Jeremiah 23:29 - De Beebaa Dabu

²⁹ E aha, agu muna e dee bei dagodo o de ahi, go Tagi Maolunga e hagadaba, gai e bei hogi de haamaa e oha ai laa denga hadu?”

Jeremiah 23:29 Referans Kwoze

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

Jeremiah 5:14

Deenei ai, e hagadaba Tagi Maolunga, de Maadua o denga hagabuulinga hebagi: “Go hiidinga goodou gu tala muna nei, tilo, au e hai naa agu muna oodou e tala gi se ahi, gai de gau nei go lahhie e dudu laa i de ahi.

Luke 24:32

Gai gilaau ga hagadau ssili ga hagataba, “Tee langona iho e gidaau i odaau lodo, i de masavaa oona e basa mai ai gi gidaau i honga de haiava, ga hagadonu mai de Beebaa Dabu gi gidaau?”

Jeremiah 20:9

Aagai noo au e hagadaba, “Au e dee tala naa donu ono dagodo aabe e ahe ange e basa i dono ingoo,” gai ana muna i ogu lodo e bei de ahi ula, se ahi e pono ange i lodo ogu ivi; au gu dalea mmao i de daohi, ni muna abodonu, au gu dee maua i de daohi.

Revelation 11:5

Gai noo hanu e hagatale de hagalagolagohia gilaau, gai de ahi ga sao mai i lodo olaau ngudu ga daa gu maakau dangada e hai baasi ange gi gilaau. Gai deenei de hai e daa ai gi magau tangada e lodo e hagalagolagohia gilaau.

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

Acts 2:3

Gai gilaadeu ne gidee hanu mee be ni manga niio de ahi ula, gai manga laa ne loiho gi honga o dahi ma dahi.

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

2 Corinthians 2:16

ange gi dahi gidaadeu go nnamu o de magau ange gi de magau, aagai ange gi tangada ange laa gidaadeu go de nnamu o de mouli ange gi de mouli. Gai goai donu e bau ange gi mee nei?

Hosea 6:5

Deenei ai, au e hai naa denga pelaabisi gi duuduudia gilaadeu, au gu daa gilaadeu gi maakau i agu muna, gai dagu hagamodu e moolau naa donu bei de gemo o de maalama.