Jeremiah 23:39 - De Beebaa Dabu

³⁹ deenei ai, tilo, au e poo naa goe ga tili gee goe mai i mada luoogu mada, go goodou ma de aduhale aagu ne gaavadu naa gi goodou ma oodou dubuna madagidagi.

Jeremiah 23:39 Referans Kwoze

Jeremiah 23:33

“Gai ga siilia adu naa huu e dahi dangada, be go dahi pelaabisi, aabe go dahi dangada haimeedabu, ga hai adu, ‘Aahee muna hagadaemaha a Tagi Maolunga?’ gai koe hai ange, ‘Ni muna hagadaemaha aha? Au e tili naa goodou, go Tagi Maolunga e hagadaba.’

Ezekiel 8:18

Deenei ai, au e hagaduasala naa gilaadeu i dogu bole; au e dee lodo aloha ange naa donu gi gilaadeu aabe hagaola gilaadeu. Gai ga kona naa donu delaadeu oo mai gi lodo luoogu dalinga, gai au e dee hagallongo donu gilaadeu.”

2 Thessalonians 1:9

Gai gilaadeu e hagaduasala donu i de hagaduasala e dee ngado mai, ma de tili gee mai i mada luu mada o Tagi Maolunga ma de mahamaha o dono sauaa mmahi,

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Hosea 5:14

Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Ezekiel 34:20

Deenei ai, de Ia Aamua go Iahweh e hai ange gi gilaadeu: Tilo, au e hagamodu naa muna o denga ssiibi pedi ma ssiibi panga.

Ezekiel 34:11

Gai e hagadaba de Ia Aamua go Iahweh: Tilo, au e ssala naa agu ssiibi, ga tilo ange gilaadeu.

Ezekiel 9:6

Daia gi maakau denga daane maatua, ma denga dama daane ma damaa hine, ma denga gauligi ma denga haahine, aagai goodou aude poo ange gi dangada gu lava laa i de maaga. Gai goodou daamada mai i de mommee dabu.” Gai gilaadeu ne daamada de daa denga dagi e tuu laa i ma te temple.

Ezekiel 6:3

ga hai ange, ‘Denga mounga o Israel, goodou hagalaangona muna a de Ia Aamua go Iahweh. Aanei muna a de Ia Aamua go Iahweh ange gi denga mounga ma duuduu, ma haonga iai vai ma geelonga: Tilo, au gu dai gaamai naa de gadilaasa gi hai baasi adu gi goodou, ma de oha oodou mommee daumaha.

Ezekiel 5:8

Deenei ai, e hagadaba de Ia Aamua go Iahweh: Tilo, ⌊Jerusalem,⌋ au e hai baasi adu donu gi de goe, au e hagaduasala naa donu goe i madamada o denga huaahenua.

Lamentations 5:20

Gu aha goe gu ngalo ai naa gimaadeu i masavaa alodahi? Gai gu aha gu daulooloa ai naa dau tili gimaadeu?

Jeremiah 52:3

Mee nei ne hai i hiidinga de lili o Tagi Maolunga i Jerusalem ma Judah, gai ia ne hai gilaadeu gi hulo gee mai i mada luoono mada. Zedekiah ne hai baasi ange gi de hodooligi o Babylon.

Jeremiah 36:31

Gai au e hagaduasala naa ia ma ono hagadiilinga, ma ono dangada hai hegau i hiidinga olaadeu baubau; au e hai naa gi humai gi gilaadeu alodahi ma dangada e nnoho i Jerusalem, ma dangada o Judah de hai ngadaa aagu gu tala bolo e hai ange gi gilaadeu, i hiidinga gilaadeu tee hagallongo agu muna.’ ”

Jeremiah 35:17

Deenei ai, e hagadaba Tagi Maolunga, de Maadua o denga hagabuulinga hebagi, de Maadua o Israel: Tilo, au e hai naa gi loomai denga hagaduasala alodahi aagu gu lava laa i de tala e hai baasi ange ai gi Judah ma dangada alodahi e nnoho i Jerusalem, go hiidinga au ne basa ange gi gilaadeu, aagai gilaadeu tee hagallongo mai; au ne hagaagahi gilaadeu, aagai gilaadeu tee pasa mai.”

Jeremiah 7:15

Au e alualu naa goodou gi hulo gee i mada luoogu mada, bei dagu hai ne hai ai oodou daina go dangada o Ephraim.

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

Isaiah 48:15

Go au, go au donu ne daalaa mee nei; go au ne hagahia Cyrus. Au e hai naa ia gi humai, gai ia ga hagassula de hegau gu gaavange ia gi haia.

Proverbs 13:13

Tangada e hagangadi mee ina laa muna bale e hagaduasala donu; aagai tangada e hagadubu ina denga hainga e kave naa dono hagaoanga.

Psalm 51:11

Koe gi dee aaua gee au i mada luoo mada, aabe gi gaavee gee doo Hagasaalunga Dabu mai i ogu daha.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Leviticus 26:28

gai au e hai baasi adu naa gi goodou i dogu lili, ma de hagaduasala goodou gi hidu hanonga e kii ange ai i hiidinga oodou haisala.

Genesis 6:17

Gai au e hai naa gi dolona honga henua i lalo e daa ai gi maakau mee alodahi e mouli ma e manamanava i lalo de langi. Mee alodahi i henua i lalo e odi naa i de maakau.

Genesis 4:16

Gai a Cain ga hano gee mai i mada luu mada o Tagi Maolunga ga hano ga noho i de henua go Nod, i baasi i dua o Eden.

Jeremiah 7:14

Deenei ai, agu mee gu hai ange laa gi Shiloh, gai au e hai ange naa hogi gi de hale e hagaingoo nei i dogu ingoo, go de temple oodou e tali ange naa aagena, gai go de mommee aagu gu gaavadu gi goodou ma oodou dubuna.

Jeremiah 12:7

Au gu tili dogu hale; au gu tili de huaahenua o dogu boolonga; au e dugu ange naa de ia oogu e aloha ai gi ono hagadaumee.

Jeremiah 23:38

Aagai noo koe e hagadaba, ‘Muna hagadaemaha a Tagi Maolunga,’ e hagadaba Tagi Maolunga: Go hiidinga goodou gu hagataba i muna nei, ‘Muna hagadaemaha a Tagi Maolunga,’ aagai au ne hai adu, ‘Goodou gi dee hagataba: Muna hagadaemaha a Tagi Maolunga,’

2 Kings 23:27

Gai Tagi Maolunga ga hagadaba, “Au e kave gee naa Judah mai i mada luoogu mada, bei dagu hai ne kave gee ai laa Israel. Au e tili naa Jerusalem, go de aduhale aagu gu hili, ma de temple aagu ne hagadaba laa, ‘Go kilaa iai dogu ingoo.’ ”