Jeremiah 23:24 - De Beebaa Dabu

²⁴ E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

Jeremiah 23:24 Referans Kwoze

Proverbs 15:3

Luu mada o Tagi Maolunga i mommee alodahi, ia e dagitilo de gau baubau aama gilaadeu e danuaa.

Psalm 139:7

Go hee naa donu oogu e hano e mmuni ai i doo Hagasaalunga? Gai go hee naa donu oogu e savini e mmuni ai i de goe?

Psalm 90:8

Koe e gidee omaadeu baubau, gai omaadeu haisala e hagammuni laa e daakodo donu i mada luoo mada.

Isaiah 29:15

E vakaa naa gilaadeu e hagammahi laa e hagammuni alaadeu hagatau i Tagi Maolunga, gilaadeu e hai alaadeu hegau i lo te gohu, ma de hagataba, “Goai naa donu e gidee gidaadeu? Gai goai naa donu e iloo?”

1 Kings 8:27

Aagai e maua donu e de Maadua i de noho i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Psalm 10:11

Ia e hagadaba, “De Maadua gu ngalo mee nei; ia gu haoli luoono mada gi dee gidee ai e ia.”

2 Chronicles 6:18

Aagai e maua donu e de Maadua i de noho madali dangada i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

Ephesians 1:23

go dono angaanga donu, deenei de honu abodonu o Klisdo, go de ia e hagahoohonu ina mee alodahi.

2 Chronicles 2:6

Aagai goai e maua i de hagaduu dahi hale e noho ai ia, go hiidinga de langi maolunga e dee dohu dono noho ai? Gai au e dee bau ange donu gi de hagaduu dahi hale e noho ai ia, aagai au e hagaduu donu huu dahi mommee e hai ai denga sigidaumaha i mada luoono mada.

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Ezekiel 9:9

Gai ia ne hai mai gi de au, “Haisala o dangada o Israel ma dangada o Judah gu kona mmao de baubau; de henua gu honu i todo, gai gu deai se hagamodu heohi i de aduhale. Gilaadeu e hagataba, ‘Tagi Maolunga gu tili de henua; Tagi Maolunga e dee gidee mee gu hai.’

Ezekiel 8:12

Aagai ia ne ssili mai gi de au, “Tama a tangada, koe e gidee naa mee a dagi o de gau Israel e hai i lo te gohu, dahi ma dahi e hano gi de aabi iai ada o ono diinonga? Gai gilaadeu e hagataba, ‘Tagi Maolunga e dee gidee donu gidaadeu; Tagi Maolunga gu tili de henua.’ ”

Jeremiah 49:10

Aagai au gu aau ma gu deai malo o Esau; au gu hai ga gidee mommee e hagammuni laa, gai ia e dee maua donu i de mmuni. Ana dama gu maakau, ono daina ma dangada e paa ange gi de ia gu deai.

Psalm 148:13

Mee nei alodahi gi duuhia de ingoo o Tagi Maolunga, i hiidinga go dono ingoo donu huu e heohi de hagaamua; dono mahamaha e maolunga ange i henua i lalo ma de langi.

Genesis 16:13

Gai ia ne hagaingoo ange Tagi Maolunga ne basa ange laa gi de ia, “Go koe de Maadua e gidee au,” go hiidinga ia ne hagadaba, “Au gu gidee donu de ia e gidee e dagidiiloo mai au.”

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

De Beebaa go Job 34:21

Ia e daumada hegau alodahi a tangada; ia e gidee ono mommee alodahi e hano aagena.

De Beebaa go Job 34:22

E deai donu se mommee gohu, e deai donu se mommee gohu boo dangodango, e maua e dangada e haia de baubau i de mmuni ai.

Jeremiah 16:17

Gai au gu gidee danuaa olaadeu dagodo alodahi; mee nei e dee hagammuni donu i de au, gai olaadeu baubau e dee haoli donu gi dee gidee ai e au.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Daniel 2:22

Ia e hagaago mai mee e dee tonu ange dangada aagena ma de hagammuni; ia e iloo mee i lo te gohu; gai de maalama e dagodo i ono daha.

Psalm 139:8

Noo au e hanage gi de langi, gai koe i kilaa; noo au e hano iho gi de mommee o de gau maakau, gai koe i kilaa.