Biblia Todo Logo
Bib sou entènèt

- Piblisite -




Jeremiah 25:11 - De Beebaa Dabu

11 Gai de henua nei alodahi e hai naa ga deai dangada e nnoho ai gai se mommee e ngadi dagodo, gai denga huaahenua nei e hai hegau ange naa gi de hodooligi o Babylon i e madahidu ngadau.

Gade chapit la Kopi




Jeremiah 25:11
23 Referans Kwoze  

tahi ngadau oona ne hodooligi ai, gai au ne daulia ange i lodo beebaa taelodo o ngadau o Jerusalem e ngadi dagodo ai, bei de hai a Tagi Maolunga gu tala ange ai laa gi de pelaabisi go Jeremiah, bolo taulooloa o de masavaa laa se madahidu ngadau.


Gai tangada de langi o Tagi Maolunga ga hagadaba, “Tagi o denga hagabuulinga hebagi, dee hee maa taulooloa doo dee degi ange gi Jerusalem ma denga aduhale o Judah, ma de golo age doo lili i ngadau e madahidu nei?”


“Siilia ange gi dangada o de henua ma de gau haimeedabu, hai ange, ‘E aha, de masavaa oodou ne hagahiikai ai ma de tangi i de lima ma de hidu malama i denga ngadau e madahidu gu hulo, goodou ne hagahiikai laa donu i ogu hiidinga?


Aagai dua naa huu de madahidu ngadau, gai au e hagaduasala de hodooligi o Babylon ma dono henua, go de henua o de gau Babylon, i hiidinga ono haisala, go Tagi Maolunga e hagadaba, gai e hai naa ga se mommee e ngadi dagodo ga hano ai.


E hagadaba Tagi Maolunga, “De henua alodahi e maoha naa ga ngadi dagodo, gai au e dee oha naa donu gi odi.


Au e oha naa gi maoha doodou henua, gai oodou hagadaumee e nnoho laa i kilaa, e llele naa olaadeu mouli i ono dagodo.


Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.


‘Mee nei e moolia naa donu ga gaavee gi Babylon ga dugu ai ga dae ai gi dagu aalu ga gaamai, go Tagi Maolunga e hagadaba. Gai au e hagaahe mai naa donu goloa laa gi de mommee nei.’ ”


Gai e hagadaba Tagi o denga hagabuulinga hebagi, de Maadua o Israel: Au e hagauda ange de mee hagahai hegau e hai i baalanga gi honga eu o denga huaahenua nei alodahi, ga hai gilaadeu gi hai hegau ange gi Nebuchadnezzar, de hodooligi o Babylon. Au e hai naa hogi ia gi dagina denga manu dolodolo i lodo henua.”


Gai e hagadaba Tagi Maolunga: De masavaa naa huu e odi ange ai de madahidu ngadau, gai au ga hanadu gi oodou daha, ga hagassula mee danuaa alodahi aagu gu hagatoo donu adu ai gi goodou, ga hagaahe mai goodou gi de mommee nei.


Gai koe ga hai ange gi gilaadeu: ‘E hagadaba Tagi o denga hagabuulinga hebagi, de Maadua o Israel: Tilo, au e aalu naa gi humai dogu dangada hai hegau go Nebuchadnezzar, de hodooligi o Babylon, gai au e hai naa ia gi hagaduulia dono nohoanga i honga denga hadu aagu gu velo nei gi lilo ange gi kinei; ia e hagaduu naa dono hale malo i honga mee nei.


Gai Tagi Maolunga tee maua i de golomagi ono lodo i hiidinga o oodou dahulinga baubau ma de hakino gee ne hai. Gai doodou henua gu se mommee e ngadi dagodo, gu se muna hagamalaia, ma teai dangada e nnoho ai, bei ono dagodo anailaa nei.


Henua i lalo e hai naa ga ngadi dagodo, i hiidinga o dangada e nnoho ai; mee nei ne hai i hiidinga o alaadeu hegau baubau.


Gai ia ne noonooa ga kave dangada e doe gi Babylon, go gilaadeu ne ola mai i de gadilaasa, gai gilaadeu gu hai ai olaadeu dangada hai hegau ma ana dama daane, ga dae ai gi de masavaa o de nohoanga hodooligi o Persia.


Au ne galo ange ga tilo, gai de henua iai hua lagolago gu se ngadi mommee; ono aduhale alodahi gu oha ma gu maoha i mada luu mada o Tagi Maolunga ma dono bole laumalie.


Ia gu bei dagodo o de laiono e hano gee laa i dono hale, gai delaadeu henua gu maoha ma gu ngadi dagodo, i hiidinga o de gadilaasa a tangada daa dangada, ma hiidinga o de lili o Tagi Maolunga.


Gai denga huaahenua alodahi e hai hegau ange naa gi de ia, ma dana dama daane, aama dono mogobuna, ga dae gi de odi de masavaa o dono henua. Gai muli mai naa huu gai denga huaahenua soa ma hodooligi mmahi e hai ia gi hai hegau ange gi gilaadeu.


Gai au e hagaabo naa dogu lima ga hai baasi ange ai gi gilaadeu, ma de oha de henua ga hai gi ngadi dagodo, i olaadeu mommee nnoho alodahi, mai i de vao ga dae ai gi Riblah. Gai gi iloo ai e goodou bolo go au donu go Iahweh.’ ”


Gai koe ga hai ange gi dangada o de henua: ‘E hagadaba de Ia Aamua go Iahweh i dagodo o dangada e nnoho i Jerusalem, i de henua o Israel: Gilaadeu e gai naa alaadeu gai ma de unu alaadeu vai i de manavasaa olaadeu lodo aama de maatagu, go hiidinga mee alodahi i delaadeu henua e gaavee gee naa, i hiidinga dangada e nnoho i kilaa ne vaivai hai dangada.


Gai e deai naa donu dangada, aabe ni manu dolodolo e seesee saele i kilaa; e deai naa hogi dangada e nnoho i kilaa i e madahaa ngadau.


Swiv nou:

Piblisite


Piblisite