Jeremiah 23:35 - De Beebaa Dabu

³⁵ Gai goodou siilia ange gi tangada e baa adu gi goodou aama oodou dangada, hai ange, ‘Aahee muna a Tagi Maolunga ne basa mai ai?’ aabe ‘Aahee muna a Tagi Maolunga gu tala?’

Jeremiah 23:35 Referans Kwoze

Hebrews 8:11

Gai gu deai donu se gilaadeu e agoagona ange tangada e baa ange aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i tamaa gauligi ga dae ai gi tangada madua.

Jeremiah 42:4

Gai Jeremiah de pelaabisi ga hai ange gi gilaadeu, “Au gu langona oodou muna. Tilo, au e dalodalo ange naa gi Tagi Maolunga doodou Maadua bei oodou muna. Gai be aahee naa huu muna a Tagi Maolunga e basa adu ai gi goodou, gai au ga tala adu gi goodou. Au e dee hagammuni naa donu dahi muna daudahi i goodou.”

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”

Psalm 85:9

Ni muna abodonu, dana hagaola e dee mmao gee donu i gilaadeu e maatagu i de ia, gi dagodo ai de mahamaha o Tagi Maolunga i honga taadeu henua.