu hegau aama mee alaadeu gu hai.”

Jeremiah 25:14 Referans Kwoze

Jeremiah 51:6

Saavini hulo gee mai i Babylon! Tangada nei ma tangada nei gi hagaola ina dono mouli! Goodou gi dee maakau i hiidinga ono haisala. Deenei de masavaa a Tagi Maolunga e sui ange ai, aama de hagao ange ai de henua laa gi bei dagodo o ana hegau gu hai.

Jeremiah 50:9

Tilo, au e hai naa gi humai gi Babylon dahi hagabuulinga soa mai i denga huaahenua i ngaiho. Gai gilaadeu e hebagi ange naa gi de henua laa, gilaadeu e hagadee kii naa Babylon. Gai dao o alaadeu mee hholu e bei dagodo o denga daane hebagi e aabo i de tili, e dee ngadi aahe mai laa donu huu.

Jeremiah 27:7

Gai denga huaahenua alodahi e hai hegau ange naa gi de ia, ma dana dama daane, aama dono mogobuna, ga dae gi de odi de masavaa o dono henua. Gai muli mai naa huu gai denga huaahenua soa ma hodooligi mmahi e hai ia gi hai hegau ange gi gilaadeu.

Jeremiah 50:41

Tilo, dahi hagabuulingaa dangada e loomai naa i ngaiho; dahi huaahenua soa ma hodooligi soa, e loomai naa i luu bido o henua i lalo.

Daniel 5:28

Peres: Doo nohoanga hodooligi gu vvae lua ma gu gaavange gi de gau Media ma de gau Persia.”

Isaiah 66:6

Hagalaangona adu de hellumi o dangada i de aduhale, hagalaangona adu de hagalongaa o dangada i de temple! Go de leo o Tagi Maolunga e suuia ange hegau a ono hagadaumee.

Isaiah 14:2

Denga huaadangada e kave naa gilaadeu, ga hagaahe gi delaadeu mommee donu. Gai de gau Israel e henua naa i denga huaahenua, bei denga daane ma haahine hai hegau, i de henua o Tagi Maolunga. Gilaadeu e hagadee kii naa dangada ne hagadee kii ina gilaadeu ma de dagi gilaadeu nogo vaivai haia gilaadeu.

Psalm 137:8

Dangada o Babylon, gu hagamodu e daa gi maakau, e manuuia tangada e suuia adu oodou hegau ne hai mai gi gimaadeu.

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Isaiah 13:4

Hagalaangona adu, de hagalongaa mai honga denga mounga, bei de hevaalogi o dangada soa mmao! Hagalaangona adu, de hellumi o denga nohoanga hodooligi, bei de hagabuni o denga huaahenua! Tagi o denga hagabuulinga hebagi gu hagabuni dono hagabuulinga e hebagi.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.